هاي للطف توهة جت بدورة تضوي صارت بالكمر وبنورة ............... | الشاعر الحسيني ضرغام الغزي

هاي للطف توهة جت بدورة
تضوي صارت بالكمر وبنورة
..........................
جابة وياة الكمر حتى الشمس
تستحي من اخيالة ام عزة نفس
تخاف تطلع خاف ينظرة الحرس
وهاي زينب عالوجة مسطورة
............................
الكافل توجة لعد صوب النهر
والعساكر حاطتة من كل كتر
السمة صاحت يالثارات الكمر
جيف جفين الكمر مبتورة
............................
تعنتة الزهرة تشوفة منصرع
تبجي عالجفين وتعوف الضلع
زهرة تجري دموم ماشفنة دمع
وهذا حال الزهرة من تزورة
........................
تشيل جفة حيل تضرب عالخدود
تنشدة يمة هم الك نياة تعود
حتى أدعي اللة ينطيك الزنود
وترد زينب للوطن مستورة
..........................
كوم جبت وياي حتى ام البنين
عافتك وبساع راحت للحسين
تكول من وليدي خنصر كاطعين
حكة يبني من تون معذورة
..............................