2022-04-27 12:04:57
خلصتوا يا جماعة؟
طيب.. صبيحة العيد، هنصلّي الفجر وهنشغّل تكبيرات العيد في البيت بأعلى صوت وتجيب آخر الشارع..
واللي عنده "صب" مشكور والله : ).
• هنصطحب معانا أطفالنا، وهنروح نصلّي في الساحات - أيوة بقول في الساحات-
مش متوفر عندكم ساحات، خدوا المصليات "سجادة الصلاة" وافرشوها قدام ساحات المساجد وصلّواْ..
-ياريت أهل كل منطقة يجمعوا إن الصلاة هتكون في مسجد واحد- وطبيعي محدش هيقدر يتكلم عشان المسجد هيكون مليان وبالتالي هتكملوا برا..
"من السُّنّة صلاة العيد في الخلاء"
• هتلبسوا لبس العيد، مجبتوش، يبقى نطلّع أفضل وأجمل لبس عندنا ونتطيب وننزل ونردد في التكبيرات..
عدّوا على المحلات واشتروا بلالين وثلج الأفراح وشيبسي وبُنبوني وقولوا لصاحب المحل، الفكهاني، إخوانكم إللي صلّوا معاكم، أي مُسلم يقابلك ابتسم وقول: "كل عامٍ وأنتم بخير، عيدكم مُبارك"
• زوروا أهاليكم وصلوا أرحامكم وببالغوا في فرحتكم.. متخلوش أي نكرة يُفسد علينا أعيادنا..
"ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ"
"وَلِتُكْمِلُواْ الْعِدَّةَ وَلِتُكَبِّرُوا اللهَ عَلَى مَا هَدَاكُمْ وَلَعَلَّكُمْ تَشْكُرُونَ"
151 viewsⓃⓔⓜⓞ , 09:04
ح
