اول نصيحه حتى لا يغار طفلك من اخوه او اخته انه ابدا لا تقارني | t.me/doctoristishara

اول نصيحه حتى لا يغار طفلك من اخوه او اخته
انه ابدا لا تقارنين بينهم
و بلا احساس النديه اللي تخلقوه بينهم
اخوك اكل هوايه
انت لازم تاكل هوايه
اخوك ما يتحرك انت لازم ما تتحرك
انت اشطر من اخوك
و اختك اكسل منك
و هذا الجو المشحون بالحقد المستتر و المنافسات الوهميه
عزز مبدأ sharing is caring
اي ان المشاركه اهتمام
شوف شنو يلعبون بينهم
خليهم يتشاركون باللعبه مو منو يغلب منو
علميهم المساعده و الشغل الجماعي من الدراسه للاعمال المنزليه للعب
اهم من هذا كله لا تفضل واحد منهم على الآخر و لا تجامل واحد على حساب الاخر
لا تكول هذا فقير او حباب
و اخيرا انصحك بشغلتين
لا تبالغ بمدح واحد منهم كدام الاخر
و لا تعيب على واحد منهم كدام الاخر
ابنوا الثقه بالنفس عند كل واحد منهم
لا تخلون مقاييس للنجاح براحتكم
يعني حتى لو اخ احسن من اخوه بالدراسه مثلا فهموه انه ممكن يكون هو متفوق في مجال اخر
اخر ملاحظه : الغيره شعور طبيعي و انساني و الطفل ماله اي ذنب بيه مجرد انه احنا بيدنا نزيده و نزيد حطب على النار او نقلله
#من_الطبيعي_الشعور_بالغيرة
د. سيف سمير البياتي اخصائي طب الاطفال

=====

شارك حتى يستفاد غيرك
===


إستشاره طبيه

معلومات عن مختلف الأمراض وعلاجها


https://t.me/doctoristishara