#المحاضرة_الخامسة | دورات قرآنية "د/حازم شومان"

#المحاضرة_الخامسة
دي كلمة لوحدها "زَوۡجَانِ"
أي نوعان من كل فاكهة زوجان.

"فَبِأَيِّ آلاء رَبِّكُمَا تُكَذِّبَانِ"
يعني نعمة ربنا في الدلالة على الجنة.

نعمة ربنا في إنه دلنا على الجنة، وشوقنا إليها وأنشئ في نفوسنا الرغبة في نيلها، وفي الفوز بها سبحانه وتعالى.

■ {مُتَّكِـِٔينَ عَلَىٰ فُرُشِۭ بَطَآئِنُهَا مِنۡ إِسۡتَبۡرَقٖۚ وَجَنَى ٱلۡجَنَّتَيۡنِ دَانٖ}.

"وَجَنَى" يقولك ازرع عشان تجني، اللي زرعته هتجنيه.

"وَجَنَى ٱلۡجَنَّتَيۡنِ" فاللي أنت هتزرعه في الدنيا هتجنيه في الآخرة.

اللي أنت هتتعب في الدعوة إلىٰ اللَّه في الدنيا هتجني في الآخرة.
هتتعب في قيام الليل في الدنيا هتجني في الآخرة.

هتتعب في جلسة الضحى في الدنيا هتجني في الآخرة.

وخد بالك {وَجَنَى ٱلۡجَنَّتَيۡنِ دَانٖ} يعني الفواكة وفروع الأشجار جايه لحد عندك.
كل حاجة بتخدمك في الجنة، كل حاجة خادمة ليك في الجنة.

اللهم ارزقنا الفردوس الأعلى.
اللهم إنا نسألك الفردوس الأعلى.

اللهم إنا نسألك الفردوس الأعلى.
اللهم إنا نسألك الفردوس الأعلى.