2021-10-24 00:52:56
اول شي حني لي شن نستعملو فيه قاعده (Reported speach ) ؟
حني نستعملو فيه لما نبو ننقلو كلام قالوه ناس
[ ] تاني حاجه لازم نعرفوها ان ( Reported speach ) في منه نوعين تعالو نعرفوهم شن هما .
( direct speech) =( الكلام المباشر)
لي شن نستعملو فيه الكلام المباشر؟
نستعملو فيه لما نبو ننقلو كلام دقيق قاله شخص
تعالا نفهمو شن معناه الكلام هادا؟
لنفرضو ان اني عبد مهيمن
وقلت ليكم ان اني نحب التوت البري
وانتو تبو تنقلو الكلام هادا وتقولو ان عبد المهيمن يحب التوت
من غير اي تغير
ف ركز معاي شن بندير هي
( I love cranberries)=( احب التوت البري)
توا انتو تبو تنقلو الجمله هادي من غير اي تغير وتقولو ان عبد المهيمن يحب التوت البري
I love cranberries abdo said
I love cranberries he told me
اني هني شن درت؟؟
مغيرتش الجمله بكككل
حطيتها زي ما هي غير زدت
قلت في مثال الاول( abdo said )
وفي التاني ( he told me )
كلمه ( said , told )
هادو هما الكلمات الي بنستخدموهم في قاعده
( Reported speach)
شن معناهم يا سيرين؟؟
(Told) =( اخبر)
( said) =( قال)
توا في الأمثله الي فاتت قلت
I love cranberries (abdo said )
ركزلي على
( abdo said) اني حاطتهم في نهايه الجمله ولا؟
برضو نقدرو نستعملوهم في بدايه الجمله زي
" abdo said I like cranberries "
توا يا سيرين اني فهمت كيف نكون بيهم جُمل لاكن مش فاهم كيف نكون بيهم محادته
هي تعالا ركز معاي بش نتعمقو
(Example)
[ ] Did you ask him if he liked cranberries?
• Yes I asked him
[ ] What did he say?
• He said yeah I like cranberries
لاحظ في الحوار هادا شن درت. ؟
نقولو متلا ان احمد سألني وقالي سألتي عبدو كان يحب التوت البري ولا لا؟
مشي قتله اي سألته
مشي احمد سألني قالي به شن قالك
قتله عبدو قال ايه يحب التوت البري
اوك توا هكي وصلت المعلومه ليكم كلكم لي شن نستعملو فيه السؤال المباشر ولا؟
توا بنقولك معلومه لازمم تركز عليها ..
( ان ( direct speech) نستعملو فيه مع ازمنه معينه
شن هما يا سيرين؟
اهما
( present simple, past simple, present perfect , present continues future simple)
+ ان في كلمات تدل ان الجمله في ( direct speech )
شن هما يا سيرين؟
اهما
(Can, should, would , will)
اوك توا فهمت ميه ميه يا سيرين توا نبي نبدا نحول من الكلام المباشر الى الكلام الغير مباشر
ركز معاي كويس بالله
ناخدو اول مثال
" what are you reading? " he asked
( مالذي تقرأه ؟) ( هو سأل )
توا هادي جمله متاع سؤال مباشر حني توا شن بنديرو يا سيرين؟؟
بنحولوها لي سؤال غير مباشر..
هي ركز معاي شن بندير
=" he asked me what I was reading (هو سألني مالذي كنت اقرأه)
اني هني شن درت؟
حطيت الجمله زي ما هي
غير غيرت حاجات بسيطه اول شي
جبت
(He asked) الي كنت مدايرتها في نهايه الجمله حطيتها في بدايه
بعدها
حطيت اداه السؤال الي هي
( what) نفسها
بعدها
جبت الضمير الي كان في الأصل( you)
ولأن اني نبي ننقل الكلام الي هو قاله درته
( i)بعدها كملت وحطيت
(I was reading)
طبعا بتقولي يا سيرين علاش حولتيها و درتيها هكي؟؟؟
شوف ركز معاي ع الكلام الي بنقولهولك توا
( Reported speach)
ديما يحب نرجعو للزمن التالي
شن معناه الكلام هادا يا سيرين؟ ؟
اول شي يا ولدي انت لازم تكون فاهم كل تصريفات الأفعال بش تستوعب الكلام الي بنقوله توا
شوف في الجمله الاصليه قبل ما نحولها
كانت
( what are you reading)?
لاحظ الجمله هادي في اي زمن؟
في زمن
ال
(Present continues)
كيف عرفتها ؟
لقيت
( wh question + بعدها verb to be + بعدها( verb with ing)
توا اني مش قتلك ان
( Reported speach) يحب نرجعو للزمن التالي؟
بعد ما حولتها درتها
( I was reading)
رجعت للزمن التالي ودرته بكل
Present continues
درته
(Past continues )
كيف
( past continues? ) يا سيرين؟
أهو واضحه قدامك
من كلمه
( was)
حنكتفو بالقدر هادا اليوم لان الدرس هلبا
93 views𝙼𝙾𝙷𝙰𝙼𝙼𝙳 𝙰𝙻𝙶𝙴𝙸𝚃, 21:52
ث
