اذا ما مشى من العادي جدا انه يتاخر الى ١٨ شهر التبسم و الضح | إستشارة طبية
اذا ما مشى من العادي جدا انه يتاخر الى ١٨ شهر التبسم و الضحك اول ضحكه هي ضحكه ال ٤٠ مثل ما اغلب اهلنا يسموها اي بعمر ٤٠ يوم ممكن تتاخر الى شهرين هذه تكون مجرد ابتسامه الضحكه تتاخر الى ٤ اشهر ووتكون اخر نقطه بهذا الموضوع هو التفاعل الاجتماعي من اول ايام عمره يعرف يتواصل حسيا ويه الناس اللي يحبهم لذلك تشوفه يسكت من امه تحجي وياه يسكت او من يصير بحضن والده يسكت
بنهايه الشهرين تقريبا يعرف انه هذوله والده و والدته و يبدي يعرف انه هم ذوله اللي يوفروله العنايه بعمر شهرين يبدي يضحك للاخرين و هذه من التطورات اللطيفه اللي تصير بعمر ٤ اشهر يبدي يضحك للاخرين و يتفاعل وياهم و يبجي باصوات مميزه عند الجوع او الضجر هنا احب اوضح نقطه هوايه يكولون انه ابنهم اجتماعي و الحقيقه هي انه مثل ما قريتوا هذا شي عادي بكل الاطفال بعمر ٤ اشهر . بعمر ٦ اشهر راح يبدي ينزعج من الغرباء و ما يحب يتفاعل وياهم و ممكن اصلا يبجي بهذا العمر ممكن تحدد طفلك هل هو خجول او ودي او جريء او متعاطف بعمر ٨ اشهر يعرف انه يحس بالامان بوجود والديه بعمر ٩ الى ١٠ اشهر يبدي توتر الفراق اللي هو يصير من ما يشوف والده او والدته و بالتالي يضوج و يزعل و ينتحس اخر شي لا تنسون هذا مو قانون طفل يختلف عن الثاني د. سيف سمير البياتي اخصائي طب الأطفال
