⚡zakir⚡تالتة ثانوي🎓لغة 2🎓

2021-08-05 14:26:02 يا هلا بـ طلاب أولى جامعة ‌ ⁩
بما إن كليتنا العزيزة " كلية علوم الإعاقة والتأهيل " لسه جديده وناس كتيير بتسأل عليها وعن تخصصاتها فهنتكلم عنها فى البوست ده بإذن الله ...
يلا بينا
- مبدئيا كده الكلية موجوده فى جامعتين فى مصر " بني سويف والزقازيق" ومفيش فرق كبير يعنى بينهم ولكن احنا هنتكلم عن جامعة الزقازيق ، وهى تعتبر من الكليات الفريدة فى الشرق الأوسط وتم إنشاءها منذ 4 أعوام و مصنفة ضمن الكليات الطبية .

- تحتوى على قسمين مختلفين :-
‌ ⁩ أولا البرنامج الأخصائى :-
وهو برنامج يضم ست تخصصات،يخرج هذا القسم اخصائيين يعملوا في مجالين ؛ اما ان يلتحقوا في المستشفيات او المراكز الطبيه المتخصصة او انهم يلتحقوا ف المدارس ويوجهوا خدماتهم للتلاميذ خاصه في المرحله ماقبل المدرسه لكي ينموا لديهم القدرات والمهارات عند الاطفال ذوي الاعاقه فيما يعرف ببرامج التدخل المبكر لديهم.
وهذا البرنامج مميز وفريد لانه لا يوجد لدي اى من الكليات المناظره .
*التخصصات المتضمنه في هذا المجال :(الاعاقه الفكريه ،الاعاقه السمعيه ،الاعاقه البصريه ،اضطراب التوحد،اضطرابات اللغه والتواصل ،صعوبات التعلم ).
يعني انت لو حابب الشغل ف مجال المستشفيات ادخل اخصائى .

‌ ⁩ ثانيا البرنامج التربوي :-
هو برنامج يضم اربع تخصصات ويخرج معلمي للتربيه الخاصه في مدارس الدمج او مدارس التربيه الفكريه ؛ والطلاب خريجي هذا القسم يتخصصوا في ماده من المواد مثل (اللغه العربيه، اللغه الانجليزيه، العلوم، الرياضيات ،الدرسات )
*وهذا البرنامج ايضا مميز وفريد في انه يخرج معلم تخصص في ماده من المواد مثل (معلم اعاقه عقليه لغه عربيه ) وبيكون مطلوب جدا فى الخارج .
*التخصصات المتضمنه في هذا المجال :(الاعاقه السمعيه ،الاعاقه البصريه ،الاعاقه الفكريه،صعوبات تعلم ).
بالمعني لو تحب تشتغل ف مجال المعلم وتكون مدرس بمدرسه خاصه بنوع اعاقتك هتدخل التربوي .

ده باختصار كلامنا عن الكلية وأقسامها ودى بعض الأسئلة الشائعة
#1 الكلية بتاخد من علمى ولا ادبى وتنسيقها كام ؟
ج/الكلية بتاخد من علمى وأدبي يعنى هتكون دكتور من ادبي او المسمي العلمي بتاعك "اخصائي تربية خاصة" اخدت السادبقبل اللي فاتت ادبى 93,7% وعلمى 94,6% والسنة اللي فاتت اخدت من
أخصائي (بالشعبة العلمية 389درجة )
أخصائي (بالشعبة الأدبية 389.5درجة )
برنامج التربوي
يتم الالتزام بالرغبات التي تم تسجيلها من الطلاب
شعبة لغة عربية (لمن حصل علي درجة 74 درجة فأكثر )
شعبة لغة انجليزية (لمن حصل علي درجة 44 فأكثر )
وفى بنى سويف بتاخد أقل وممكن تدخل بنى سويف وتعمل تقليل اغتراب "تحويل" .

#2 هل التربوي ينفع يكون اخصائى ؟
ج/بالنسبة للتدريب العملي ف الكلية فالاخصائي بيتدرب ف مركز والتربوي ف مدارس ذزي القدرات الخاصة ولكن التدريب الخاص بتتدرب ف المكان اللي تحبه وكمان المراكز بتشغل كله مبتفرقش بين اخصائي وتربوي وتقدر تعمل دبلومة بعد ما تتخرج لو حابب.

#3 ايه الأحسن أخصائي ولا تربوى ؟
ج/ مافيش حاجه اسمها الأحسن كل قسم وليه مميزات وانت بتختار ال تحبه وع الاغلب الاتنين واحد ف الشغل والدراسة الفرق ف مواد التخصص بس

#4 الدراسة والمناهج ؟
الدراسة عامة باللغة العربية والمناهج عبارة عن مقررات تربوية وطبية وعلاج طبيعي وعلم نفس .
اول سنتين تعتبر نفس المناهج لأخصائي وتربوي ماعدا ماده او اتنين بعد كده بتختلف على حسب تخصصه .

#5 نظام الدراسة هو نظام الساعات المعتمدة يعني فيه سمر كورس
## الكلية جديدة وليك فرصه حلوة تكون معيد لانهم بياخدوا العشرة الأوائل
#اتحاد الطلاب
فيديو توضيحي للكلية بالتفاصيل



باز کردن / نظر دهید

2021-08-02 20:16:43 كفارة يشباب
صلوا ركعتين لله كشكر لأنه وفقنا ننهي السنة دي على خير
أيا كان الضغوطات والظروف اللي اتعرضت لها في السنة بحالها انت احسن من غيرك فلتحمد الله
وأيا كان ادائك في الأمتحانات سيبها على الله خلاص تعبت وامتحنت وخلاص عدت افرح الفترة دي
بالتوفيق يا رب ربنا يفرح قلوبكم ويفرح والديكم يا رب ويسركم بكل خير
استودعكم الله باز کردن / نظر دهید

2021-07-30 01:13:20 zakir تالتة ثانوي لغة 2 pinned «نتمني لما طلاب علمي يخلصوا ع خير بإذن الله ما يحصل منهم زي اللي حصل من بنات وولاد بعض النماذج من اخواتنا ف أدبي، ربنا يتوب عليهم يارب من حقك تفرح وتعمل اللي انت عاوزة، بس ملهاش لازمة تبقي خارج من امتحان وبتدعي ربنا يوفقك ولسة نتيجتك بين ايده وتعصي ربنا بعدها،…» باز کردن / نظر دهید

2021-07-30 01:13:17 نتمني لما طلاب علمي يخلصوا ع خير بإذن الله
ما يحصل منهم زي اللي حصل من بنات وولاد بعض النماذج من اخواتنا ف أدبي، ربنا يتوب عليهم يارب
من حقك تفرح وتعمل اللي انت عاوزة، بس ملهاش لازمة تبقي خارج من امتحان وبتدعي ربنا يوفقك ولسة نتيجتك بين ايده وتعصي ربنا بعدها، مش منطق يعني، اعرف ربنا ف السراء والضراء مش وقت بس ما تكون عاوز تنجح ويكرمك ويوفقك، اه مش عيب انك تروحله وقت ما تكون مذلول ومحتاج، لكن يعني من باب الحياء امام الله انك تعرفه وقت شدتك ومحنتك ووقت ما تنتهي منها لازم برده تفضل قريب منه والشيطان ما يضحك عليك

ف اللي حصل من بعض النماذج انهاردة سواء ولاد او بنات ورقص وقلة حياء وكلام فارغ بجد
نتمني ما يحصل من باقي اخواتنا ف علمي، افرحوا وانبسطوا بس كل جروب لوحده، يعني اخرجوا من آخر امتحان خلاص كفاية الفرحة ف قلبكم لحد ما ترجعوا البيت صلوا ركعتين لله تشكروه فيها
وبعد كدة الشباب مع بعضها اللي مخططين يعملوا أي شيء مع بعض، وكذا البنات برده بدون معصية لربنا

بعتذر اني طولت بس الموضوع مهم
وملاحظة بسيطة أنا مش بقلل من طلاب أدبي نهائي والدنيا كلها فيها نماذج طيبة ونماذج تانية ربنا يتوب عليها يارب ويهديها
لكن بحاول اوجه النصيحة للعلمي لأنهم اللي ف الصورة دلوقتي يعني

نورت
بالتوفيق باز کردن / نظر دهید

2021-07-29 14:39:49 خمسة هدوء عشان ابو ثانوية عامة مخنوق باز کردن / نظر دهید

2021-07-29 14:18:09 مبارك لكل طلاب الأدبي
ان شاء الله تكون اجازة سعيدة عليكم يا رب و بأذن الله تجيبوا مجاميع عالية وتدخلوا الكليات اللي نفسكم فيها وتفرحوا وتفرحوا اهاليكم يا رب باز کردن / نظر دهید

2021-07-28 06:18:10 طبعا علمي ملهمش دعوة بالحوار ده
الوقفة بتاعتنا احنا يوم الاحد والعيد الكبير أوي أوي يوم الاثنين 8/2
ومش محتاجة اقولكم يعني انكو تشدوا في الأحياء لو علمي علوم عشان انتو عارفين كويس أوي هي ممكن تعمل فينا اي
وطبعا لو رياضة فحقيقي ربنا معاكم جدا يا رب ربنا يهونها عليكم و ييسر لكم كل عسير
أخيرا وليس آخرا ربنا يوفقكم كلكم يا رب و يحقق لكم اللي نفسكم فيه يا رب وكل واحد يدخل الكلية اللي بيحلم بيها والخير ليه باز کردن / نظر دهید

2021-07-28 06:11:13 صباح الخير يا شباب اوعي تفتكر ف مادة فاتت ركز في الانجليزي بتاعت بكره وبس وعادي الانجليزي يتلم وان شاء الله يكون سهل ومش معني أنها اخر مادة فا تتعك لا لا اول مادة زي اخر مادة وكل ما ممكن تحتاجه نازل علي الجروب وربنا يوفقك الجميع يارب... باز کردن / نظر دهید

2021-07-28 00:56:26 في حالة انك متدايق انك مغشتش وغيرك غش..
او انك مثلا شايف انهم هيجيبوا مجموع عالي وهيعلوا التنسيق
ربنا مش هيكرمهم والله ليشوفوا أثر الغش ده في الدنيا قبل الآخرة
وعند الله تجتمع الخصوم باز کردن / نظر دهید