احجيلكم سوالف ما تتصدك؟ البوست خطير و بيه هفوات لامهات و جدات | إستشارة طبية
احجيلكم سوالف ما تتصدك؟ البوست خطير و بيه هفوات لامهات و جدات لا يمكن تغتفر نبدي على بركه الله يوم من الايام طفله عمرها ايام جابتها الام انه ما ترضع الطفله عدها جفاف فعلا و دخلناها اني احب جدا انه اتاكد من موضوع الرضاعه بنفسي و الله قلبت المميه المميه ما تذب حليب اعيد التجربه نعصر المميه المميه ما تذب حليب طلعت المميه ما مفتوحه و الطفله ما تحصل حليب الا القليل فقط بحيث واصله للجفاف يوم من الايام اهل جابوا طفله على اساس انه مختنكه افحص الصدر فعلا اكو اختناق و اكو ما يعرف باسم wheeze اللي هو صوت الصفير اللي يصير من ضيق النفس جدا احب اكشف الاطفال و كانت الدنيا شتاء بالكوه كشفت مديت ايدي لكيت دم ! دم منين صعدت الملابس لكيت مدخل طلق ناري !! و الام ما تدري بالاصابه الطفله استقرت حالتها و الطلقه كانت بارده الظاهر و نازله و الضيق ما كان الا دم متجمع فوق الرئه اكثر من طفل اشوفه فشل نمو اسئل عن وزن الولاده شكد؟ و عن الوزن الحالي ما متوافق ويه خطوط النمو اسئل عن كلشي كمحقق ماكو شي بالاخير اسئل عن طريقه تحضير الحليب تطلع الام تخفف الحليب الكيله الصغيره برقمين!! يعني مسويه للطفله دايت ! عمره ٤٠ يوم و من عاداتهم انه يشممون الطفل ٤٠ عطر و يذوقوه من الاكل ليش مو بذاك اليوم مذوقاته باقلاء و طلع الطفل عنده داء الباقلاء و نسبه دمه صارت 3 الطبيعي اكثر من 11 بس لحكناله الحمد لله من الحالات اللي ما اعرف شيسموها تسألني ام عن البيبسي لحديث الولاده اني ضحكت كلتلها ما معقوله تسالين هيجي سؤال معروف جوابه كان تكول لا دكتور جاوب لان بيبته تنطي بيبسي بالمميه يوميه مره حتى يرتاح !! اخر حاله بسهره اليوم طفل جابوه عنده تقيء اسود تشخص حاله انسداد امعاء القيء الاسود ممكن يكون دم غسلتله معدته السائل اللي يطلع اسود و دبق امي ناطيته شي شو ما شايفين هيجي شي لا دكتور شناطيته اوك كملنا و يمكن بطلين مغذي يلا تخلصنا من الاسود لتعترف الجده انه ناطيته دبس اوك امي شكد ؟ خاشوكه وحده دكتور اكيد؟ لا خاشوكتين اكيد دكتور الصدك هو حب الدبس و انطيته هوايه من الشيشه ما ادري شكد د. سيف سمير البياتي اخصائي طب الاطفال
