عيوني من تعبرين السنه و انت ترضعين طبيعي هم قللي الحليب الطبي | إستشارة طبية
عيوني من تعبرين السنه و انت ترضعين طبيعي هم قللي الحليب الطبيعي إلى مرتين باليوم و اذا تنطين حليب بالكوب انطي بس رضعه باليوم هسه اوك ابقي رضعي للسنتين رضاعه طبيعيه بس قللي بعد السنه إلى رضعتين حتى ياكل مو تكولين ما ياكل ما ياكل لان يشرب حليب و لان يشرب حليب فما راح ياكل الرضاعه الصناعيه سهله هاي مع السلامه مميه بعمر السنه و يشرب حليب بالكوب او القصبه فقط مرتين و اذا اكل كوب لبن زبادي هاهيه بعد حليب بس واحد يبقاله باليوم و اذا اكل كوب لبن زبادي و قطعتين كيري فهاهيه لا تنطيه حليب بذاك اليوم اخذ حصته من الحليب و مشتقاته نريده ياكل لحم و خضروات و فواكه قابل الطفل يعيش بس بالحليب يا عيني د. سيف سمير البياتي اخصائي طب الاطفال
