مدرسة الوفاء ام حامي اللواء ألحمد الله سؤه هالأم من نصيب | الشاعر الحسيني ضرغام الغزي

مدرسة الوفاء ام حامي اللواء
ألحمد الله سؤه هالأم من نصيبي
..........................
امي تعشك زهرة الله بكثرماتعشك عليهه
بت عشاير
امي مملوحه سؤالف وماتسؤلف يم وليهه
بس أشاير
تحب علي ياناس امي تستحي لمن يجيهه
بيها حاير
تخاف جي لمسته زهره ابد متلمسه بأديهه
شكد تكابر
من تغازل ابوي اتكله يخوي
تستحي من الزهره متكله حبيبي
.......................
امي ماتكعد ويانه دومها بحجرتها تكعد
تنعه سكته
تنعى بس بصوت خافت اه يالباب وتردد
ياحسرته
بيها سر وغايه لازم من يكرب علي تبعد
ماعرفته
تكول ام حسين مرته زحمه يمه لمن انعد
انه مرته
زهرة الله غير لاكت عالامير
تكلي كل عمري لكضيهه ابنحيبي
......................
تكلي لاتنسه انت يمه خادم زهرة الحنينه
انته خادم
حسين من تشؤفه دنك لاتحط عينك بعينه
هذي لازم
مااريد تكله خويه دوم كله ياامامي لو ولينه
ابن المكارم
صير يمناه ويساره يشؤف بيك وانت عينه
بالهواشم
دوم انت وراه من يمرض دواه
يحطك اعله جرؤحه كون تكلها طيبي
..................
يمه صح انه الي جبتك وزينب تكفلة رباتك
وهي امك
جانت اتساهر ليالي تخاف لوبس هوه فاتك
ردت اعلمك
الف هنيالك على اختك مليتلك بضلها حياتك
دوم يمك
كونك انت اربات زينب جبيره عد الله وغلاتك
من تكمطك
خل اصفه اعله راي امي اختي هاي
اختاري يمه ياهي زينب فدوه صيبي
.....................
يمه رد ارباها بالطف دارتك وشكثر تانت
شكد ليالي
انت ابن ام المصائب عليك ابن كليبي كالت
وابنه غالي
جان تبوس بجفوفك وعينك شجم مره باست
تدري تالي
لون جفيك انكطعن وسبي عنك يبني راحت
شنهي حالي
عينك يبني زين عليها وعالحسين
لون واحد زعل يتكسر كليبي
...............
ضرغام الغزي