سيد عمار الموسوي

2022-02-16 19:30:14 مشتاگــه العيـــون سهليها يام عون
امنيتي أجي لزيارتج سهليها يام عون

****************************************
نظرة منج تسوه عمري وكــل تفاصيل الحيات
كون ازورج گبل ناسي مـا تگول افلان مـات
آنه شاب وشوگي خله تذبل بوجهي الصفات
قلـة الحيلــة وبقالـــي بس دموعي الجاريات

مولاتي متعوب وابعيده الدروب
راح ابگه اتاني دعوتج سهليها يام عون


****************************************



گابلت گلبــي وبجينه گمنه نحجي اعله الفراق
أيعينك الله يا بوفاضل فرگت اختــك ما تُطاق
والله كتلتنـي المحنــه واشعر بصدري اختناق
گلبي وين ايدير وجها مـــن يحرگه الاشتيــاق

دلاللي محروگ وهوايه مخنوگ
مو راح اموت امروتج سهليها يام عون
****************************************
ياغريبــة الغربـه مــره گامت اتموت الحواس
ولو مشيت ابنص عشيره دونج اشعر مالي ناس
روحي بستــان وحرگها انتظاري البيــه جــاس
هسه ذابل عرگ روحي ومـابگه بهالروح يـاس

مابيهــا ورگــات بس بيها حرگات
روحي ترد ابنظرتج سهليها يام عون
****************************************

نيه عندي لو گصدتج راية من عباس اجيب
النوب ازورها حبيبج صاحـب الخـد التريب
ادري مشتاگه العطرهم بيهم جروحــج تطيب
طيبي جرحي بالزيارة كون ازورج عن قريب

والگلبه مكسور أيامــه عاشـور
تجبرني نظرة گبتج سهليها يام عون
****************************************

العلگمي لو مايه ينشف ينترس من عيني ماي
وتغرگ جروف الشريعه لو بجت هاي اويه هاي
منفــرد يالحــره دائـــي والزيــارة بـــس دواي
انتي صرتي گبال عيني وصــارت الدنيــه وراي

راح ابگه ملهوف جالفاگد الشوف
شوفي يرد بنسمتج سهليها يام عون
****************************************


مــا أريـد ابقــه أسلــم واذكر اسمج من بعيد
عن قرب رايـد ازورج حرگتــي يمــج تزيــد
صارت أمنيتي الوحيده يوگــف الدم بالوريــد
واشهگ الموت بضريحج وانحسب عندج شهيد

والغــالــي عبــاس ماريــد الانفــاس
اتمنه اموت بحضرتج سهليها يام عـون

****************************************

سيد عمار الموسوي باز کردن / نظر دهید

2022-02-08 13:20:26 قصيدة (المُلتَقى عِندَ الحُسين)


ع المشرعـة لمـن طحـت
يا با الفضل بعدك صحت
ياروحي لا تتنفسي ألآنَ مـاتَ مؤنسي
والمُلتَقى عِندَ الحُسين **************************
أنه أحساسي أبن حذلم يگل لنفاسي اخبركم
زينب هالمسيه تموت مكان ابريه ما الكم
انحسمت شهگت الحوارء انكتب الها تفاركــم
غَصه بروح اخت عباس منها الليلة تحرمكم
صدگ گبل موت الله انه ميتــــه قبـل موتي بسنـة
لشام احــس لمــن فتت يــاخوية الف موته متت
بحالي انته سيد العارفين **********************




الفرات امنعتنق جفك الجفك ركضت امواجة
وآنه امن الفرات اليوم لجفوفـك أشد حاجة
تعال اغنيني هذا الكون ماتغنينــي أفواجــة
النَفَسْ يالغالـي للگمرة يكــون الليلة معراجة
عيني اعله دربك شابحة الحگني گبــل النايحة
يا ابا الفضل اتوسلك خليها آخر نظرة الك
ادركني يا ماي المَعين
**********************
خلـه عيونــي تتلألأ انعكاس عيونك بعيني
وشواطي الراحة لو شفتك تتجــاره بشرايينـــي
تدري لو شفت وجهك مـــا تتلاگـــه جفينـي
وعطرك مصدر انفاسي أموت وهوه يحييني
بعدك حبيبي ماشفت عيني انعمت لمن غبت
وگادت أديه غربتي ورحنه لوادي حيرتي
خبرني بيمن استعين
**********************

اليموت بشوگه يالغالي ابيــا ديــرة يدفنونــه
مو حگي كتلني الشوگ حبيبي مغمض عيونه
روحي الهايمه بحبك برمح فرگاك مطعونه
واثگل من حزن گلبي صبح رمشي على جفونه
ما اگدر افتح هالجفن ما أگوه خويه امن الحزن
آنه الحزينه الفاگده وحته بصلاتي گاعده
سيف الحزن فوگ الوتين
**********************
وجـــه الشـــام يالعباس مثل وجه ابنَ ذي الجوشن
مـــن شــدة ظلام الدار عيــون البالمهد يغشــن
الديره الأنته مو بيها وكت الها الجدم يمشن
الطيور البالصحن وياي عليك امن البجي جهشن
يبجن الك ليــل وصبح والهسه ما خفگن جنح
الوجه السمه لا ما علن مثلـــي بگـــن يتأملــن
اليوم اللقآ متأملين
**********************

جرف موج الحزن گلبي لوادي غمرته البلوه
ونظرت اعله الجرف لنها بعيده ضفت السلــوه
دورت بمزايا الــروح شفتها مهيمنه القســوه
امن الحادي عشر لليوم الوحشة بروحي تتروه يامـؤنسـي فــي كُربتي غارت عليه وحشتــي
الوحشة اعله صدري جاثمة خلتني اموت امن الضمة
ضميانه ياماي الحنين
**********************

سيد عمار الموسوي باز کردن / نظر دهید

2022-01-23 21:48:35 اسمعت بالعالم العلوي صـوت بهـالخبـر يـدوي طفه الحاطمة مولد فاطمة ****************************** شفت موج البحر عالي وصرت متحير بأمره گتله شبيها امواجك تعانق وحده بالأُخره سألته وگلي يالسائل الليله مولد الزهره روحي… باز کردن / نظر دهید

2022-01-23 21:46:48 اسمعت بالعالم العلوي
صـوت بهـالخبـر يـدوي
طفه الحاطمة مولد فاطمة
******************************
شفت موج البحر عالي وصرت متحير بأمره
گتله شبيها امواجك تعانق وحده بالأُخره
سألته وگلي يالسائل الليله مولد الزهره
روحي تحولت موجه وغطست هايمه ابقعره

غارق ماردت منجه غمرة روحي البهجة
روحي الهايمه مولد فاطمة
******************************
وي وجه البحر شفته الگمر هاليله يتغزل
امن نجومه نسج كلمات او صبح نور الأُفق مغزل
نور الزهره خلاني من نوري صرت أعزل
وفرحان بتمام النور لأن هالليله يتنزل

نورج غطه ع النورين يا ام الحسن وحسين
أسمع من فمه مولد فاطمه
******************************
هَبت نسمه والگلبي راحت طيبة جرحه
گلت هاي السعاده امنين وَلَم تمسسني
كُل فرحه
نزل يمي وحي الأحساس جاوبني وسكن جنحه
هاي النسمه من نفحات مولد فاطمه وصبحه


عطرها لمه لامسني نزل دمع الفرح مني

أجمل مكرمه مولد فاطمة
******************************
بسبب نسوة أهل مكة على الحره الحزن غيم
الخديجة ما أجن لنهن گلب ماعدهن امتيم
أجت كلثم أخت موسى وسارة وآسيا ومريم
وحور العين اجن يمها والها الباري فجر يم

الكوثر جاريه ابسدها وطفح زمزم على خدها
الله امعظمه مولد فاطمة
******************************
من اقره اعله مولدها البسمه ابشفتي اتصلي
أشهد والدي المرسل وبعدها استرسلت تتلي
ولي الله علي إشهد وسلام اعله الوصي بعلي
وهيه بالمهد گالت حيدر يا بشر خلي

امن الله هذا متكوبي حيدر هوه محبوبي
من رب السمه مولد فاطمة
******************************

سيد عمار الموسوي باز کردن / نظر دهید