#روايات و#قصص #عراقيه #واقعيه

2022-08-03 20:57:10 اجتني مرة جبيرة
تفضلي يوم تفضلي يمة
مرحبا حجية ..
مية هلا بنيتي .. امريني
مايأمر عليج لاعدو ولا ضالم
اني بس جاية اسأل انشد .. ع جماعة هذا بيتهم جان بس كلولي مسافرين
واني اجيت اسألكم الكم بذات لانكم ساكنين بهذا البيت وهذا البيت ادري بي يخصهم صح حجية لواني غلاطنة
جاوبنتي . 
وصلتي يمة وصلتي
دتفضلي بنيتي جوة واني احجيلج
لاخالة تسلمين امي بلبيت وحدها ماكدر اتاخر عليها
يايمة دطبي ماناكل اوادم احنة
وطبيت وياها ..
.


ꕥꕥꕥꕥ يـــــــــــــتـــــــــــــبــــــــع ꕥꕥꕥꕥ باز کردن / نظر دهید

2022-08-03 20:57:09 واستقرينة .. اول شي سويتة  رحت للنجف .. اخذت ياسين وياية . زرنة وبقيت اشمشم بشباج الامام وانحب وابجي .. واكلة بشفاعتك عند ربك ربي يسامحني ويغفرلي ويقبل توبتي .. ربي سامحني .. امامي برد ع گلبي ..


زرت وكملت ..
اني وياية ياسين زار جان ياسين من غير طائفة . بس كلنة مسلمين وعراقيين ودين محمد هوة يوحدنة حتى اني امي من طائفة وابوية من طائفة
رحنة للمقابر دورت بكل مكاتب الدفانة . حيل تعبت وبطلوع الروح يلة لكيت الدفان وبلفعل طلع سجلات قديمة وكال يي موجود .. همزين لحكتي علية هذا جان راح بالگص .. وخاصة الي مالهم احد راحوو ونكربوو
رحنة المكان جان بعيد جنة حاجزين سيارة وهية تفتر بينة
ع رغم الجو مال ديبدي  شتة بس جانت الشمس تصكع بينة صكع .. اباوع ع ياسين تبهذل اعرفة مو وجه بهذلة ولا هل الشمس القوية  . واني شصار بحالي بعد متعودين ع برد  ..
نزلت
اباووع هذا كبر ابوية جان اشبه بالمفلش المهدم
بديت اقترب اشوية شوية واحس رجلي ترجف وتطك رجل برجل .. والحمل صار جبير
وكفت ع بعد مسافة جنت شايلة بيدي جنطة .. محسيت بيها بعد
اباوع ع القبر عبالك داشوفة هوة واكف كبالي اباوعلة وعيوني تحجي حجي سنين الم وعتاب
اقتربت وكعدت بالكاع وابوس واشمشم بتراب الكبر ..
واشيل تراب واذب ع روحي
واكلة بوييييية سامحني بوووية .
اني الي عفتك اني الي غدرت بيك ..
يابة اني ادري بيك تسمعني .. وتشوفني .بوية مشتاقتلك بس اشوفك والمك واحضنك واشمك .. يابة تعببت اخذني .. يي اخذني وياك وريحني .
ارحمني بووية .. اني من بعدك تعبت تعذبت
ابجي واحجي وارش مي وعلگت البخور وياسين يمي يقرة قرءان
...........
وكلام وعتاب وحجي سنين يوجع ويئلم  اختصرتة الكم .. و

محسيت ع شي فقدت ..
ماحسها الة الدنيا ليلت تقريبا
درت وجهي اباوع ياسين كاعد من بعيد من شافني باوعتلة ابتسم ..
كتلة يمة تعبتك وخليتك تنتصر .. كلي اشش لتحجي ولا كلمة . يامة تعبتي وياية وسهرتي وانتضرتي ولا مليتي. انتي لو شما اسويلج ماجازيج .. لو امي موجودة مسوي الي سويتي حتى اختي مجان سوت الي سويتي .. انتي امي واختي وصديقتي وحبيبتي وغاليتي شتحجين انتي .. كل هذا وتريديني امل منج ..
حبيب كلبي انتة بعد روحي
يلة كومي خل نرجع عاد كافي حتليل وبيني وبينج اني هل مكان محبيتة .. مرعب مخيف يخنك .. ضحكت . وضربتة ع صدرة  . حقك يابة انتة خو متعود ع ترافة وينك وين هل المكان .. الله يبعدك عنة يارب ومتشوف شر ..
يمة ياسين اني شلون نسيت كتلة للدفان .يرمم القبر ويبني جديد
يي كلتلة ونطيتة الفلوس بعد
حبيبي بعد روحي عذبتك وياية يوم
تعبج راحة ياغالية الغوالي ..
رجعنة للبيت
بليل
.. امي عفتها بلبيت .. وصيت عليها ناس الجوارين طلعو خوش ناس والنعم منهم .. بساع تالفو ويانة
لان ماكدر اخذها وياية

بقة ياسين كم يوم .. راح التقة باخوو صارلة من عمر مشايفة .. اختة مزوجة .. وراح لخالتة وابن خالتة بقة كم يوم يمهم
وزار مقابرهم ..
ورجع يمي يومين .. وسلم علية طلع راح ودعتة ورحت وياه للمطار اوصلة
حاول يقنعني ارجع وياه مقبلت ..
ثاني شغلة رجعت دورت ع نضال
كلت خل اشوفها اكيد راح تفرح برجعتي وبشوفتي .. عبالك هل البنية مزروعة زرع بروحي رغم سنين البعد بس روحي تحووم حواليها
رحت لنفس عنوان بيتهم .. بس تعبت يلة وصلت لان هواي مكانات بغداد متغيرة بسبب الطرق المسدودة بالحواجز والسيطرات الي متخلي سيارات تفوت وبين كل سيطرة والثانية نقطة تفتيش
كولي رحت للبيت والمطقة والشارع بطلوع الروح
نزلت ع بعد مسافة والباقي لازم مشي لان سادي بصبات
عبرت الصبات اباوع البيوت متغيرة وناس غير الناس وعالم غير عالم
اباوع البيت متغير تقريبا مو بجمالية قبل
دكيت الجرس .
طلعلي رجال . كال تفضلي اختي
كتلة بيت ابو نضال ..
كال العفوو اختي .. لا البيت هذا الي .  اني شتريتة من صاحبة جان اسمة ابو نضال ماعرف اذى تقصدي الة ..
كتلة اسفة اعتذر منك خوية بس اني من سنين طويلة مجاية هنانة . جنت بالخارج .. بس بلا امر عليك متعرف وين راحوو
كال .. والله يااختي بصراحة اني ماعرف عنهم شي بس اشتريت البيت من واحد صاحبي دلاني ع ابونضال وصارت البيعة فماعرف غير انهم رادوو يسافرون لان اشتريت البيت بغراضة واثاثة ..
هاا مشكور خوية دوختك وياية واسفة للازعاج
طلعت واني اتصفن يربي وين راحوو
بعدين باوعت كبالي
بيت احساان يي والله هذا بيت احسان خل اروح اسأل بلكت ينطوني نشدة شي ..
هم دكيت الجرس ..
طلعتلي طفلة صغيرة. .. كتلة هلاوو حبيبي ماما موجودة ..
راحت تركض شعرها اصفر وهية شكرة تخبل
اسمعها تصيح بيبي تعالي هاي مرية بلباب تريدج تحجي وتنعوص . ابتسمت ع كلامها .. يمة مبينة لسان فدووة باز کردن / نظر دهید

2022-08-03 20:57:09   تصفح

جرب البريميوم


اشلاء محطمة
من قبل ZozaZoza8




باارت 24
2.4K 187 2

بواسطة ZozaZoza8
اشلاء محطمة ..
زهراء الطائي
البااارت الـ ٢٤..
وكفت كبال المراية واحاجي روحي .. يي نغم عدت ايامج وسنينج راحت كلها برمشت عين .. وكلها كضت بالتعب والقهر والهم .. حتى شكولي تغيرت .. مو ذيج نغم
يي سنين العمر هم الها حوبة .. والقهر يكبر بنادم فوك عمرة سنين يمكن ميبين بوكتها بس هسة بين ..
مرن سنين طويلة ..
حاولت اكثر من مرة اوصل لنضال وية اي واحد من  معارفي يروح للعراق . ادلي عنوانها بس حتى يجيبلي رقم تلفون .. بس ماكو  فص ملح وذاب
حتى اخر شي . كلولي رحنة ع العنوان وملكينة هذولة الناس الي تريديهم انتي .. لانهم سافروو ..
كلت ياربي يجمعني بيها بوقت قريب ..
مكدرت اروح للعراق .. اخاف يلزموني واكون بشي واصير بشي ثاني
لان العرفتة جنت مطلوبة .. حتى هنانة طول الوكت واني متخفية عن عيون الناس الغربة ..
جنت مطلوبة بالاسم واخاف يرصدوني .. مو اخاف ع روحي لا طبني طوب بس هذا ابن الناس مالة ذنب خاف يأذووه


والايام تمشي ولايام تعدي والسنين تركض ..
جنت فرحانة .  بتخرج ياسين واخذ شهادة الدكتوراه
وزوج وحدة حبها وياه بالدوام .. جان اصلها عربي وبريطاني . 
امي ع كرسي متحرك
واني الشيب ملة راسي
مر ع السقوط سنين طويلة ..
عبالي ارجع من ذاك الوكت .. بس صار العراق عبارة عن ساحة دامية ومجازر لاالها اول ولا تالي ..
تعبت حيل حياتي خالية من كلشي لحيت ع ياسين نرجع .. مقبل
لان هوة راح للعراق من مات ابوه مرة وية ورجال صديق النة.   كال ماعندي شي هناك ..العزاز ع كلبي كلهم جوة التراب. شعندي رايح ..
بس اني اصريت انو نرجع .. نشوف العراق وبغداد من بعد السقوط شصار بيها هل هية نفسها لو بعدها مثل ماهية
لا اكيد تغيرت الدخاخين بكل صوب والدموم ع الكياعين من كل مكان .
قنعت ياسين نرجع للعراق ..
وافق  نرجع بس  كال ماكدر ابقة وياكم لان شغلي وحياتي هنانة وزوجتي وابني ماكدر اعوفهم بس اكدر اروح واجي عليكم بوقت الاجازات وانتو هم اذى صعبتلكم العيشة هناك حاولي ترجعين يمة حاولي لاني ماكدر بلياج لانتي ولابيبي  وحتى ايودي يحبج وانتي بيبيتة لازم يكبر ع ايدج ..
كتلة الله كريم .. خل اروح .. ازور قبر ابوية واشم تراب ديرتي واذى الله كاتبلي اكمل هناك راح اكمل واذى ضجت ارجعلك وين تروح ملجبتلك مجلبتلك . 
بلفعل رجعنة .. وياسين ويانة
وصلنة للمطار بتكسي للبيت الي مكتوب بالورقة بنفس عنوانة بغداد ..
اباوع  من شباج السيارة ..
جانت الدنيا توها تشتي واباوع ع نثيث المطر شلون ينزل ع الجامة .. اباوع بلهفة ع شوارع بغداد
لكتها متغيرة .. مو نفس بغداد من تركتها من سنين طويلة .. شوارعها مليانة حفريات . بعض المباني مهدمة .. وبعض البنايات والشوارع مسدودة بالصبات والحواجز الكونكريتية .. والسيطرات كانت حكاية اخى .. براس كل شارع اوفرع جان اكو سيطرة والزدحام ماخذ الشارع من الطول للطول .. حتى استنشاق الهوة مو صافي مثل ايام قبل ..احس بي متلوث  بالدخاخين .. والة صوت الانفجارات .. كل بين دقيقة والثانية ونسمع طبة وصوت دووي .. اسمع ياسين. يحجي .. والله يايمة اني بس اريد افهم شعاجبج هنانة شوفي عبالج بغداد مثل قبل لايمة لا راحت وية ايام الخير
وابو التكسي يجاوبة ويفر بأيدة .. يي والله ياعمي .. ترة بس التعبان بقة كلها شردت بوية كلها شلعت ماضل واحد هنانة .. انصحك وليدي الحياة هنانة مراهمة . اخذ اهلك وارجع مكان ماجيت ..
وضل مدري شيحجي .. ع السياسة وع هذا فلان بالحكم وع اعضاء البرلمان وع الانتخابات الي راح تصير وع الارهاب والخطف
تستمر القصة أدناه

وصلنة للبيت نزلنة اني و ياسين امي بقت بالسيارة  ..
اباوع نفس العنوان .. البيت فارغ .. معقولة طول هل السنين محد ساكن بي .
اني اريد اشوف البيت وياسين يحجي .. يايمة فكري زين هم الج نية تبقين .. صدكيني مراح تتحملون انتو تعودتو هناك
باوعتلة .. وخزرتة .. كافي ياسين كافي .. ترة راسي نصطر وانتة وهذا ابو التكسي الي مبطل لغوة ..
وصلنة مكان قريب ع البيت شفت مرة بالشارع تجدي وجهاا تعبان .. باوعتها هاي وجهاا مو غريب علية .. عبالك شايفتها من قبل .. بقيت اباوع عليها .. بعدين كلت يجوز شبه ..

دخلت للبيت
جان وسخ يرادلة تنضيف . بس كانو مبني ومتروك محد كاعد بي ..
شفت البيت ورحت شفت جيران .
وكالو يي هذا البيت من سنين ومحد يعرف منو اصحابة واجوي جماعةممريحين كعدوو بي بس اهل المنطقة هججوهم وطلعوو
رجعنة للفندق . وياسين ع نفس الزن ونفس الحجي
كمت ماردلة عفتة يحجي لوحدة
بقينة اسبوع بالفندق بين مكملنة البيت من تنضيف وتاثيث انتقلنة بي بقيت اشمشم بحياطين البيت وابجي واكول هذا من ريحة الغالي .. هذا من شمت الحبايب واضرب بالحايط كانو شخص يعاتب شخص  باز کردن / نظر دهید

2022-08-03 20:56:19 كعدت اسوف ياسين فوك راسي .. كتلة اني وين .. كال ارتاحي .. شوية تعبتي وجبتج للمستشفى ..
كتلة رجعني للبيت تعبانة اريد انام بغرفتي ..
مر ٣ايام واني ماطلع من الغرفة
تعبت من الي صار بحياتي كلها مو بس ئازاد وابوه لالا .. بس تعبت من بدايتها الى يومي هذا واني الدنية تلطش بية ومشفت يوم عدل والله العالم الجاي اعظم يمكن ..
طبعا بهل السنين هواي تغيرت كبرت ..
مو ذيج نغم الحلوة الباسة الكشاخة .. لا تعبت تجاعيد بدت تطلعلي
اباوع ياسين صار رجال اطول مني .. ودخل جامعة وراح يخلص ..
ꕥꕥꕥꕥ يـــــــــــــتـــــــــــــبــــــــع ꕥꕥꕥꕥ باز کردن / نظر دهید

2022-08-03 20:56:19 فديوم من بعد العزة .. فتحت المجر ..
مال المكتب ماتة ..
بناء ع طلب منة قبل ليموت ..
كال اذى متت هذا المجر تفتحي وكل الي بي الج ..
فتحت المجر .. لكيت صندوك خشبي صغيى
بي ورقة مثل الرسالة والورقة الخ مثل سند بيت ماعرف شنوو .. وياهن صورتين  .  اني وياه .. ابيض واسود قديمة عرفت هاي الصورة
عرفت الصورة
من اول يوم التقيت بي
بلمطار اخذناها
والصورة الخ الي ستغربتها .. هاي اني وابوية صورة حييل قديمة هاي اني واكفة يمة وحاضني
وياها منديل ماتي بي تطريز ايدي .. تطريز ورد وردي ع الحواف وزخرفة ناعمة ..
شلتهن واشتم بيهن وابجي
قريت الرسالة ..
الي طفلتي وحبيبتي وزوجتي الحنون والجميلة
سوف تقرئين هذا الكلمات بعدما أكون قد فارقة هذه الحياة
سامحيني محبوبتي ان كنت قد قصرت في حقكي .. انا اعلم
ليس الرجل الذي طالما حلمتي به
لكنني حاولت ان اكون لكي اب قبل الزوج ..
سامحيني .. ان كان ولدي قد يؤذيك .. وانا لم افعل له شيء
نغم .. اردت اليوم ان تعرفي شيء.
انا احببتك .. ع رغم فارق السن الذي بيننا
ارجو منك وانتي تقرئي هذه الرسالة ان تدعي لي بالرحمة والمغفرة  ولاتنقطعي عني بالدعاء والرحمة
انا مرة صادفت رجل بحياتي وهذا الرجل .. وبالصدفة الجميلة .. كان والدك ويحاول الهروب .. لكن للاسف امسكوبه  واطلقو عليه الرصاص   وكان يقول في انفاسه الاخيرة  انه
كان يحبك وراضن عنك واوصاني بك كثيرا وكان يحمل معه هذه الصورة التي قد تحمليها الان .. انا  .. لاعرف لما لم اقلك هذا الشيء .. كان هاجس قد يمنعني بأخبارك ذالك
التقيت به واصاني بك .. وعرفتك من حينها
وبعثت لك ببريد لئجلبك هنا .. كان يراودني منام كل يوم يزعجني .. انه يوصني بك
وكما  اوصاني  فعلت
لكنني من بعد ان رئيته كم هوة مظلوم في حياتة من جميع الجوانب والكل يلاحقه وهو لامفر له ..
ترك ذالك الرجل الذي يدعى والدك .. طابعا في روحي وحياتي وشخصيتي .. وع الفور اخذت عائلتي ومن معي .. وهاجرنا الى بلاد الغربة .. خوفاً ورعباً مما سيحدث لي ولعائلتي من هذا النظام الجائر الذي لم يرحم احداً 
وفعلت ماطلب مني .. وجلبتك انت وعائلتك الى هنا .و
لكنني من دون  شعور .. اوجست نفسي اني قد تعلقت بك كثيرا واحببتك ..
انا اسف محبوبتي سامحيني ع هذا
والدك مدفون بأحدى مدافن النجف ..
ان تريدي البحث عنه .. اذهبي الى رجل يدعى ..
ابو سعد .. هوة سيدليك عليه .. وان لم تلاقيه اذهبي الى ابنه فهوة لديه قائمة بذالك
.. وانا اكرر اسفي منك
وهذه الورقة الثانية هية .. بيت كان قد اسسه لك ليجلبك للعيش معه
اقلبي الوريقة .. وهذا رقم حساب مني لك
في وقت الضيق ستحتاجينه ..
سامحيني .. وادعي لي بالرحمة
احبك ..
زوجك .. حسين ابو ئازاد
حضنت العرض وبقيت ليلة كاملة ابجي
ورحت خبرت امي بالي مكتوب ..
امي ضلت تنحب وتبجي ..
لحد اخر يوم بعمرة وهوة يفكر بية واني الي تركتة .. اني حقيرة. وبقيت اضرب بروحي واكفخ ..وكوة جرني ياسين وهداني ..
مرة شهور .. وئازاد صار لايطاق عمايلة حيل توجع بينة ..
بعركة من العركات هجم ع ياسين كوة جريتة منة واعيط عوف وليدي عوفة ..ياكلب .. انتة موتت ابوك من طلايبك وعمايلك ..
كام عدل روحة وعيونة مدمعة
ويمسح بيهم ..
كال اني مموتة .. هوة موتني هوة ذبحني بالحياة
انتي فرحانة بابوج .. لان اخر يوم بحياتة وهوة يفكر بيج واني حتى الحبيتها اخذها مني .. يي اخذها مني
يحجي ويبجي ويضرب ع صدرة
واني بس صافنة ع كلامة ..
نغمممم اخذج مني .. انتي الي حبيتها انتي ..
يي اخذج مني .. كتلة يابة احبها اخطبها الي ..
بس هوة شسوة راح وخطبها لروحة .. لج شلون اب هذا ..شلووون تدنة نفسة ع وحدة ابنة يفكر بيها شلون يقترب من وحدها وهية عايشة بخيال ابنة شلووووون  لتكوليلي اب .. هذا عدوو وحقير .. خلة حياتي جحيم ..
اني بقيت مصدومة بمكاني .. ردت اوكع من مكاني اجة ياسين ولزمني ..
كال هل الكلمتين وراح
بس هنة موكلمتين .. هنة جنهن سهام بروحي تنخر .. زين ليش هيج سوة معقولة ابو ئازاد هيج يسوي .. لالا هذا ئازاد حقير وهيج ديسوي يشوه صورة ابوه الي
بس شلوون يربي .. يي ئازاد مجان هيج بلعكس جان وياية احسن واكثر من صديق .. يي اني من زوجت ابوه هوة انكلب حالة .. حتى سماهر ازوجت بساع وجانت تتحاشة ابوه وحتى من مات مأجتي الة ورة اسبوع يلة .. واجع واغالط نفسي .. واكول هوة هذا ولد عاق ويريد يشوه صورة ابو الي .. عبالة راح اخذ الميراث الي
ميدري بية اني ماريد شي .. بس اريد راحة بال كااااااافي تعبتتتتتتت ..
بقيت اعيط بمكاني
ارحموووووووني ياناس ارحمووني .. ارحممووو حالي ..
ارحمو حالي .. احجي وابجي ورجف .. وشوية شوية بدة صوتي يختفي .. وبعد محسيت بشي باز کردن / نظر دهید

2022-08-03 20:56:19   تصفح

جرب البريميوم


اشلاء محطمة
من قبل ZozaZoza8




بااارت 23
2.5K 202 5

بواسطة ZozaZoza8
اشلاء محطمة ..
زهراء الطائي
الباارت الـ ٢٣ ..

انا جايج اليوم وعارض عليج حبي
اناجايج وعازم عليج انج تكوني  مرتي
انا البيج اتغزل وبيج اذوب مثل شمعة تحترك بلهب نيرانها
انا بيج اتغزل وبعيونج الي تردلي الروح من الصبح لحد المسية
انا العاشك ... انا الولهان .. انا مدوخن ومسطول مثل السكران .. ودي ارتوي بشفافج. و من الصبح لحد المسية
اخ ربي هيج خلقة تنخلق من بين حسنها يلالي الگمر
ومن بين نظرات العيون تشرق شمسنا العالية 
اليوم انا عازم عليج انج تكوني محبوبتي
احبج بگد نسمات الهوة
اجبج بگد البحر لو هاجت شواطيه
ااجبج اكثر من طيات الشجر لو زقزقت عصافيره
اااه احبج.........  انتي ياماي الروح والرية
من فدوة اروح لهل الطول يالطولج عصن ريحان
... يالطولج غصن ريحان
كال ..
نغم .. ميحتاج كل التفكير وهل الحيرة ترة مسألة بسيطة
يا اي يا لا وخلص كلشي ينتهي
واذى خايفة ع دوامج والشغل .. لتحسبين لشي .. اني احبج وماريد اضرج واضر الي يضرج ..
كلتي للوالدة فاتحتيها بالموضوع ..
باوعتلة .. هزيت راسي ..
بتسم وكعد قريب مني .. لزم ايدي .. كال خلص لتخافين اني راح اطلبج .. اذى اكو قبلول نتوكل ع الله واذى لا .. خلص كانو شي ومصار .. وخل بالج ابد لتضغطين ع روحج..
واذى رافضة الفكرة .. هسة اطلع منا والله واكول لوالدتج جاي اشوفها صالها يومين ممداومة ..
باوعتلة بأبتسامة مدمعة  ..
بهل باثناء .. اجتي امي
وفاتحها بالموضوع .. استغربت من ردة فعلها جان فرحانة
ابو ئازاد .. جان خوش رجال والنعم منة ..
بس متوقعت اني راح اتزوج من بعد سرمد جنت كل يوم اقنع روحي راح نرجع اني وياه ويصير عدنة جهال .. بس بلاجدوى الحال هوة الحال وسرمد ماكووو
جنت اعيش وياه بخيالي .. بس من ابوئازاد طلبني .. كل حساباتي تخربطت حتى خيالي تبعثر ..
هوة رجال مينعاب .والف وحدة تتمناه
ابنة ائازاد قريب من عمري .. وبنتة سماهر اصغر بعد بس ثنينهم مقاربين لعمري ..
شلون واني راح اتزوج واحد بكد ابوية ..
بس كلت ميخالف اكيد راح يعوضني الفاگدتة
بس حب ..
لا مفكرت بي كحبيب ..
ولا باوعتلة من هل المنضور .. 
حاجتني امي وتقريبا قتنعت بكلامها ..
كالت اني مدايمة الج .. وحتى ياسين مو ابنج .. خاف يجي يوم ويكبر ويدور اهلة واصلة ويتركج وخيدة .. بلقليل لو تزوجتي .. بلكت الله يعوضج باطفال ينسوج كل مر عشتي بي .. وميصير حياتج كلها تعيشين بلا رجال ..
بقيت فترة .. مرجعت جواب الة
بقيت اداوم .. واشوفة .. حاولت اكون قريبة منة ..
وتغيرت نضرتي الة .. بدة ينولد شي داخلي من ناحيتة .. ماكدر اسمي حب لا بس اكدر اكول عنة ميول .. شعور براحة من اقترب منة ..
مرةفترة بسيطة
وبلفعل .  تم الزواج
بس شرطت هلية ماترك امي وياسين .. بس مقبل نكعد وياهم نفس البيت لا
اخذ بيت اكبر من بيتنة .يم بيتة الة
وكعدنة بي اني وهوة  وامي وياسين ..
بس جان ابنة  ئازاد .. حيل  كام يضوج مني من يوم مرتبطت بأبو ..  بعكس اول مجيت .. جان طاير بية
كلت ميخالف مرور الوقت يتعدل .. الموضوع جديد علية ومو اي شخص يتقبل فكرة مرة الاب حتل. جان كبير. .

تستمر القصة أدناه

ومرت سنين طويلة .. وياسين كبر ودخل جامعة .. وامي رجعت تعبت وصحتها راحت .. اتعس من قبل .. العمر الة حوبة
حتى اني من اباوع بالمراية .. اشوف صورة تعكس تعب هم حمل كبير ومسؤلية
حياتي وية ابو ئازاد . جانت تعب بتعب . ابنة هواي اذاني وخاربني خاصة من ابوه كام يتعب ويكبر والامراض بدت تاخذ عافيتة
هواي سببلي مشاكل وحاربني حيل .واكثر من مرة الكاه يوسوس براس ابوه .. يكلة هاي تخونك يابة .. لتئمن الها طردها ..بس ابو ئازاد ميسمع منة . جان حنون وطيب بمعنى الكلمة
وع طول ودايم الدوم من ارجع من الشغل .. الكة كابة عركة بين ئازاد وياسين ..
احاول افاككهم .. اباوع اكول بلة هذا شكبرة يخلي عقلة وية شاب بكد ولدة ..
ئازاد ازوج من بنية عراقية تخبل حيل  ونعومة وخلوقة بشكل ..
جان دايم الدوم تجي يمي وتشكي منة .. صار عندة ٣ جهال بنات ثنين ولد . دائما يخونها ويضربها وهية تتحمل . تكول وين اروح ماعندي احد اهلي ميتين بس هوة اعرف .
شسوي .. بنفس الوقت هوة ميكدر يستغنى عنها لان محد يتحمل اذيتة وقساوتة بس هية ..
جنت احس بي عندة هواي عقد نفسية بحياتة ..
بس ماعرف سرها شنو
سماهر ازوجت وراحت للدنمارك عايشة .
الى ان
بيوم رجعت للبيت اكعد
ابو ئازاد حتى يتغدة وانطي الدوة . 
لكن للاسف .. مكعد .. لزمت ايدة جانت باردة .. لطمت ع وجهي حيل .. عرفتة ميت
مرت ايام التعزية .وهواي اجوي عالم .. جان رجال طيب وهواي عالم تعرفة والكل تاثر بخبر وفاتة .. باز کردن / نظر دهید

2022-08-03 20:55:17 كمت داطلع ..
كال لتاخذين قرار هسة رجع للبيت وشوري امج .. وفكري ودانشي عقلج .. اني ممستعجل ع الرد ..
بس خلي بالج اني ماريد اضغط عليج ..
حتلو رفضتي
اني متقبل هل الشي ونبقة صداقة
وحتى الشغل لتشيلين همة ..
لان الشغل شي والزواج شي ..
طلعت.
ورجعت دايخة اكثر مما اني دايخة
مرت يومين مرحت للشغل .. طلبت اجازة
امي. كل متسألني مانطيها عقاد نافع ..
واحاول اتهرب
بليلة الي كلت راح افاتحها
اندك الباب
اتفاجئت بابو ئازاد واكف بلباب .. ويبتسم
وبيدة بوكيه ورد جوري  من الي احبة .. وعلبة شكولا
دخل للبيت
وكال نغم ..


ꕥꕥꕥꕥ يـــــــــــــتـــــــــــــبــــــــع ꕥꕥꕥꕥ باز کردن / نظر دهید

2022-08-03 20:55:17 ليش يمة ليش .. تكابرين وتدعين برود المشاعر واني اشوفج مذبوحة وتحبين سرمد ليش
.. امي اني تعباااانة حيل ماكدر انام .. وجوه هذولة الي نذبحو ونغدروو ميروحون من بالي ويجوني بالمنام وكوابيس هواي .. عرفتي ليش هيج
طول ما اني كاعدة وحدي واني افكر واتعب والوم روحي الف مرة واتگطع الف گطعة .. حتى نضال اذيتها بسببي  وصلت هل المواصيل بسببي
كافي بنيتي كافي . رحمي روحج رحمي حالج
صارت بيج .. عقد نفسية .. كافي ..
انتي بس استغفري الله هوة راح يقبل توبتج وراح تخلصين من الي انتي بي
ترة الي تسوي مراح يغير من الموضوع شي .. مراح يرجع الزمن ليورة ..
كومي غسلي وتوضي راح ترتاحين
هههه وداد انتي هج تحجين .. سبحانك ربي تغير ولاتتغير
حبيبتي .. الهداية من الله .. يلة لج كومي لتضيعين الحجي بلة كومي .. وكيحة متكعدين راحة هههه
بلفعل
سمعت كلمتها .. وكمت توضيت وياها
وامشي وياها . حسيت روحي طفل من امة تاخذة تغسلة وتبدلة ملابسة وتعلمة شلون يصلي .  احساس حلو واني كأنو نولدت من جديد
جابتلي ملابس الصلاة. . اول مرة اصلي . من سنين طويلة من ايام ابوية وذاك البيت الي بي ريحة الجنة ريحة الطيب
صليت وكملت
احسن نولدت من جديد .  اول مكملت داگوم .. احس نسمت هوة باردة وحلووة تغلغلت بئنفاسي .عيشتني غير احساس .. هواها من الجنة بيها ريحة طيب مثل قبل بذاك بيتنة جنت
بنية بسيطة احلامها بسيطة
اليوم بس حسيت هذا الاحساس
جنت اعرف سبب اذيتي هوة المكان القذر الي اروحلة
نمت بسرعة ولاحسيت بشي ولادمعت عيوني .حسيت راحة مابعدها راحة ......

كعدت ع ريحة طيبة .. اول مرة احس انو اني بهل الراحة
كلامها اثر بية .. جنت محتاجتها . بس اكابر .  لان اشوفها هية سبب دماري
بين النايمة وبين الكاعدة .  اشتم .. ريحة جاي مهيل .. وياها رحيت المخلمة والخبز الحاار
وداد ع طول طبخها طيب .. بس مجنت احس بطعمة ولا لريحتة . بس اليوم .. شميت هل الريحة  وحسيت بأجواء عائلة ..
يمكن ياسين . من دخل حياتنة غيرها رئسا ع عقب الله يمكن دزة النة .. هوة جان فرحتنة .. وطول الوقت خايفة ليجي احد من اهلة وياخذة .. لذالك قررت ابتعد
ورة دقايق . اسمع ياسين وامي .. تعال ولك وين رايح .. ..خالة شبيج غير داكعد نغومة ..
ولك عوفها نامت متأخر .. تعال كعد صبيت لك الحليب .. وهوة يجاوبها والله والله ماكل اذى متجي هية ويانة ..
وانفتحت الباب بسرعة ..
اقترب الفراش .. باوع ماكو اني
بقة يدور .
اجيتة من ورة وجان افززة .. هووووووو
اباوع علية كام يعيط ويكمز .. وهجم علية يضرب بية .. واني اضربة ونضحك . امي من بعيد واكفة تضحك ..
ياسين شكلة حلوو يشبه غادة نفس العيون والشعر السرح .. موكلش طويل مدحدح ومليان بشرتة بيضة يخبل
حبيتة وحسيتة ابني .. وكلت خلص هوة الي راح يعوضني عن كل يوم اسود بحياتي
مرن اليومين ..
مخليت بالي يم شي ..  واكتفيت بوجود امي وياسين ..
لمينة ملابس الي نحتاجهم بس
والباقي  اتخلصت منهم وتصدقت بيهن ..
سلمت البيت لهلة ..
وبوجهنا للمطار .. مخبرت اي احد عن موعد الطيارة
طرنة  لسوريا ..
ودعت ارض العراق .. وجانت دموعي مالية عيوني
واحساس صعب .. اصعب شعور هوة الفراق ..
بقيت . ست اشهر بسورية ..
الى ان الجماعة اصدقائنة سحبونة .. وتنكرنة  بالشكل وطلعنة بجوازات مزورة. .
والحمدلله  كلشي تم بنتهى السرية والامان
استقرينة  بوالية دورهام
جانت من ارقى المدن ببريطانيا ..
وفرونة بيت متوسط الحجم .. كلشي متوفر بي من احسن مايكون ..
وكمت اشتغل وياهم
مندوبة مبيعات بشركة تصدير .. علب البلاستيكية.
جان معمل او شركة بسيطة .. بس شغلها خير .. وعليها طلب
استلم مرتب ..كافي ..
بس تاخرنة يلة طلعت النة اوراق الجوء ..
رغم الحياة المريحة ..
جنت متخوفة ع لحضة انلزم .. اني واهلي
بس الحمدلله كل مخاوفي جانت مجرد قلق .. من الماضي الي ميروح من بالي
ياسين دخلتة مدرسة .. هناك وحيل فرحان بالحياة الجديدة
وامي هم رجعت صحتها ..
اني حياتي تغيرت جذريا ..
بس صار وقت الفراغ يمليها .. ماكو احد ازورة .. ولا صديقات ولانضال ولا سرمد الي جنت عايشة ع امل انو الايام ترجعنة .. بس جان مجرد صدى يرجعلي من داخل روحي
شوية شوية تعمت وبدات اهتم اكثر بشغلي شغلي صار هوة حياتي ..
فديوم المدير .. دز علية
هوة نفسة جان صديق العائلة
اني عرفت نوعا ما شنو يريد
جانت عيونة علية بس احاول اتغاضا هل الشي
رحت .. بقة يحجي مقدمات ويعرعر بالسالفة ..
كتلة .. ابو ئازاد .. احجي العندك من غير هل المقدمات
.. كال بصراحة .. اني اريدج للزواج ..
ام ئازاد من ماتت بعد مزوجت .. واني محتاج وحدة مثلج .. اني وحيد وانتي وحيدة .. تقبلين بية
سكتت ومجاوبتة.. باز کردن / نظر دهید

2022-08-03 20:55:17   تصفح

جرب البريميوم


اشلاء محطمة
من قبل ZozaZoza8




باارت 22
2.6K 195 4

بواسطة ZozaZoza8
اشلاء محطمة
زهراء الطائي
البااارت ال ٢٢ . 
نغوومة ..
حبيبتي
شبيج
.. هاا امي .. مابية .هيج مجاييني نوم
.. انتي تبجين مو.
.. هاا لالا  . خير امي محتاجة شي تريدين شي
.. لاممحتاجة بس كعدت ع صوت شهگاتج ونينج ..
لالا انتي متوهمة اني مابية شي يجوز حلمانة .. احاجيها وامسح بعيوني ابين طبيعية
رجعي نامي امي رجعي ..
لانغومة لا صح اني كبرت بس بعدني مخرفيت ..بلعكس صحيت وعيت ع زماني
اتقربت مني وكعدت يم رجلية جيت اكوم .. بس لزمتها وكفتني .. كعدت يمي وكامت تفرك برجلية ..
نغم .. يمة اني اتمنى انج تسامحيني سامحيني يمة ..اني هواي غلطت بحقج وبحق الانسان الطيب ابوج .. وكل دمعة من عيونج دتنزل اني السبب بيها اني ورة اذيتج وعيشتج هاي .. اني هواي خطيت بحقج .. بس طمعانة بكرمج وكرم رب العالمين انو يسامحني وانتي بعد ..
نغم يمة صدكيني كل الي سويتة من محبتي بيج عبالي اعيشج احسن عيشة واعوضج عن الايام الي مجنت وياج بيها .. ع رغم عيوبي بس الوب عليج يمة ..
حتى من جنتي يم ابوج .. جنت كل يوم اوكف من بعيد واباوع عليج .. حتى من تروحين للمدرسة .. جانت امنيتي احضنج قوي وادخلج جوة بروحي .. بس صدكي حاولت اخذج ابوج رفض .  وكلي مستحيل اخليها تربة بهيج عالم وصخ .. واني اقتنعت بكلامة وكلت الم حالي واهيىء الج احسن عيشة واجي اخذج .. بس ياريتني مأخذتج وبقيت اباوعلج من بعيد لبعيد .. ولا هل الاذية الي صارت بحياتج ..
جبتج يمي حاولت اقترب منج انتي جنتي تنفرين جنت اضوج .. وابقة لليلي سهرانة ابجي لانج معتبرتيني امج ولو للحضة وحدة .. ماكدر اجي واكعد يمج واسولف وياج لانج تضوجين مني .. جنت اجي بليل اضل الملم بيج واشتم بس من تنامين اكدر اقترب .. وانتي محقوقة يمة العندة ام مثلي اصلن لازم ميباوع بوجهاا .. يمة اني من وعيت ع الدنيا مشفت راحة . حتى اهلي ماعرفهم منو .. اتبنوني عائلة .. بلبداية حبوني .. بس جان اخو الرجال التبناني .. جان يتحارش بية ويأذيني هواي .. من ارفض يسوي مصيبة ويذبها براسي  ويخليهم يعاقبوني نهار كامل بلا اكل ولاشرب ومحبوسة بغرفة .. بيوم وليلة لكيت روحي بالشارع محد احتضني غير ابوج واهلة ..
بس اني شنو اني .. حيوانة ناكرة للجميل وصخة وعوجة عضيت اليد الي نمدت الي . 
نعم بنيتي ذنبج وذنب ابوج برگبتي هاي ليوم الدين حتلو انتو سامحتوني اني مراح اسامح نفسي ..
اول مرة اشوف وداد تحجي بهل الطريقة .  تحجي بخنيگ وتعب والم وحزن وعضة بداخل روحها .  اني جنت بس اباوع عليها واسمع كل كلمة كالتها ..
نغم شي واخد اطلبة منج واتمنى مترفضي حتلو متحبين هل الشي حاولي تجبرين روحج
.. شنوة يمة كولي
اريد احضنج واضمج بحضني حيل . 
باوعت عليها والدموع بدت تملي عيوني وبأبتسامة .  هزيت براسي بلعكس .. اني محتاجة هذا الشي ..
نمت بين احضانها .. حسيت احساس اول مرة احسة حسيت براحة تمشي بجسمي كلة .. وداخلي اكول معقولة هاي الراحة  كلها من هاي الانسانة الي جانت اكبر عدوو الي .. معقولة اني هلكد بعيدة عنها .. بغض النضر عن الي سوتة والي جانت اتسوي .. اني مالي الحق انو هيج اتعامل وياها .  جنت اشوف بعيونها الحب والاشتياق بس مجنت اعتبرة حب جنت اعتبرة انانية منها وضياع الي ولحياتي ..
كتلها اااااه تدرين اني من زمان محتاجة لهذا الحضن .. بس مجنت اتصور الكاه عندج ..عندج انتي ..
يي يمة اني امج والله احبج واحبج ازيد من روحي .. عبالج اني تمرضت لان تعبي راح لا .. لان هذا مال حرام يروح ميدوم .. اني قهري كلة انو الي فنيت روحي وحياتي ع شي يزول ويروح والشي الوحيد الباقيلي والي شالني بوكت وكعتي هملتة وعفتة جريت ورة دنية وصخة وعوجة وعفتج وعفت ابوج عفتج يانور عيوني وانتي معفتيني عفت اطهر رجال بحياتي وهوة معافني بوكت مرميت بالشارع . 
بنيتي تانيب الضمير ياكل بية اكل ..
.. ماما لعد اني شاگول .. اني هم مشيت بدرب اعوج غايتي منة انتقم منج الي ولبوية .. بس جنت ماشية وانتقم من روحي ومن ابوية واني محاسة ع شي .. اذيت واضلمت وذبحت وهواي عالم اتاذت بسببي وهواي امهات حركت كلوبهن ع ضناهن . اني شكول يايمة اني هم وصخة . 
تستمر القصة أدناه

لايمة نغومة لا لتحجين هيج .. انتي لو داخلج وصخ .. جان هلولد المسكين مجان هسة عدنة .. لو داخلج وصخ مجان داريتيني واني السبب باذيتج .. لو موزينة مجان ليلج متنامي الة تاخذين بثار غادة .. وتلوبين لو زاعلتج نضال  وحتى ايام فيروز
وهواي عالم ساعدتي من غير متعرفين عن روحج ..
نغومة حبيبتي انتي مو مثلي .. انتي نضيفة وطيبة وماكو منج .. انتي قوية .. حتى اني استمد قوتي منج صرت باز کردن / نظر دهید

2022-08-03 20:54:37 اني بين ايدة ..
بدت اعصابي ترخى .. وادخل بعالمة هوة وعالم حبة .. من نفسة اشتم عطرة .. اتنفس الي يتنفسة
احس بكل لمسة منة . بيها حرارة ودفوو . يلزمني برقة .. واني روحي تفز من حرارة الحب والاشتياق . مو قصة رغبة . لالا بس حب .. يي هذا الحب .. الة طعم ولون يختلف ..عن كل رغبة بين اي مرة ورجال
كل بوسة منة تذوبني بي وبحبة اكثر .. الى انة وصل لشفتي .. احس انتهيت .. كمت ارجف واعرگ وابرد واحتر
كطع علية سرحاني .. بصوت


ꕥꕥꕥꕥ يـــــــــــــتـــــــــــــبــــــــع ꕥꕥꕥꕥ باز کردن / نظر دهید