2021-08-07 18:28:33
ح أتكلم عن الموضوع د ، شايفاهو حايم كتير و وجع لي قلبي و الله!
طيب يخوانا عايزاكم تعرفوا حاجة، إنت كزول أخترت صح إختيارك ده ما ح يخذلك بأي شكل من الأشكال، صحبك الانت أخترتو د، و كان إختيار كويس، ماف حاجة إسمها كلهم فترات، الفترات دي بالمنظور الصحيح هي شنو؟..
هي مده زمنية محددة و بعد تنتهي بتجي فترة غيرها..
فأنا ما ممكن أشبه زول بي فترة، لانو أصلا اذا الزول إنتهى معناه مات بس و غير كده الزول ما أنتهى..
أنا عارفة إنو الزول البكتب الكلام ده كان ماري بي إنكسارات جبرتو إنو يكتبه، بس ده ما مبرر لي إنك تقول كلهم فترات و أصحاب شنو، يخوانا الأصحاب الصح هم أعظم شيء ممكن تلقاهو في الدنيا دي، صحبك د ممكن ينشغل عنك، و ممكن ما يكون معاك زي زمان و دي حاجة منطقية جداً لانو الإنسان كائن حي ما جماد ( و قبل كده قلت الاهتمامات بتتغير بمرور الزمن بس مفروض العلاقات تكون طيبة)..
إحتمال صحبك د يكون فاكرك و الله، و ممكن يكون ما ناسيك بس كمان هو عندو مشغولياته الخاصة ف مفروض إنت كزول واعي ما تضغط عليه، خلونا نصفي النية يخوانا..
الصحبة دي خيار للترويح عن النفس ما خيار لي إننا نتقّل بيها على نفسنا .
نخلي صحبتنا تكون في الله عشان في حاجة عظيمة و اللي طوالي بحكيها، إنو ربنا سبحانه و تعالى و بمعنى الكلام إنو يوم القيامة بنادي : أي المتحابين فيَّ فأظلهم اليوم تحت ظلي يوم لا ظل إلا ظلي)..
الدنيا براها بي مشقاتها كافية تماماً ف ما ممكن إنت تبقى عيشتك اللوم الما ليهو داعي .
و كونو إنت أتخذلت من إختيار غلط ما معناها تقول لل الناس الأصحاب كلام فارغ.
"إنما الرفاق للرفاق أوطان"
- مع خالص المحبة .
#إيمان بابكر.
150 views𝒌𝒉𝒂𝒅𝒍𝒋𝒂⁞ .., 15:28
⁸
