1.انتوا حياتكم تبدا بالليل فشلون تتصور منه هو ينام؟ خصوصا الاعمار الصغيره ، فهنا نركز ونرتب اولويات حياتنا ممكن شويه ندخل سبات علكد ماينامون وراها كعدوا سهروا وشتردون تسون سووا براحتكم وخلوا الطفل ياخذ حقه بالنوم
2.وقت الاستيقاظ متاخررررر جدا كتبولي يكعدون ب7 شيسون؟؟؟ بدا يومهم اكيد اول مايكدون يرحون للحمام وبعدها يجون عليه يكعدوني (جوعانين سويلنا ريوك ) واكوم وياهم نبدي فعاليات الريوك ونسوي وصفات بالبيض ومرات بان كيك وغيرها من الوصفات الي يحبوها ويطلبوها
3.تعرضهم للشاشات هوااااااي وهذا سبب جدا خطر ومؤذي كلما شاف الطفل شاشات اكثر كلما تنبه عقله اكثر وصار (متهيج) وهيج حاله من (التحفيز المفرط) يخلي صعب جدا جدا يسترخي ويدخل بالنوم خصوصا خصوصا اذا شافها بعد المغرب
4.عدم صرف طاقه بدنيه !!! 24 ساعه محبوس بغرفه صغيره واكعد واكعد ولا تركض واكعد !!! شي طبعا واكيد ومستحيل ينام من وقت لازم يركض ويركض هواي يشتقلب يعارك يكمز يسبح بحيث من يصير وقت النوم هو تعبان فعليا
اني قليل اطلع بحكم عندي رضيعه فحركتهم بالبيت الصبح وره الريوك يبدون يلعبون ختيلان، ركض، يلعبون بالمي والمسبح، يكمزون على سريري (يوميا اصيحلهم يلا تعالوا كمزوا ) واشجعهم واحسبلهم من 1--100 منو يوصل بدون مايوكف هو الفائز وهواي يخسرون ويرجعون من جديد لحد ما يكومون ينهتون
كل هاي داخل البيت لا متنزه ولا شي
5.عدم استهلاك طاقة بانشطه التفكير والذكاء مخلي الطفل بليد بدون اي تحدي عقلي بدون اي نشاط فكري اكيد الطاقة تصير ضعفين وثلاث اضعاف احنا بالبيت ندرس قراءة وحساب على نظام خاص مخصص لاعمارهم (مو مال مدرسه ولا مال روضه حتى لايساء فهمي ححطلهم توضيح بالتعليقات)
6.كثرة السكرياااااااااات طفل تنطوا قوطيه ببسي و3 نساتل و15 جكليته وتردي ينام من وقت؟؟؟؟؟؟ هذا ضرب من الخيااااال
7.عدم اطفاء الاضويه ليلا استخدام اضاءه قوية بيضاء جدا خطأ وتوثر على افراز هرمون الميلاتونين الي هو اساسي للبدا بالنوم
8.عدم الاستمرار بنتظيم النوم والاستستلام بعد رابع او 5 محاوله اهم نقطه بتنظيم النوم هو الاستمرار والاستمرار كلما استمريتي كلما تنظم اكثر ويبدي ياخذ الجسم دوره ان يستلم هو الدفه ويبدي يوجه الطفل نحو النوم نتيجه التعب يجوز تظلين بالتظيم اسبوعين الى ان يتم الموضوع
9.منخلي اضاءه الشمس هي تكعدهم الصبح (ستر الشمس ) الصح : انه مانخلي ستائر حاجبه للضوء حتى لاينامون اكثر من حاجتهم وبالتالي بليل يسهرون
10.كثره القيلولات للاعمار الصغيره، وتاخرها يعني لازم نخلي ببالنا من عمر +6 شهور تقريبا بعد ماكو قيلولة وره 4 او 5 عصر حتى يتحضر جسمه للمغرب ويبدي يتعب ويستقر بالنوم مو يكسرها النومه ويكعد ويسهر
الخلاصه النوم هو مثل حلقة مفرغه اهم شي بهاي الحلقة الاستيقااااااظ مبكرااااا ومن ثم الغاء القيولات للاعمار +3 سنوات ثم تحضير الجسد للخلود للنوم بعد ان يستهلك طاقته وينجز الكثير في يومه ليكون النوم هو راحه لتعبه فهذا هو اصل النوم
شلون نسوي هالشي؟ مو سحر كلشي بالتدريج وكلشي بالترتيب وحسب وضع كل عائله
