#ثگيل_مقدمة #خطاب_مولاتنا_رملة #لولدها_القاسم_عليهما_السلام باگ العطش روحك = وصينيتك جروحك زفيتك لتابوتك مقسوم عرسك موتك وصينيتك جروحك ============================ ردت اقره الفاتحه = بمهر موش بمذبحه يالمثل طحن الرحه = طحنوا ضلوعك كربله مو بت اصل = ما اتلكتنه عدل يا عرس صاير كتل = طفوا شموعك احلى حب بالدنيا امك من تِحبك يالعفتني الظاهر امتعبين گلبك من الحوافر لو من الطعنات تعبك ذبحوا الهلهوله = والذمه مشكوله بيا صدى اسمع صوتك مقسوم عرسك موتك صينيتك جروحك ============================= امصابك يتعب العقل = وكطع رجلين الشمل الذبح فاعل مو فعل = طشر شملنه هدم عرسك خيط الم = كبال عيني وكله دم شامة المنحر سهم = ضيعهه منه هدم عرسك الابيض مسوينه احمر طولك اولامه الحرير شجابه ع البر وجهك المنگلب لونه وماكله الحر لحفرتك وديتك = بيا علي زفيتك باگوا لمع ياقوتك مقسوم عرسك موتك وصينيتك جروحك ============================== الدنيا موش ام الصدك = چملت فتگي فتگ قاسمي مخلص سحگ = بين الحوافر يشيل ايد تطيح ايد = راح ليلاوي الحديد وصار مكطوع الوريد = بسمه العاشر يم شو حطوا رمحك يم نحرك شلون هاي تاليهه بتعب حضني يلعبون جيب ليوخر اصورك من العيون يا شمسي چا غيبي = راح اليلم شيبي يايمه فدوه امروتك مقسوم عرسك موتك وصينيتك جروحك ============================= بساعة السار الضعن = عيوني رأسن دمعن بصايتك يابو الحسن = ذبحولي بزري دمعت العين اطلعت = امفرعه جي طاح البخت تكلف الام لو بچت = يايمه تدري لهسه عندي اكماطك وطلعته اشمه وخرز للعباس محطوطات يمه من رحت لسه الگلب لچمه اعله لچمه بان الجرح بيه = طاحت العلويه جا ما تردلي بقوتك مقسوم عرسك موتك صينيتك جروحك ============================= امودع بدم يالولد = ضايع امجازه المهد حيل ما ظلي بعد = يايمه واعتب اخدود ضاعت بالشمس = وطشوا الدم بالعرس ياهو ليردني لأمس = ضيعني مغرب يمه من طلعوا راسك روحي طلعت وتلطم ايدي بلا وعي ذبحوك سمعت وجم ضريبة عشك لسمك روحي دفعت عينيني يجدامي = ابني انذبح ضامي ذاك الحنان يفوتك مقسوم عرسك موتك وصينيتك جروحك ============================== علي مهدي المالكي https://t.me/alimahdi9x9 7.5K views00:28
