#قصيدة_ثكيل #عن_لسان_مولاتي_رقية_في_الخرابه الدمع گد ما بچيت بعيني ضاوي واسمع بس مقامات النعاوي ، ، ، - وعمتي ابلا وعي - تمسح مدمعي ، ، واسمع بس مقامات النعاوي ، ، ، ====================== بقت بس ساعه == وتموت احلامي التراب امبلل == دمع گداامي ، الخرايب ظلمه = وبرد بعظامي شيهود بله = رجيف اجدامي ، - والتراب ايذري ظل = واختنگنه وعلي - هاي حالتنه صفت ، = وينكم يا هلي ، - هنانه هزهزني الهوه = وبالسبي محملي - شما تچيته يوجع صار ضهري ، ، - وبقيت احسب تره بعداد عمري ، - وعمتي البس نعي - تمسح مدمعي ، ، واسمع بس مقامات النعاوي ، ، ، ===================== الم اجدامي == اويطگطگ عضمي التعب تارسني = ونحول بجسمي صرت من اوگف = اكض باليمي ، وخواتي من الهم = نسن حته اسمي - وانا من گد الركض = چازي بي چم فطر - ما وگف لحظه السبي = من الصبح للعصر - وبالخرابه اتعذبت ، == اكثر من الجمر ، - وبلا بيبان واليعبر يباوع ، ، - غربه وناس متروسه الشوارع - ألمن مرجعي ، - تمسح مدمعي ، ، واسمع بس مقامات النعاوي ، ، ، ==================== متت چم مره == بحنيني وصوته ، أبي مو يمي = واگله امروته ، ، اليموت بديره = يجي بتابوته ، وابوي الجاني = بحصيره بموته - صوابي اصبح مو سهل = بي ذبح بي سبي - وما نفع چنه العتب ، = عالتل الزينبي ، ، - اتباوع عيون الخلگ = وچلبن بالعبي ، - الخرايب موت والحيطان ماهي ، - ظلام وعمتي اكلهه أنتي ياهي ، - يزهراء اسمعي - تمسح مدمعي ، ، واسمع بس مقامات النعاوي ، ، ، ====================== بعد مابيه == اعله هاي الحاله ، اتعبت يا دهري = زماني شماله ، تره مو وادم == عرب رحاله ، وحدانه الحادي = بعذاب اجماله - وانا من حين السبي = لهسه محني اضهري - وطايح بوجهي الحزن = ومنكسر خاطري ، - ويا گلب يحمل بعد ، = حالتي ومنظري ، ، - الوداع امودع الله يا دلالي ، ، - صفينه اتراب ومضيعين والي ، - ما ينفع سعي - تمسح مدمعي ، ، واسمع بس مقامات النعاوي ، ، ، ===================== منو يگابلني == واگله البيه تره من الوگفه = اضعفن رجليه الحلال احلاله = بحظن راعيه ، وابوي مجافي = انذبح صبحيه ، - يا مصابات الدهر = شويه صبرن بعد - طفله ما احمل تره = وعنهه ابوها ابتعد - ذبحوا الكله وفه = وماهو طير السعد ، ، - بعد بعيوني دمعي الصار ناشف - بعدهي بروحي متروسه السوالف - هيا ابكو معي - تمسح مدمعي ، ، واسمع بس مقامات النعاوي ، ، ، ===================== - علي مهدي المالكي ، ، https://t.me/alimahdi9x9 6.7K viewsedited 01:25