2021-07-27 18:08:41
= هو إزاى أعرف إن الشخص ده هو شريك حياتى اللِ نفسى أكمل معاه اللِ باقيلى من عُمرى؟!
- دى حاجه مش بتتعرف يا نهى، حاجه كده بتتحس، بيكون عباره عن إحساس نابع مِن جواكِ بيقولك إن هو ده الشخص اللِ نفسك تكملى معاه ويكونلك سند وضهر وأمان.
= أمان، يعنى اي أمان؟!
- يعنى تنامى وانتِ مطمنه إنه موجود، إن لو حد عاب فيكِ هو هيرد غيبتك وياخدلك حقك، يصارع الدنيا عشان نظره مِن عينك تبرد سهام قلبه، تحكى معاه وانتِ مش خايفه وعارفه ومتأكده إنك هتتفهمى منه صح، أمان بمعنى يخاف عليكِ وعلى حُزنك وزعلك، أمان انه يحبك بطريقه تخليكِ مطمنه إنه مش هيبعد ولا يسيب ويفضل يهتم بيكِ بدون ملل أو زهق، الأمان لو فضلنا نتكلم فيه هيحتاج مننا مجلدات ي نهى.
= اعترفله إزاى إنى واقعه في هواه ومُتيمه بيه؟!
- بسيطه ياستى، تخيلينى أنا الشخص ده، هتقفى قدامى وتغمضى عينك وقولى كل اللِ جواكِ!
= طب يلا نقوم نقف...... بحبك!
- انتِ للدرجادى بتحبيه؟!
= ليه؟
- طالعه من قلبك صادقه وحسيتها وده غريب!
= ما هى ليك.
- اى؟!
= مُتيمه بيك!
- وأنا مش متيم وبس، أنا فاض بيا العشق ( وضمها بين زراعيه وأخذ يستنشق عطر جسدها المميز إليه).....
رغم كل شئ مُعقد وبسيط لا أُريد إلا مُعانقتك ))
#أسماء_أحمد.
94 viewsEl Ham ., 15:08
