#متغلطش_غلطتي وياريت اي حد محبط بعد موضوع الفيزيا ومحلش فيها ك | ......
#متغلطش_غلطتي وياريت اي حد محبط بعد موضوع الفيزيا ومحلش فيها كويس او محلش كويس كمان ف اللي فات وقال خلاص انا هستسلم وكده كده خربانه عايزك تسمع مني الكلمتين دول ..................................................... تعالي اكلمك عن نفسي الاول عشان تفهم مخزي كلامي كويس انا لما كنت في الثانوية الازهرية بتاعتي كان عندي اول يوم جبر وهندسة فراغية الامتحان كان تريكاته بسيطة بس انا كنت من قلقي وخوفي مفيش مسالة واحدة توحد ربنا كملته مع للاخر كل سؤال كنت بحله عند نصه واجي بعد كده مكملش واللي يقهرني اكتر اني اكتشفت ان اللجان التانية كان الغش كان فيه علي البحري قولت بقا اول يوم عدي فيه حوالي 2 % المية فما بالي بقا ببقيت الايام قولت هاجل للسنة الجديدة قولت انا هغيب من اخر مادة ومش هخش الدور التاني كده هقدر اعيد السنة كلها تاني ( ده نظام قديم في الازهر اللي كان بيغيب من مادة بيعيد السنة كلها مش المادة دي بس ) كنت بخش بقيت المواد بمراجعة الايام اللي قبل الامتحان وكان فيه امتحانات صعبة بتجي وكل اللي في بالي انا خلاص ضعت انا هلحق ايه طبعا حصلت ظروف واضطريت اخش اخر مادة وخلصت الامتحانات وظهرت النتيجة وكان حلي يجيب بكتيره 91 % لقيت مجموعي نزل اكتر عن كده قولت كمان !! ماهي كده كده ضايعة .......... لحد ماظهر التنسيق ايه التنسيق ياباشا بقا قالك ياعم الحج ان البشري من 96 % نعم !!!!!!!!!!! لا وهندسة وصل مجموعها لـــ 90 % ....كمان !!!! ساعتها بقا حالة من الانهيار ........ للعلم انا ايام الثانوية فيه مواد قفلتها اكتر من 5 مرات قبل دخول الامتحانات يعني انا دلوقت لو كنت ذاكرت من الاول ومستسلمتش بعد اول امتحان كان بايدي اجيب مجموع عالي !!! .................. سمعت القصة تعالي اقولك بقا اللي انا فهمته اللي حضرتك مش فاهمه انا لما فقدت الامل بعد اول امتحان كنت مفكر ان الامتحانات صعبة عليا بس مش علي الكل ..... يعني ايه برده حضرتك ياباشا مفكر ان التنسيق ده شئ ثابت مبيتغيرش ولو اتغير بيتغير تغير طفيف جدا وده كلام غلط التنسيق بيتحدد بناءا علي عدد الطلبة المرتبين علي الجمهورية من اول واحد مرتب لاخر واحد يعني مثلا المفروض ان كلية طب بتاخد حوالي اول عشرة الاف طالب حسب الترتيب الجمهوري التنسيق بيتم عن طريق انه بيشوف اقل واحد فيهم جايب كام وبيحطوا التنسيق ع اساسه يعني لو اخر واحد جايب 99% هتلاقي الطب من 99 % طب تجي بقا لو سنة فيها الامتحان صعبة ع الكل ممكن تلاقي العشر الاف دول اقل واحد فيهم جايب 96% فساعتها التنسيق للطب هيكون من 96 يعني الخلاصة طالما الامتحان كان علي الكل صعب متقلقش من موضوع التنسيق لانه غصب عنه هينزل لان كلية ليها عدد محدد المفروض تاخده فلو طلعت بعد امتحان صعب اوعي تياس ابدا لان اللي حصلك حصل لغيرك تخاف وتقلق لوكان الموضوع صعب عليك انت لوحدك فرسالتي متخليش موضوع صعوبة الامتحان ياثر عليك وخليك فاكر برده وتحط في حسبانك ان ربنا بيكرم اي واحد تعب من اول السنة لاخرها واستحالة يضيع تعبك فياريت تركز في بقيت المواد عشان لو التنسيق نزل ممكن تندم ندم عمرك انك مكملتش مذاكرة صح لان كان في ايدك تجيب مجموع كويس لو مكنتش استسلمت قوم وكمل الفرصة لسة في ايدك وافتكر ان ربنا معاك مش هيسيبك واحسن ظنك بربك وحقيقي هيكرمك طالما تعبت وعملت اللي عليك وبعتذر عن الاطالة #ولدت_لتكون_مميزا #جيو_ابراهيم_الغندور
