داریخما قاداسی
شعر و سس: فرمان فرضی
موسیقی: کامیل جلیلاوف
#رضا_براهنی
#تورکجه #تورکجه_دیکلمه #تورکجه_شعر #سئوگی_شعرلری #فرمان_فرضی #کامیل_جلیل_او
□□□
سونرا اولهجکسن
سنه یاس تورهنی توتاجاقلار
قبیرینین اوستونه
وفالی دوستلارین، یولداشلارین گلهجک
کوسولو باجیلارین، قارداشلارین گلهجک
سونرا سنه آغلایاجاقلار،
اول اوز ائولادین آغلایاجاق،
سونرا قوهومون آغلایاجاق، یادین آغلایاجاق،
سونرا سنه
اوزگه بیر شهرده، تانیمادیغین بیر قادین آغلایاجاق...
داریخما قاداسی
□□□
سونرا گئدهجکلر
هامی گئدهجک
بیرینجی اوز قوهومون، یادین گئدهجک
سونرا اوز جان جییر ائولادین گئدهجک
سونرا گوزلرینه گوزللمهلر یازدیغین
ساچلارینی اوخشادیغین قادین گئدهجک
سونرا بیر سن قالاجاقسان
سونرا سنده گئدهجکسن
چکدیگین کئفلرین، عذابلارین گئدهجک
سونرا چالدیغین سازلارین،
اوخودوغون آوازلارین،
سونرا یازدیغین کیتابلارین گئدهجک،
سونرا ایتیب باتاجاقسان
آدین دیللردن ایتهجک
خاطیرن خاطیرهلردن،
خیالین خیاللاردان،
سونرا اوزگه بیر شهرده
تایمادیغین بیر قادینین خیالینا کوچهجکسن
او قادین خیالیندا یاشاداجاق سنی،
سونرا او قادین دا اولهجک...