الملهيه اي لو لا ؟ الجيل القديم من الاطباء كانوا اول شي يسووه | إستشارة طبية
الملهيه اي لو لا ؟ الجيل القديم من الاطباء كانوا اول شي يسووه يذبون الملهيه من فم الطفل باقرب سله المهملات و هي فعلا اذا ما استخدمت بصوره صحيحه سبب رئيسي لالتهاب الامعاء و مره خلال ساعتين دخلوا ١٠ اطفال للطواري بسبب الاسهال و القيء ٩ منهم كانوا عدهم ملهيات بفمهم !!! هي ملاحظه مني بس تنطينا فكره عن كميه الالتهابات اللي تسويها بس هل العلم مع او ضد الملهيه ؟ المعلومات كثيره جدا عن الموضوع و بعضها صح و اغلبها خطا و الملهيه ممكن تكون مفيده جدا و ممكن تكون مضره جدا خلي احجيلكم عنها و نبدي بالفوائد انخفاض معدل الاصابه بمتلازمه الموت المفاجيء للرضع. مفيده جدا لنوم الطفل خصوصا باول ٣ اشهر مسكن للالم و حتى ممكن ننطيها للطفل قبل الختان او قبل ثقب الاذن الطفل اللي يرضع هوايه ممكن اضافة الملهيه حتى تقلل الرضاعه لان لازم ما ننسى القاعدة ( حليب اكثر = مغص اكثر ) و بالتالي تساهم بتقليل المغص بالاضافه لكونها مسكن مممممممم لعد ليش فلان طبيب ضدها ؟ و هل هو محق برفضها ؟ اي طبعا ماكو شي بالدنيا ما بيه اعراض جانبيه لذلك لازم نستعرض مضارها التهابات الاذن الوسطى التهابات فطريه بالفم التهابات الامعاء مشاكل بالاسنان تخص وضع الفكين وتسوس الاسنان بعض المشاكل المحتمله بالكلام.
و هسه دكتور كيف الحل ؟ شنو نسوي خليتنا بين الاي و اللا حتى تستخدميها استخدميها بصورة صحيحه و الطريقه هي :
لا لكثره استخدامها فقط فقط فقط وقت النوم حتى تساعده ينام و كم فتره محدوده باوقات المغص. مثل المميه من تطلع من فمه لازم تتعقم ثاني ممنوع وضع سكر عليها الا في حالات محدوده مثل الختان او ثقب الاذان او التعرض لاي تجربه مؤلمه المحافظه على نظافه الملهيه قدر الامكان و رميها باستمرار دائما اكول اشتروا ارخص ملهيه حتى تذبوها يوميا اهم نقطه ممنوع ممنوع ممنوع استخدامها باول شهر عند الاطفال اللي يرضعون طبيعي لان تسبب حاله اسمها اختلاف الحلمه و بالتالي الطفل يفضل الملهيه على الرضاعة الطبيعية شرط اساسي تكون كبيره حتى لا تعبر لفم الطفل و شايف حاله لطفل دفعها اخوه بفمه و بالتالي اختنق بيها و لولا ستر الله ما كان نجى اكره كلشي ينربط حول رقبه الطفل من الملهيه للصدريه حول الرقبه يا معودات هي رقبته هلكدوتها و النوب تخنكيه كافي لا تلحين بعد عمر ٦ الى ١٠ اشهر وراها تصير بس مضار و مالها داعي و بس اذيه . . هسه اكيد نحذر اللي اطفالهم عمرهم اكثر من سنة و بعدهم اطفالهم اكو ملهيات بفمهم !!! معناها اعرض طفلي ل:
التهابات الاذن الوسطى مشاكل بتكوين الأسنان اللبنيه ومشاكل بالفكين و تؤدي الى مشاكل دائميه تؤدي إلى مشاكل في الرضاعه الطبيعيه عند بعض الأطفال . لذلك اذا طفلك يعاني من التهابات اذن متكررة تكونين اكبر بطرانه لان تستخدميها . . ملاحظات اخرى: ما تفرضي الموضوع على طفلك ما حبها هاهيه باي باي ما يصير تتركيها باي وقت يمر بيها الطفل بشده مثل الام التسنين او المرض الشديد لذلك و الله ٦ اشهر احسن وقت جماعة انطينا و ما صار شي استريحوا على صفحه شكرا على مجهودكم د. سيف سمير البياتي اخصائي طب الاطفال
