2021-02-17 08:52:48
#أنا عاوز أتنقل نقلة في ديني دي هتبقى في رمضان
رمضان ....نقلة وهو اللي هيعمل نقلة بحياتك بحق وحقيق.....
لازم نعرف أهمية الموسم اللي داخلين عليه
كان معي ورق وأنا داخل تركته مع أحد أخواني ،الورق ده خاص بواحد صاحبي اسمه رامي
" الورق ده شايفين الورق قد إيه. ملف كبير قوي.
يا إخواننا الورق ده فيه خطة الاستعداد
الاستعداد "لرمضان"
خطة الاستعداد هذه كلها للاستعداد "لرمضان".
الورقة اللي بعدها خطة ما بعد "رمضان" يعني هو من قبل "رمضان" بيضع خطة لما بعد "رمضان" رامى مات يوم "شعبان".
في "شعبان" ده اللي كان بيستعد له يعني قاعد يستعد كل ده تفريغ دروس وتفسير وكلام عن ربنا وقرارات إيمانية قاعد ياخدها في الاستعداد "لرمضان". وخطة الاستعداد "لرمضان" وخطة ما بعد" رمضان" وفي الأخر مات.
وفي الآخر مالحقش "رمضان" يعني كل ده _بإذن اللّٰه_ في ميزانه عند ربنا.. يعني عايز أقول "رمضان" كلاكيت آخر مرة.
ممكن يكون "رمضان" القادم آخر "رمضان" في حياتك ماحدش يضمن.
يا إخواننا ماحدش يضمن نهائي.
أحد الشباب كان جاي عندنا "المنصورة" ومعاه عربية فخمة كده فبيقول لي العربية دي أنا عايز أكفَّر لربنا عن السيئات إللي حصلت فيها،
فبقول له: إيه، قالي: العربية دي واحد صاحبي خدها مني ووقع في الزنا فيها والعياذ باللّٰه مع فتاة.
وبيقول لي: وهما فيها الاثنين ماتوا في العربية اللي أنا واقف معاك.
ده هما الاثنين ماتوا وهم يرتكبون هذه الجريمة والعياذ باللّٰه.
يعني إنسان بيجري علىٰ شهوة وهو مش عارف إنه هايموت وهو مش عارف إن دي آخر لحظة في حياته ومش عارف إنها اللحظة الأخيرة.
في أحد الندوات الجماعية كان في بنت حاضرة أرسلت ورقة كده وبتقول: "أنا واقعة في مصيبة وعايزة حد أتواصل معاه وعايزة حد أتكلم معاه".
المهم يعني تواصلت مع بعض إخواننا كده وبعض أخواتنا فطلعت هذه الفتاة وقعت في موبقات وفي كبائر وإلخ..
وكارثه بقىٰ حاجة خطيرة جدا.
المهم هذه الفتاة بدأت تتواصل بقىٰ مع أخواتها وأخوانها كده وبدأت تتوب إلىٰ ربنا لبست يعني مش أقول لكم لبست حجاب دي لبست نقاب
وسبحان اللّٰه العظيم كان عندها مشروع هنا في القاهرة فبتعبر الطريق علشان تشتري مصحف وسواك جابت مصحف وسواك من قدام المشروع بتاعها وجايه ترجع تاني جت عربية خبطتها ماتت.
آخر كلمه البنت دي قالتها لحد من الملتزمين اللي كانوا بيتبعوها دينيا، قالت: "ياليتني عرفتكم من زمان"
ياليتني عرفتكم من زمان أي حد ممكن يموت في لحظة يا جماعة.
في المستشفىٰ عندنا في "المنصورة" دخل إثنين مرضىٰ في الاستقبال في لحظة واحدة الإثنين كان كل واحد منهم واخد جرعة مخدرات زايدة، الإثنين أول مادخلوا المستشفىٰ حصلهم توقف في نبض القلب، القلب وقف للاثنين ، القلب وقف ده يعني بيتعمل لهم إنعاش للقلب إما القلب يرجع تاني أو خلاص المريض يموت.
الإثنين دخلوا غرفة الإفاقة واتبذل معاهم مجهود جبَّار بعد فترة.
واحد خلاص نبض قلبه مارجعش فمات....
والتاني نبض قلبه رجع تاني علىٰ الفجر كان فاق ..
فواحد من أصحابنا وقف جنبه فبيقول له: (أنتَ عارف إللي كان داخل جنبك ده كان داخل في إيه؟)
فبيقول له: داخل في إيه، قال له: داخل في جرعة مخدرات زايدة زيك، وقلبه وقف زيك ولكن مات، هو ربنا لم يعطه فرصك جديدة فرصته انتهت.
وأنتَ ربنا أعطاك فرصة جديدة إنك ترجع وتصلح تاني.
الإثنين داخلين بنفس التعب الإثنين داخلين نفس المستشفىٰ نفس الإثم نفس المشكلة المرضية نفس الأطباء.
وده مات وده عاش .....
مين يضمن إن "رمضان" الجاي ده مش آخر "رمضان" في حياته
#يتبع
#درس_طلعة_رجب
#الشيخ_حازم_شومان
#البوست_الثاني
#فريق_بين_الناس_الدعوي
https://t.me/drhazemshouman
6.6K viewsلله نمضي, 05:52
د
