10 قواعد للمباركه بالمولود الجديد! من القواعد الاساسيه للمبار | إستشارة طبية
10 قواعد للمباركه بالمولود الجديد! من القواعد الاساسيه للمباركه و زياره الام اللي وضعت وليدها توا هي هذه القواعد التسعه 1. اخذي موعد لا تزعلين من يكولون لا مو مناسب الوقت اقبلي الوقت المقترح الاخر البديل 2. التزمي بالموعد بال ٣ يعني بال ٣ مو بعد حين لان دائما تكون الام ما شبعانه نوم فمو مال حرمان اضافي من النوم 3. لا تبقين هوايه و تطولين بالزيارة ساعه اكثر من كافيه 4. عقمي ايديك جيدا قبل الدخول و كوني صحيه قدر الامكان اذا انت مريضه لا ترحين امان الرضيع و امه مهمه و بالاخص بالوقت الحالي 5. اذا ما حبت الام تشوفك الطفل لا تطلبين و اذا الام جابتلك الطفل لازم تعرفين كيف تحمليه باسناد الراس و الرقبه 6. ساعدي الام اذا تكدرين بالاخص الامهات اللي ساكنات وحدهن ويه الهديه مال سيت كلاصات او سيت البيبسي اخذي وجبه عشاء مثلا لان ما عدها وقت تطبخ 7. كولي لا ببساطه تتعشين لا تتغدين لا لا تقبلين اي جهد اضافي من الام لان اللي عدها كافي 8. لا تودين اطفالك لبيت الطفل الجديد لبيت الطفل الجديد لا تودين اطفالك اطفالك لا توديهم لاسباب صحيه تخص المولود الجديد و لاسباب اخرى تخص راحه الام 9. لا تاخذين صور للمولود الجديد لان يجوز الام ما تقبل نقبل الخصوصيه 10. احتفظي بنصائحك لنفسك انطيها رابط هذه الصفحه و بس و عوفي سوالف الثوم و الكحل و الخزعبلات د. سيف سمير البياتي اخصائي طب الاطفال ===
ضروري كلكم تتابعون صفحة د. سيف سمير البياتي ع الفيسبوك
