احسن حليب بعد عمر السنة؟ براحتك اي حليب بس ما يتجاوز الكوبين | t.me/doctoristishara

احسن حليب بعد عمر السنة؟
براحتك اي حليب بس ما يتجاوز الكوبين يوميا
لا لا احنا امكانيه خير من الله عدنا نريد احسن حليب بعد عمر السنه ؟
الحليب نفسه اللي كان قبل عمر السنه نفس الشركه اخذوه
يعني كان على حليب بقره لاك 1 كملي على بقرة لاك 3
احنا ما عدنا امكانيه نكدر ننطي حليب أكياس او حليب عادي او حليب باكيتات ؟
اي عادي بس بشرط ما يتجاوز الكوبين يوميا
احنا عايشين بقريه نكدر ننطي حليب طازج من البقره بعد عمر السنه؟
اي عادي شنو المشكله بس ما يتجاوز الكوبين يوميا
اني ارضع طبيعي ضروري انطي حليب صناعي بالكوب ؟
انت تنطين احسن حليب بالعالم اذا يرضع منك رضعتين مشبعات ما يحتاج تضيفين حليب اخر
أكدر انطي حليب باكيتات؟
اي طبعا بس ما يتجاوز الكوبين يوميا و ما نفضل المطعم بس اذا حب المطعم فواحد فقط
شون اذا اكثر من كوبين؟
اذا اهلا بفقر الدم
د. سيف سمير البياتي اخصائي طب الاطفال