2022-05-11 10:10:07
لما تضرب ولادك بشكل متكرر إيه اللي بيحصل؟!
✰بيفكروا ازاي يكذبوا عليك علشان مينضربوش.
✰وساعات بيفكروا يهربوا من البيت.
✰طبعاً مفيش حوار ولا يحزنون فالموضوع
⇦تحوّل لضارب ومضروب!⇨
⊂●والمضروب●⊃ مش بيكون سعيد وبالتالي بيحب العزلة والانطواء "وهو هيتكلم مع اللي ضاربه ليه وازاي؟
ولما بيكبر شوية عادي جداً يتجرأ على أبوه وأمه وميكونش ليه كبير.
•┈┈••••●◆❁◆●••••┈┈┈•
طيب ممكن تركزوا معايا شوية
اللي بينضرب بشكل متكرر ده، عاطفته
●أخبارها إيه؟!
●جيدة أم متوسطة أم ضعيفة وفيها مشاكل؟!
هل هو لما بينضرب وبيغير سلوكه، هل بيغيره وهو مقتنع؟! واللا بيغيره علشان خايف من الضرب؟!
طيب هل علاقته باللى بيضربه سواء الأب أو الأم خوف أم احترام؟!
طيب هل هو بيعرف ياخد قرارات شجاعة أو حاسمة؟! واللا بسبب الضرب بيكون متردد وخايف؟!
هل هو بيحس إنه محبوب من البيت أم مهان؟!
•┈┈┈•❈••✦ ✦••❈•┈┈┈•
طبعاً الإجابة واضحة من العنوان!
ونتايج الضرب المتكرر مخلصتش لسه، عايزكم تركزوا كمان في الآثار اللي جايه دي:
(❶) ابنك او بنتك بسبب الضرب ممكن يكونوا عدوانيين، وشوف بقا هيعملوا ايه مع اخواتهم وجيرانهم وزمايلهم في المدرسة، ولما يتجوزوا متوقع جداً تكون علاقاتهم مع الشريك في الحضيض!
(❷) الأبوين في عيون ابنائهم بيكون ليهم صورة مشوهة، بسبب الضرب والشتيمة والإهانة عموماً، ولما بيسمعوا عن نصوص بر الوالدين بيحصلهم أزمة داخلية ممكن تؤدي إلى اهتزاز في القيم.
(❸) ممكن ولادكم تطلع شخصياتهم ضعيفة بسبب العزلة والانطواء اللي ذكرناهم فوق، ودا هيبان في علاقتهم مع أصحابهم وفي الشغل وفي الزواج وفي تربية الأولاد كمان!
(❹) وممكن الموضوع يقلب تحدي مع الأبوين أو أحدهما، والولد أو البنت يعاندوا لمجرد المعاندة، ويبقى خسرنا كتير قوى معاهم.
(❺) وممكن جداً ولادك يصابوا بأمراض نفسية أو جسدية لإن بعض الأباء لما بيضرب بيضرب بعنف بل وبيتعمد الإذلال والإهانة، فبيكون ابنه من الحاملين للأمراض النفسية وأيضاً الجسدية ويكون بدل ما بيربيه بالضرب قد يكون سبب
في هلاكه وهلاك ذريته من بعده!!
•┈┈┈•❈••✦ ✦••❈•┈┈┈•
أنا عارف إن فيه أولاد صعبين جداً وينرفزوا أي حد، ودا مش معناه ان احنا نعاقب الجاهل أو الأحمق، ولكن بنساعده يتعلم ويتعدل ويتربى بقدر الإمكان.
فيه دلوقتي اخصائيين تعديل سلوك ومرشديين نفسيين وأطباء نفسيين وغيرهم ممكن يساعدوك بالمشورة أو الذهاب ليهم للمساعدة في العلاج.
وفيه قبل كده حاجة اسمها الحلم والحكمة والتؤدة والتأني والصبر
مع تعليمهم القيم وغرس أصولها في الأبناء، كل ده وغيره بيساعد على اخراج جيل جيد، لما تموت هتسيب في الأرض بذرة صالحة ليك في المستقبل، فلا ترمي بذرتك في العراء، ولكن احترمها بسقيا الماء.
588 views07:10
ا
