2021-07-10 11:05:47
هواي رسائل وصلتني يكولون انتة مسوي لله وما كان لله ينمو وتريد اجر بدل المشتركين وبعد كلام كذلك.
اني صح همي الاول والاخير الاجر بس ترة هم صعبة واحد يتعب ويجي واحد ع جاهز ياخذ وينشر وبدون اي احترام يعني الشغلة جاي تصير بطريقة موحلوة.
ومو بس هيج اني الي اريده هو
ان تكون قنواتنا مصدر ثقة للطلاب ومصدر يجمع كل الطلاب علمود من يجي الطالب ياخذ شي يكون واثق منه شي مضبوط وشي صحيح مو يدخل باي قناة ثانية وياخذ شي وبعدين بالامتحان تبين كل الاخطاء يلي بالملخص او الحلول يلي اخذه من كذا قناة.
ف اريد قنواتنا تصير مصدر ثقة للطالب اي شي يريد يلكاه بحيل الله ومايحير صح لو خطا لو اخاف اقرة ويطلع الملخص موزين اريد تكون قناة مكتملة ومناسبة لكل الفئات لهذا بحيل الله ماراح ابقي واحد ياخذ من ملخصاتي وماعدا هذا ف اي بشر ياخذ ملخص مهما كان ما ابريه الذمة بس يلي اني اسمحلهم فقط الهم الحق غيرهم ممنوع منعاً باتاً.
الطرق الي مسموح بيهة هي فقط التالي:
1- عمل اعادة توجيه بحيث يظهر تم اعادة توجيهه من EnglishDepartment1.
2- تحط رابط الملف او المنشور يلي تريده بقناتك بهل طريقة مثلا
شرح مادة الصوت
https://t.me/EnglishDepartment1/4966
غير ذني الطريقتين مامسموح وغير مبري الذمة لا دنيا ولا اخرى ولاي سبب كان.
2.1K viewsAhmed Kareem Al-fatlawy, edited 08:05
E
