يلا نسوي check list لأول سنه بحياه أولادنا فيتامين k اول سا | إستشارة طبية
يلا نسوي check list لأول سنه بحياه أولادنا فيتامين k اول ساعة بعد الولاده لقاح التهاب الكبد يفضل بأول يوم بعد الولاده او اقلها ما يتجاوز ٣ ايام بعد الولاده لذلك ما نتأخر ابدا عن أول لقاح بالمركز الصحي الصمغه اللي هو أول حليب ينزل بعد الولاده كلش كافي لطفلك و ان الحليب ما ينزل الا باليوم الثالث للخامس فيتامين دي من اول يوم للاطفال اللي يرضعون طبيعي لا تنسين تحضيرات كل مولود : محرار قطرات ملحيه و مرهم بيه زنك للحفاظ بروبايوتك قد يختار طبيبك اضافتها فالتزمي بيها لان تحمي الجهاز الهضمي و تقلل المغص ابتعدي عن الأكل الغير صحي بالأخص اول ٣ أشهر و المشروبات الغازيه و الاكل الحار و اي شي ممكن يسبب انتفاخ و غازات لطفلك كثري تمر و شوفان و عصير جزر و سمسم و خضروات و الكثير الكثير من الماء ف ٩٠ بالميه من حليبك ماء اغلب الاطفال يصير بيهم ابو صفار و اغلب الحالات تطيب وحدها بالرضاعه بس لا ننسى عوامل الخطوره و هي : 1. دم الأم سالب 2. دم الأم هو O و طفلك دمه A او B موجب 3. الطفل غير مكتمل النمو الشمعه مال بيت ما تكسر جزيئات ابو صفار و ما تأثر عليه و لا الها علاقه مثله مثل الثوم و بقيه الخرافات اللي تأخر العلاج للطفل اكثر نومه امينه للطفل هي النوم على الظهر بلا مخده الكماط فقط لليدين و مالها علاقه بساقين الطفل ضروري تاخذين مقوياتك و فيتاميناتك اذا كان اكلك مو صحي المغص يصير عند ٤٠ بالميه من الاطفال ابدي من البدايه بروبايوتك اذا صار مغص ابدي سيمثكون قطرات و اذا ما فادت استخدمي كوليف اعراض التسنين يبدي من عمر شهرين إلى ٣ أشهر عادي بزوغ الاسنان ممكن يصير بعمر ٤ أشهر و ممكن يصير بعمر ١١ شهر طبيعي و ممكن لغايه سنة و نص طبيعي اللقاحات ضروريه و مو بس ضروريه هي الحياه و الأمان الالتزام بموعد اللقاح ضروري و بالأخص اول لقاح خلال ٣ إيام مو تنسين تسوين فحص الغربله سواء حكومي او اهلي بالمحافظات اللي بيها غربله اهلي او حكومي ماكو شي اسمه انطي باريستول او خافض حراره قبل اللقاح لان يأثر على فعاليه اللقاح و ننطيه فقط من ترتفع الحراره او الطفل منزعج جدا ماكو اي داعي لايقاظ الرضيع لأخذ الرضاعه اول اسبوعين الا بعد مرور ٤ ساعات بدون رضاعه الا اذا أخبرك طبيبك بذلك قولي لا لتنظيم الرضاعه كل ساعتين او كل ٣ ساعات الرضاعه حسب حاجه طفلك لا تلتزمي بجدول معين اكثر حليب يناسب طفلك هو الحليب الأفضل له و مو شرط يكون الحليب غالي او رخيص ممكن ارخص حليب هو أفضل حليب لطفلك قيسي المكيال و اعرفي الكميه للقياس فالكيله الكبيره مثل حليب سيميلاك تكفي رقمين حليب و الكيله الصغيره مثل حليب نوفلاك او كيكوز تكفي رقم حليب انتبهي لقياس المميه و ارقامها لان توجد مميات قياسها خطأ مع كل الاسف مما يسبب مغص انتبهي لحلمه الزجاجه انه الحليب ينزل قطره فقطره مو ما ينزل او ينزل مثل الدوش المطلوب هو أن ينزل الحليب عند قلب الببرونه قطره فقطره المغص طبيعي و يصير عند ٢ من كل ٥ أطفال و قطرات السيمثكون ممكن تفيد و ممكن لا الملهيه ننصح بيها بأول ٦ أشهر عدا الشهر الأول احفظي وزن الولاده فالطبيعي لوزن الولاده هو 2.5 إلى 4 كغم مراجعه طبيب الاطفال بصوره دوريه تكون حسب الأعمار التاليه بعد الولاده بعمر اسبوعين بعمر شهر بعمر شهرين بعمر ٣ أشهر بعمر ٤ أشهر بعمر ٥ أشهر بعمر ٩ أشهر بعمر سنه
