2021-09-27 22:00:07
الدين غيّر فيك إيه
معظم الملتزمين عمره الالتزامي لا يتناسب مع مستواه الإيماني..
يعني إيه
يعني فيه ملتزمين كل اللي اتغير فيهم هو الشكل بس
يعني تلاقي الأخ بقى ملتحي والأخت بقت منتقبة وفقط
لكن فيه واحد تاني حياته كلها اتغيرت
أهدافه وطموحاته ونظرته للدنيا والحياة اتغيرت
من الأحاديث اللي أثرت جامد في الواحد:
لما النبي اعتزل زوجاته 29 يوم
دخل عليه عمر بن الخطاب فقال له:
أتنام على الحصير وكسرى وقيصر ينامون على الحرير ؟!
فقال له الرسول صلى الله عليه وسلم : أما زلت ها هنا يا ابن الخطاب
يعني طلاب العلم وطلاب الآخرة لا يكون ده تفكيرهم
فهل الدين غيّر طباعك
ولا شكلك بس اللي اتغير
أنت عارف يعني إيه التزام أصلًا
يعني حياتي بقى ليها وجهة وهدف
ولما الإمام الشافعي قال: ( لو ما أنزل من القرآن غير سورة العصر لكفت)
سورة العصر:
(وَالْعَصْرِ (1) إِنَّ الْإِنْسَانَ لَفِي خُسْرٍ (2) إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وتواصوا بالصبر)
أنك تبقى صالح
دين العوام
أنك تبقى صالح وتوصي إخوانك على ذلك وتصبر عليهم
دين القرآن
فسورة العصر بتقول لك أن نصف دينك أنك تبقى إنسان مصلح
اللي عمل الصالحات ولكن لم يتواص بالحق والصبر
يبقى مش ملتزم
الدين غيّر قد إيه في أخلاقك مع الناس ومع إخوانك في الله
شوف ربنا سبحانه وتعالى يوصف الأخوة بين المهاجرين والأنصار ازاي:
(يُحِبُّونَ مَنْ هَاجَرَ إِلَيْهِمْ )
أقوى حاجة في الآية دي أن المشاعر اللي ربنا وصف بيها الصحابة وبعضهم
هي نفس المشاعر اللي بيشعر بها الإنسان تجاه نفسه
وأيضًا في هذه السورة ذكر الله تعالى النصر الذي كان بلا حرب في غزوة بني النضير
وكأن الله تعالى يقول لنا:
إن كنتم إخوة مع بعض كده فأنا هنصركم بلا مجهود وهفتح عليكم فتوحات عظيمة.
الدين غيّر إيه في عباداتك وفي صلتك بالله
عايز ترتفع عند الله
لازم عبادة وزُهد في الدنيا
كما قال تعالى: (وَعِبادُ الرَّحْمنِ الَّذِينَ يَمْشُونَ عَلَى الْأَرْضِ هَوْناً وَإِذا خاطَبَهُمُ الْجاهِلُونَ قالُوا سَلاما)
#الدين_غير_فيك_إيه؟
#سلسلة_القرآن_حياتي
#الشيخ_حازم_شومان
#فريق_بين_الناس_الدعوي
https://t.me/drhazemshouman
3.6K viewsNagat Elmorshedy, 19:00
د
