2023-05-10 20:54:43
مسساء الخير يابة
شنوو هالأخبار إللي وصلت لي إياها العصفورة تسخيت وضرب محاضرات وإذا تحضرون متنتبهوون ومتقرأون يوم بيوم، شحچيت وياكم من بداية السنة؟!
هسة نگول إللي فات مات هالكم يووم مرح تگومون ع حيلكم؟ عاجبكم تبقووون الصيف تقراون دوور ثاني؟! وجماعتكم من دور أول نجحوا وأرتاحوا؟ لوو عاجبكم تعييدون سنة؟ لوو تجيبوون درجات ضعيفة ودفعتك بيها فد ٥ أو ٦ سعيات مفوولة ومعدلات عالية وأنت درجاتك ضعييفة؟!! إللي نجح وجاب درجات عالية عندهم فد قدرات خارقة وأنت ماعندك؟!!
باقي لكم كم يووم؟ بهاي الأيام تقسموون المواد وتقرأوونها تستخدموووون كل طاقتكم وجهدككم هي فتررة وتخلص ووراها ترتاحوون
لتضلوون صافنين ومحتاارين وتضيعون وقت منين أبدأ وشقرأ وشسوي جيب دفتر ملاحظات وقلم وبسررعععة أكتب موادك وكل مادة كم چاپتر، كم موضوع، كم رواية،... إلخ وكل مادة انطيها وقت والتزم بالوقت
نصائح تفيدكم مثل ما فادتني إصحَ الفجر أدرس، من تبدأ من الفجر وتشوف نفسك قاري كمية من المادة حتحس نفسك مسيطر وتكمل باقي نهارك بواهس.
عيني التصفح والتواصل اتركووه اترركوه هالفترة حرامات هسة الدقيقة تفيدكم.
متگدروون تضبطون نفسكم وكل ساع داخلين ع البرامج؟
سجلوا خروج من كل البرامج اللي تضيع وقتكم بقوا بس إللي تحتاجوونه، وإذا تضطرون بوقت دراستكم سلموا التليفون لأهلكم حتى لا كل ساع رايحين ع التليفون ومتحسون إلا النهار خلص وأنتم ممسوين أي إنجاز.
الشغلات إللي تنساها وخصوصاً تعرفها مهمة أو تخربط بيها أستعمل طريقة المراجعة بالتكرار.
وإللي تنساه أكتبه بخط كبير بورقة وخليها قريبة يمك أو الزگها ع البوورد، ع أي مكان بالغرفة إللي تقرأ بيها
وعوفوا سالفة فلان يتلوگ للأستاذ ونطاه سعي زين لو هاي مدري شتصير للدكتور وحينطيها الأسئلة + فلانـ/ـة دتسچ وتطرد عيووون،... إلخ بأختصار التهوا بنفسكم وبسس مالكم علاقة بغيرككم. عليش شاغلين عقلكم ومضيعين وقتكم.
الگروبات إللي تصير بيها قيل وقال لتضلون متابعين الكلام ومضيعين وقتكم عليها
واستخدموا طريقة التكرار المتباعد ويا إللي تنسوونه
يعني المعلومة مثلاً قريتها الصبح أرجع راجعها بالليل أو بالعكس وثاني يووم هم أقرأها واتركها يووم وأرجع أقرأها نوب أتركها أسبوع وأرجع أقرأها وهكذا بعد تترسخ بدماغكم.
(طبعاً تگدرون تسوون هالطريقة ويا چاپتر كامل أو موضوع كاامل)
القلق والتوتر عوفوه. ماگول لكم، واحد طبيعي يتوتر ويقلق كل ما تقررب الإمتحانات وخصوصاً إللي ممضبطين وإللي سعياتهم ضعيفة، بس لتخلوونه يسيطر عليكم لتضلون بدوامة التفكير، لما أنت هلگد قلقان وخايف متگووم تقرأ !!!
الناس السلبية إبتعدوا عنها خلوو محيطكم ناس إيجابية. أصدقاءك سلبين أسحب منهم خصوصاً بفترة الامتحانات، الصديق إللي ميشجعك ع دراستك وانو تگووم ع حيلك هذا مو صديق حقيقي لتمشي بكلامه. من ترسب محد رح يأكل قهر وملامة غيررك.
إذا كان مستواك ضعيف لتقارن نفسك بأحد، والله هذا مستواه زين ونجح آني شينجحني ومعرف ايش من هالكلام السلبي إللي تسمعونه لنفسكم
كل اللي عليك أجتهد وأقرأ ولتقصر أبد والباقي التوفيق من رب العالمين
وربي يوفقكم وإن شاء الله تبشروني الكل ناجح بمعدلات حللوة مثلكم
لاڤ يوو
@EnglishDepartment_3
2.3K viewsزهــɴɢᴜــرا۽ , 17:54
E
