احمد السعيدي

2020-03-24 20:04:07 [ قصيدة خروج الأمام الحسين ع 1441]


للأصلاح....شايل رايتي
للأصلاح....هاذي غايتي

گاصد أبنيت فرض
مصلح ابهاي الارض

للأصلاح
.
.
.

اجيت الگـربله وصلاحي بجتـافي
مــا أدري يحــد أبســيـفه سيـافـي
أجيت وگلـمة الحق تارسه شفافي
وافيــت بقـدومي ومـحـد يــوافي

مو بطران....جاي من المدينه
مو بطران....بل واجب علينه

وحق دگات النبض
مصلح ابهاي الارض

للأصلاح
.
.
.
رسايـلكـم أجـت الـداري مـلـهوفه
ونه بدوري اجيت وگاصد الگوفه
الگــاتبنـي عـليـه جــرد أسـيوفـه
مــو أبـن الحـلال النـگر مـعـروفه

بس سبعين....ويـن الگـاتبـوني
بس سبعين....مو منهم أجوني

اعرف ابهاذه البغض
مصلح ابهاي الارض

للأصلاح
.
.
.
شلــت قرآني بيــدي ماشلـت قامـه
لاســـيف أورمــــح لا درع لا لامـــه
اجيت احي التعطل بمجمل احكامه
والحـق شفـتـه بيــهـم شــاد الثـامـه

شفت الناس....باعوها الضماير
شفت الناس....مابيـهم مـناصر

بيهم الذل ينتفض
مصلح ابهاي الارض

للأصلاح
.
.
.
مــو بطــران اجيـت واجب اعـلـيه
گــالــولي تـعــال وگــلــت مگـضيه
عله صــهــوت جوادي وگـفه ثـويه
انـه بـدمـي شريت الـگــم الحـريـه

هاياسيف....هاك اگطع وريدي
هاياسيف....أله أوفي بوعيدي

الگابلوني برفض
مصلح ابهاي الارض

للأصلاح
.
.
.
شفت الصنم راجع هاذه بحساسي
گلـت لازم أثبـت عـالـرمــح راسـي
گلت لازم أذگر گـل شـخص نـاسي
لجـل الـديـن لابـد انـطـي عبـاسـي

لجل الدين....ينذرهه جفوفه
لجل الدين....أمامـه مايعوفه

مو مشي أرگض ركض
مصلح ابهاي الارض

للأصلاح
.
.
.
ابـن سـورة الگـوثـر ومنبع الآيـه
للأصـلاح اجـيت وشايل الــرايه
ما دور حگم ماعنــــدي أي غايه
لــو دور حـگم مـاتعـب حـجـايه

كاف ونون....گلشـي بين اديه
گاف ونون....احيـهه القـضـيه

أمره مو بيدي الفض
مصلح ابهاي الارض

للأصلاح
.
.
.

من شفت الضلام اعله الشمس يعله
وجــوب اعليـه اخــذ راسـهه الـــذله
مــا رت الجــــديــد واگتــسي بحـله
درب الحــق تســـلـگـه يـاوسـف قله

مامعقول....ماشافوا دربهم
مامعقول....ماينـبض گلبهم

باعوا الأرض وعرض
مصلح ابهاي الارض

للأصلاح

احمد سلمان السعيدي
........ باز کردن / نظر دهید

2020-03-15 18:26:57 [ استشهاد الامام الكاظم عليه السلام 1441 ] ها يالـحـكــيـم الخبر ... جـف غدر لو جف قدر باياذنب عـاف الحياة .. شنهـو اسبـاب ألوفاة ـــــــــــــــــــــــــــــــــــــــــــــــــــــــــــــــــــــــ اســئلك وأنــه الســؤالـي رايـد اجــواب بالله خـبــرنه… باز کردن / نظر دهید

2020-03-15 18:18:11 21j_l للتواصل انستا باز کردن / نظر دهید

2020-03-15 18:16:53 [ استشهاد الامام الكاظم عليه السلام 1441 ]



ها يالـحـكــيـم الخبر ... جـف غدر لو جف قدر

باياذنب عـاف الحياة .. شنهـو اسبـاب ألوفاة
ـــــــــــــــــــــــــــــــــــــــــــــــــــــــــــــــــــــــ

اســئلك وأنــه الســؤالـي رايـد اجــواب
بالله خـبــرنه عـالمــوتـه وعـن الاسـباب
هــاذه ابـن حامـي الـحمـيه وقالع الباب
لصاحب السجده الطويله يبجي التراب

منـريد ومــضـت عتب .. رايد نعرف السبب
رايـد اجـوابك صريح .. مايصح اله الصحيح
جاوبني بالمختصر ...
ـــــــــــــــــــــــــــــــــــــــــــــــــــــــــــــــــــــــ

الـحكـيـم ابعـينـه دمـعه وگـله حـيره
گلـــي ويــن أهـله اسئـلك والعـشيـره
خلـهم ايطـلبون ثــاره بـهـل ضـهــيره
گال مـسمـوم الـرجـل أوجــه يـديــره

نـاعـي المـصـايـب نعـه .. بحرگت گلب شيعه
ملخص أحروف الكلام .. گـال مسموم الامام
دمعاتي عالخد مطر ...
ـــــــــــــــــــــــــــــــــــــــــــــــــــــــــــــــــــــــ

الـحكـيم ايـگول وضـحـلي القـضـيه
گتـله الـمــسـمـوم أمــام الـرافــضـيه
گـضــه كـل عـمـره سجـين السامريه
ابـد مـايعـرف نـهــاره مــن الـمــسيه

بطاموره كضه العمر .. ننـتضـره ساعة صـفر
كاظم الغيظ بـصفاه .. شمعه والطاغي طفاه
نحسب اليوم ابشهر ..
ـــــــــــــــــــــــــــــــــــــــــــــــــــــــــــــــــــــــ

هـاذه أمـام الشـيعه هـاذه يالتـسئلون
جـل نبـي أولاذ بمغاره من اليـغـدرون
مودمع نبـجي بمـصابه نبجي العـيون
يالحكيم من السقيفه البقض مـدفون

بالجـمعة كال الفرج .. الربه مـوسى عرج
بوجه آثار السجود .. كسر ابصبره القيود
بعيون دمعت سفر ..
ـــــــــــــــــــــــــــــــــــــــــــــــــــــــــــــــــــــــ

يامحب أبصدره شـايل غيـمت أهموم
حته من شمس الله هايه منها محروم
ياسـجيـن العـتره صـحـنه آه يامــظوم
بـياذنب هـارون سَـمه و ليـش مسموم

مـسـمـــوم روح النبـي .. والسـمه جــف ناصـبي
بعالي صوتي أوبيه أعيد .. يخسه هارون الرشيد
صرخه تضل لادهر ..
ـــــــــــــــــــــــــــــــــــــــــــــــــــــــــــــــــــــــ

وهـم مـن راد ابيـمـينه يـطـفـي الانوار
شلون نور الباري يطفه بحـكم الاشرار
مـوسى ابن جـعفر أمـام الـكل الاحرار
ويـن هــارون الرشــيد أويــن الانـصـار

ويــن الجـيـوش المـدد .. صارت رماد و فند
هاذه ابن جعفر دشوف .. تكصد انصاره ألوف
هارون بيها اندثر ..

احمد سلمان السعيدي

ـــــــــــــــــــــــــــــــــــــــــــــــــــــــــــــــــــــــ باز کردن / نظر دهید

2020-03-04 18:24:59 انا مقصر وياج وداعت حسين..
من راسي لحد اطراف الاقدام
انا مقصر وياج وداعت العباس.!
أنا مقصر بكثر رماد الخيام .. !

مزيد من التقصير ..قريبا
احمد سلمان السعيدي باز کردن / نظر دهید

2020-03-04 18:22:19 [ استشهاد السيدة زينب الكبراى 1441]

ياطـير يـاطـير أسـمـع مـايلي .
الزينب لفه الموت خَبر كافلي.
ــــــــــــــــــــــــــــــــــــــــــــــــــــــــــــــــ

ياطــيـر ويـــاك مـن تـنـوي سـفـر
عله جناح الاحزان وصل هل خبر
مــن شـام زيـنـب لـعــراق الـگـمـر
حـاضـرلي الـموت الكافل ماحضر

أرد أسـمـع أجـواب يـخـتـي دللي
ــــــــــــــــــــــــــــــــــــــــــــــــــــــــــــــــ
ارد اسمع اجواب هاذه ابو الشيم
كـل جفـن مـاريد جفني من العلم
مـن جـربـته المــاي تـغـسـلي اهم
مــا أوصــي بمـتــون يعرف بالألم

ماحاجه اوصيه يـعلـم يـاهـلـي
ــــــــــــــــــــــــــــــــــــــــــــــــــــــــــــــــ
گـله الاجـل حـان بـديـار الـغـرب
مشبوحه الانضار گله عله الدرب
عبــاس عـبـاس نبـضـات الـگـلب
بشـام يانـاس مـوتي شكد صعب

الفـرگه يـانــاس هـدت كـاهـلـي ــــــــــــــــــــــــــــــــــــــــــــــــــــــــــــــــ

ياطـيـر ياطـيـر گــلـه اعله الحـزن
آمـنـيـتي ياطير مـن مـوتي يـحـن
بـجـناحه عـباس يغـمضلي الجفـن
وبأخــر نـــفــاس روحـي تـطـمئـن

لو شـفــته ياطـير هـمــي ينـجـلي

ــــــــــــــــــــــــــــــــــــــــــــــــــــــــــــــــ

لو مـات الانسان تحـضرله اخوته
بدموع الامـصـاب تشتيع اجنازته
جـا وينه ابـو الجـود اناطر جيـته
مــاجـاني عـبــاس ولارف رايــته

ماشـفت مـن يوم حرگوا محملي
ــــــــــــــــــــــــــــــــــــــــــــــــــــــــــــــــ

يـاطـير عــباس يـقـــبـل يـاتـرى
جــنازتـهـا تـنـشال لبـوة حيـدره
بجـفـوف الاغـراب تـتواره الثره
آمـبـتي مـوجـود ســبع الگنطره

عبــاس عبـاس يا هـيـبة عـلـي

احمد سلمان السعيدي
ــــــــــــــــــــــــــــــــــــــــــــــــــــــــــــــــ باز کردن / نظر دهید