2021-09-20 22:27:11
شهادة ثانوية
لكل طالب/ة
انت هني كملت مسيرة من صف اول ابتدائي لي ثانية ثانوي وخاشة على سنة ثالتة السنة اللي انت ح تبان فاها اللي تثبت روحك فاها اللي تحدد مستقبلك السنة اللي بتختم باها مسيرة تعليم اساسي وثانوي مافيش حد يعرف قداش تعبت ومرضت باش وصلت هني مافيش حد يعرف قداش يوم قعدت من غير نوم باش كملت مافيش حد يعرف قداش مرضت بس رغم هدا كله قريت وجاوبت مافيش حد يعرف الظروف اللي مريت باها الا ربي سبحانه عز وجل بس يوم اللي نجحت وكملت كلهم عرفوا انك نجحت هدا النجاح ولله الحمد انك وصلت هني
وتوا تستعد ل السنة الجديدة (ثالتة ثانوي)
اول شي
- [ ] خلي املك بالله كبير توكل على ربي
- [ ] ديما ادعي ان ربي يقويك ويوصلك
- [ ] ادعم نفسك قول ان نقدر بإذن الله ح ننجح ربي مستحيل يضيعلي تعب
- [ ] اقرا واتعب وحاول مرة واكتر
- [ ] ماتستسلمش كون قوي هلباا ماتعرفش المستحيل
- [ ] رد بالك تقول مانقدرش ولا مش ح نوصل في ناس قبلك وصلت حتى انت تقدر توصل
- [ ] مافي شي مستحيل احسن الظن بالله وتوكل
- [ ] خلي تركيزك كله على السنة هادي حط نسبة انت تباها هي هادي الهدف واسعالها مهما طحت وصار معاك وتعبت ماتوقفش الوقت بيمشي والتعب ح تنساه يوم اللي تنجح
- [ ] خليك متفائل عندك روح ايجابية
- [ ] حافظ على صلاتك هو مش غير في السنة هادي بس حافظ
- [ ] اهتم بصحتك كويس كول ارقد كويس حاول بقدر الامكان تبعد على التليفون والنت
- [ ] كله بيمشي وبيفوت راهو التعب وقلة النوم كله باش تنجح النجاح مايجيش بالساهل
- [ ] متتوترش سنة بتفوت زي السنين اللي قبلها صدقني غير تبي مجهود اكتر بس
- [ ] كل درس ودرسه
- [ ] اهم شي نظم وقتك وقتك يتنظم لو تنظمت صلاتك حافظ على صلاتك تنزل البركة في وقتك
- [ ] وموفقين بإذن الله استعدو خلوكم متفائلين واستقبلو السنة هادي بكل قوة واندفاع
- [ ] وناجحين بإذن الله .
- [ ] وماتنسوش الدعاء راهو يغير قدر الانسان
*منقول*
#Admen_radwan
90 views 𓆩⋆𝓻𝓸𝓯𝓲𝓭𝓪 ⋆𓆪, 19:27