يلا نصلي اول شي الطفل يشوف امه وابوه يصلون وبتكرار ركزولي على تكرار وخلوا جواها 10 خطوط وراها يصير عنده فضول ويبدي يجرهم ويصعد عليهم ويحاول يلعب وياهم وحتى يمنعهم ومن يشوف انه محاولاته باءت بالفشل يبدي يسوي مثلهم وخلي جوه محاولات فشلت هم 10 خطوط المهم من يبدي يسوي مثلهم هو حاليا ممثل بارع يحاكي الحركات حسب جسمه الصغير ويحاول يسجل كل حركه يسوها ويسوي مثلهم واليوم بديت اصيح ابني للصلاه وياي بعد ان صار عمره 6 سنوات وكتله لازم انت تبدي تصلي لان صرت كبير وتفتهم مثلنا الصلاة شكر لله على كلشي انطاه النا شرحت اله اركان الصلاة بشكل مبسط وكتله لازم تحفظ الفاتحه زين وبدينا نرددها وهو يردد اغلب الايات حافظهم من يروح يصلي الجمعه بالجامع يسمعها وراها نقرا قصار السور وكتله لازم ما نندار ولا نضحك ولا نلعب ولانسولف نكمل الصلاة يلا لان انت كاعد تحجي ويه الله فميصير تتلهى وجبت له (العرقچين) يلبسه حتى يحس بخصوصية الصلاة وكفنا سوه وصلينا وتعمدت شويه ارفع صوتي حتى يسمع التسابيح ويبدي يحفظهن كملنا وكتله هسه نسوي استغفار تكول استغفر الله وكتله تعرف يعني شنو استغفر الله ؟ كال لا كتله يعني معناه يارب اغفر لي وسامحني تعرف شنو يغفر النا؟ كال لا كتله يعني يارب سامحني على كل شي غلط اسوي فهاي انكولها (استغفر الله) ابستم وسوه الاستغفار وخلصنا وبكل مره حنصلي حنحجي شي اخر بسيط حتى لا تصير عباره عن محاظره ممله وانتوا؟ بديتوا تدريب الصلاة؟ وشلون فهمتوا اطفالكم وشنو جان استفسارهم عنها؟ #التربية_الدينية د.اسماء 3.4K views10:13
