السلام عليكم انا مطعون من ابوي والطعنه كانت قبل ٥ سنوات وبعد | الاستشارات القانونية والقضائية

السلام عليكم

انا مطعون من ابوي والطعنه كانت قبل ٥ سنوات وبعد ماطعني ربطني وسكر علي في غرفه ماوداني المستشفى وانا انزف ويهددني لو اعلم احد يذبحني وكل يوم ضرب واهانه وقذف وتربيط وكان يكرفني في مزارعه في عز الشموس ولاكنت احصل لقمة عيش واذا بيعطوني اكل يعطوني لحالي ولا يدعوني آكل من صحنهم كان عمري وقتها ١٧ وسكت وتحسبت عليه بالله بعد مادمر حياتي واهلكني طردني من البيت بشكل نهائي وانا من ٥ سنوات مشرد إلى الآن ماقدرت اتوظف بسبب الطعنه مع العلم امي مطلقه من زمان ومريضه وبعيده عني تعيش مع زوج آخر وانا وحيدها ولا عندي اي دخل شهري عايش على فضل الله ثم اهل الخير الي اطلعو على حالتي ولاكن الآن أنا معاد اقدر اعيش كذا انا مقهور ومغبون فكرت انتحر والى الآن خلاص ابي انتحر وارتاح وابوي موظف وعنده تجاره ومسكن عياله معه وانا مطرود ومظلوم ولا فكر يتصل علي حتى اتصال يشوف انا حي ولا ميت الآن ابي اثبت الطعنه بتقرير طبي عشان ارفع عليه دعوى قضائيه كيف الاجرائات وش اسوي انا في وجيهكم والله العظيم معاد صرت اتحمل والي يقول هذا ابوك ابوي هلكني ومدر حياتي صرت اعاني من التنمر واعاني من الوحده والظروف ونفسيتي مريضه وشيبت وانا في عز شبابي وصبرت قلت لعل وعسى ربي يهديه ويرجع يسأل عني ويعالجني ويسوي كل مايسوي اب مع ولده بس للأسف الله يعلم بالحال سبحانه