2021-08-29 02:02:50
مساء الخير يا أصدقاء..
حابب أحكي فكرة بسيطة، بظل الظروف يلي عم نعيشها وخلال الهيمنة الالكترونية عالعلاقات الاجتماعية على اختلاف أنواعها، صارت المشاعر آنية وبيتلاشى أثرها من قلب المتلقي بسرعة أكبر وصرنا نقرأ كتير رسائل بغير النبرة يلي انكتبت فيها، لذلك، وبناءً على هالشي، وبعد دراسة للفكرة دامت حوالي سنة
"بالإمكان لكل شخص حابب يرسل شعوره لشخص آخر سواء كان من العائلة أو صديق أو حبيب أنه يصمم رسالة عتيقة معمولة بناءً عشعوره لدفعه ليرسله عن طريق التواصل معي ليكون أثر الذكرى بقلب الشخص المتلقي أطول بكثير وأصدق، ويقرأه بالنبرة يلي انكتبت فيه بدون حاجة الشبكة الباردة ليوصلّه، التصميم من خلال طوابع مميزة ومختلفة، او من خلال رسمات يدوية او قصاصات، او ورد او اي شكل قادر يشرح شعورك بكل الحُب."
ملاحظة صغيرة: ما أرفقت كلامي بأي صورة لأن النتيجة حتكون مقرونة بشعور المرسل، ويلي حتكون خاصّة بشكل متفرد لاله وحده يا أحباب.
ملاحظة أكبر بقليل: بإمكاني ارفق أي إضافة مع الرسالة المُصممة، من ورد او كتاب أو اي هدية تدعم نبرة المسج وتزيدها دفى.
ملاحظة كتير كبيرة: رح يكون في شكل جداً خاص ومميز لنحفظ محتوى قلبكن وما نسمح لأي شخص غير المقصود يطّلع عليه من خلال أختام منوعة ومميزة.
وأخيراً، شكراً لكل من قرأ، وبتمنى دعمكن يا جميلين لهالخطوة.
رابط صفحتي الشخصية:
https://www.facebook.com/ahmad.koukash
130 viewsشام رمانة, 23:02