وحده من احسن و أنجح الطرق المستخدمة لعلاج و منع طفح الحفاظات | إستشارة طبية
وحده من احسن و أنجح الطرق المستخدمة لعلاج و منع طفح الحفاظات هو الوقت اللي ما يلبس بيه حفاظه !!! Diaper free time فهل تسويها؟ هل تتركيه قدر الامكان بدون حفاظ؟ وحده من البدائل اللي تكدرين تسويها هي الحفاظات المصنعه يدويا أو منزليا من القماش و حتى اكو خطوط انتاج لهذه الحفاظات بس مع كل الاسف غير متوفره بكثره بالعراق و و شويه اغلى من الحفاظات العاديه بس كلش سهله صناعتها و استخدامها و جدا انصح بيها من يصير الطفح عنيد و بيتك بارد ما تكدرين تتركين الطفل بلا حفاظ خيار آخر هو وضع الطفل على فراش مصنوع من ماده تمنع التسرب نصيحه أخرى احب اكولها الك انه خليه بلا حفاظ بعد ما يتدرر او يصير عنده خروج لان اقلها فد نصف ساعه إلى ساعه ما راح يتدرر شي آخر ممكن يساعدك حجينا على وضع الطفل على بطنه بس على شرط انت صاحيه و الطفل صاحي تكدرين تخلين هذا الوقت بدون حفاظ راح تقلل هذه الوضعيه من كميه الازعاج اللي يسببه الخروج و الادرار بالصور أمثله عن الحفاظات المصنعه من الأقمشة Cloth diapers جدا مفيده و حتى ممكن تنصنع منزليا في حالات طفح الحفاظات د. سيف سمير البياتي اخصائي طب الاطفال ===== استشارة طبية
