2021-11-01 08:45:37
( الادويه الاساسيه بالطوارئ)
1. الاسم بالخير
#فولتارين (voltaren) دكلوفيناك الصوديوم (ملك الطوارئ)
انه حقنه مسؤوله عن معالجه آلالام خصوصا والكسور والمغص الكلوي .
زين انته بكل مكان تنحقن لو شلون
لا انه انحقن فقط عضليا
انته تعطى لكل المرضى لو اكو حالات خاصه
لا انه ابد ما ارهم وي حالات الربو (يمنع مع الربو)و القرحه وارتفاع الضغط
شكرا جزيلا
2. هلو .. شسمك عزيزي
انه #سباسفون (بسكوبان) (buscupan )
شنو تشتغل هنا (المن يستخدم)
انه استخدم لمعالجه كل المغص . كلوي ، معوي ، تسمم غذائي ، الاسهال ، الام الدوره الشهريه .
اها حلو .. شلون يحقنونك
انه احقن وريديا وعضليا بس ببطئ واذا صار احمرار وي الحقن شي عادي مو عبالك حساسيه
لا مو عبالي .. يلا شكرا
3. مرحباا ... شسمك حجي
اسمي بلاسيل (matoclopramide)
شنو شغلك المن تستعمل
انه استعمل لكل حالات التقيؤ ما عدا انسداد الامعاء
جيد ... شلون تحقن انته
احقن عضليا ووريديا ببطئ
يلا شكرا حبي
لك اوكف وين ...بعد شغله ...باوع قبل لا تحقني اسئل عن الحساسيه المضاده لادويه القيئ ... لان اذا طلعت عنده حساسيه وحقنتوني بيه راح اسوي عنده تشنجات بالوجه .. وانتي بكيفك بعد
اها ... حلو شكرا عالاضافه
4. هلو .. شلونك كبد .. شسمك
هلا يعمري انه اسمي اسبجيك (Aspegic)
شنو شغلك هنا (الاستعمال)
انه لعلاج الحمى العاليه والالم
وانه اكون ع شكل اجياس شرب
جيد ... زين لكل الحالات انته ؟
لا بتاتا ما ما ايصير للربو ، و قرحه المعده ، وحاله النزف الوراثي
جكرا جكرا حبي
5. اي حجي انته مشهور .. شنو اسمك
اي اي انه هيدروكوتيزون (Hydrocortisone)
اي بله شنو شغلك
انه هواي اشتغل ... لحالات الربو ، الحساسيه للادويه ، لسعات الحشرات ، #لدغ_العقارب وضيق التنفس للكبار والصغار
اها عاشت ايدك .. شلون تحقن
احقن وريدي وعضلي وبالمغذي ... ويستخدموني بحذر وي حالات ارتفاع الضغط لان اني ارفع الضغط
شكراا جزيلا حبحب
6. هلو .. شنو اسمك خال
هلو عيناي اسمي لازيكس lasix
شو تعمل هون (باللبناني)
انه مدرر للبول استخدم لحالات ارتفاع الضغط المفاجئ (المسعجله) ، حالات الوذمه الرئويه ، ومدرر للبول عند فشل الكلوي
زين والله ... شلون تحقن
احقن وريدي وببطئ
شكراا خال
7. مرحباا اغاا شنو اسمك
اهلا .. انه فاليوم (valium) تفضل شرايد
علكيفك ويانه .. شنو شغلك
انه منوم عام .. استخدم لحالات الصرع عند الكبار ، الاختلاجات الحراريه عند الاطفال ، او هيجان المرضى (يعني من يلبك المريض) وتصير بيه هستريا ...
ها انته من وراك كل هاي الطلايب يخلونك بالعصير وتصير الدكايك ... شلون تحقن انته
ههه اي بالظبط ... وريدي احقن
شكرا غلا
8. هلوو ... الاسم بالخير
هلا وغلا .. انه زنتاك (Rantidine)
عاشت الاسامي . شنو شغلك
انه استخدم بالمغذي لقرحه الاثني عشري والتقيؤ الدموي والقلق من الجروح . العمليات الجراحيه واصابه الرأس ...
#قناة_معلومات_طبية
@e2001e1e1ee
#كروب_تقنيات
@e2001e1e1e
194 views05:45