2021-06-27 01:12:49
الإجابة علي الأسئلة اللي بتجي ليا كل يوم
-أنتي مين
أنا طالبة في كلية بساعد طلاب الثانوية العامة
-منين (ولو أنه سؤال غريب واتسألته كتير)
من الشرقية
-في كلية اي
علوم إعاقة وتأهيل +تخصص تاريخ وجغرافيا (عارفة أن 99 في المية منكو مش عارفينها علي الرغم أنها من 95 في المية لما تخلصوا هعمل ليكو فيديو عنها بإذن اللة)
-لي بتساعدي الطلاب بكل المجهود دا ؟
لأني مريت بنفس التجربة +كورونا +مفيش دروس من شهر 3 وجربت أني أسند نفسي بنفسي في أهم سنة دراسية +كن واثق أن ربنا مش هيضيع تعبك
_لي مش بتنزلي في باقي المواد زي التاريخ ؟
بنزل في كل مواد المشكلة أن في حاجات كتير بتقابلني لمادة معينة (تاريخ ، كيمياء ) و قليلة زي ( الألماني و علم رياضة)
-لي قافلة الجروب ؟
لانكوا مش بتسألوا في المنهج بيكون تعارف وهزار وبعض الأسئلة بإذن هيكون مفتوح قبل الإمتحانات بفترة ولما أخلص هفتحوا برضوا
-لي حذفتي صراحة ؟
بسبب قلة الأدب والذوق يعني مش كفاية أجاوب واتناقش ساعة بعدين بلوك أو اللي بيستظرف اللي يبعت نقطة أو السلام عليكم ويسكت وهكذا
_أنا نزلت لينك الأكونت بتاعي في وصف التاريخ والفيزياء (القنوات الرئيسية)
ودا طبعا للي عنده أسئلة في المنهج بمعني سؤال أو اتنين (ببعته للمدرسين) مش يبعت مذاكرة ويقولي عايز اجابة أو بيسأل علي حاجة معينة أو عنده مشكلة زي مثلا حصة زوم مش شغالة وهكذا إنما مش علشان أبقي منزلة حاجة من دقيقة وتقولي معلشي ابعتيها ليا هنا أو مذاكرة مستر فلان موجودة أقول أيوة نزلت انهاردة،إمبارح ولو نزلت من فترة بعيدة أنا هبعتها مش عندي مشاكل إنما أبقي لسة منزلة حاجة وابعتها تاني دا أسمه اي بقي (مكسل/ة ) تدور علي مذاكرة أنت عايزها + المشكلة أن كل واحد فاكر هو الوحيد اللي بيسأل بس للأسف في كتير وفي رسايل علي الصفحة وعلي التليجرام لسة مش رديت عليهم
-لي تحويل الرسايل في قناة التاريخ والفيزياء؟
لأنهم القنوات الرئيسية ومش كل حاجة بحولها ، الحاجات المهمة(علشان مش تضيع عليكوا لانكوا مش في كل القنوات) وبعدين بحذف الإضافات بعدها بفترة خمس ساعات أو بعد يوم (بتكون موجودة في القناة الخاصة بمادة فقط) واي حاجة الطالب مش هيرجع ليها تاني بحذفها زي حصص زوم والتحويل .....
-لي مش بتنزلي لينك قناة اليوتيوب ؟
لانكوا طلبتوا تعديل في الأسلوب ( مش عايزين حاجة مباشرة عايزين جو التشويق والكلام دا ) وأنا هدفي الرئيسي الاستفادة مش المشاهدة لما أدرب نفسي علي الطرق دي هنزل ليكو اللينك
_لي مش بتنزلي كلام تحفيزي؟
لأنه أحساس مؤقت هتحس أنك عايز تقوم تحارب بعدها بنص ساعة هترجع زي ما كنت ف أنا كدا بضرك ، لازم التحفيز يكون داخلي
_لية بتعملي علامة مائية ؟
أنا مش كنت بعمل أو مش كان فارق معايا الموضوع أساسا بس لقيت قنوات الآخرين بيعملوا كدا ويخدوا اللي بنزلوا وفي نفس الوقت هم عاملين علامة لحاجتهم ، يعني مش الهدف أني اضايقك أو أخلي الكلام مش واضح خالص + بحاول بقدر الإمكان أن الشفافية تكون ضعيفة علشان تعرفوا تقرأوا الكلام ومش يضايقكوا
_لي عاملة قنوات في كل المواد ومش عملتي تاريخ وجغرافيا بس ؟
لأني كنت بقابل حاجات كويسة تخص باقي المواد ومش هعرف انزلها علي التاريخ والجغرافيا هيكون لخبطة للكل + هم كانوا أتنين أصلا وأنتو طلبتوا أني انفصل القنوات (قناة لكل مادة ) هتلاقي كل اللينكات في صندوق الوصف لكل قناة (لو مش عارف اضغط على عنوان القناة هتلاقي الوصف )
-بالنسبة للكتابة في كتاب المدرسة مفيش حاجة رسمية علي صفحة الوزير/ الوزارة تثبت صحة أو خطأ الورقة اللي نزلت ف أنا قولت لو أنا مكانك هدرب نفسي علي أسوأ احتمال وهو أني ممكن أدخل من غير كتاب أصلا واللة دخلت خير وبركة هتحل أسرع مش دخلت بي أهو أنت مدرب علي الحل من غيره
-كل اللجان علي مستوي الجمهورية هيكون فيها كاميرات مراقبة يعني هتتمسك متلبس
595 viewsG T, 22:12