2022-05-24 07:35:30
password:
ب العصر الروماني جان اكو شي اسمه watchword
فكرته انو اكو مثل نقطة تفتيش عسكرية بهوايه اماكن
اذا تريد تدخلله لازم تقدملهم فد كلمة خاصة متفق عليه حته يعرفون انته من هذه المكان او مخول ل الدخول
هاي جانت اقدم فكرة ل استخدام كلمات السر ب التاريخ
بعدين زاد الاهتمام ب كلمات السر اكثر
وكامو يستخدمونه ب الامور العسكرية وستخدمو شي ثاني مطور من البسورد اسمه counterpassword
فكرته انو الشخص يكول كلمت السر و الشخص الثاني يرد عليه بكلمة ثانية متفق عليه
هاي الفكرة استخدمت بكثرة ب الانزال النورماندي
بمجال التقنية
البسور ظهرة اول مره بنظام تشغيل Compatible Time-Sharing System الي جان موجود بمختبرات معهد MIT بسنة 1961
بس جان هذه النظام يعتمد فكرة المشاركة و الكل تستخدم وتوصل لشغلات بعض
ف مستخدمينه معجبتهم فكرت البسورد حرفياً
واحد منهم اخترق كل البسوردات ودزلهم رسايل تنصحهم يخلون بسورد فارغة وغلبهم سوو هذ الشي
الاستخدام الفعلي ل البسورد ب الحواسيب هي بنظام تشغيل يونكس الاصدار 6
بسنة 1974
جانت الاساليب بداءية كلش بس بمرور الوقت تطورت الطرق التشفير
البسورد كلش قديمة .... قبل ظهور التقنية اصلاً
موجودة من العصر الكلش قديم
هسه نجي عله الشق الثاني من الكلام
شلون نسوي بسورد قوية
اكو مقولة تكول "The easier a password is for the owner to remember generally means it will be easier for an attacker to guess"
اكو هوايه نظريات عله هذ الشي
اني راح اطي رءيي اللشخصي
1- البسورد لازم بيه حروف كبيرة وصغيرة
2- البسورد لازم بيه ارقام ورموز
3 - حروف البسورد لازم متكون مرتبه مثل ترتيب الحروف مثل bcd
4- حروف البسورد لازم متكون مرتبة مثل ترتيب حروف الكيبورد مثل asd
5- لتستخدم كلمات موجودة ب القاموس حبيبي
6- البسورد لازم يكون طوله من 8 و فوك
هسه نجي عله الشق الثالث
هل لازم اسوي بسورد واحد لكل حساباتي لو شلون
بصراحة السالفة معقدة
اذا سويت بسورد واحد لكل حساباتك او اغلبهن
من واحد منهن يخترق ممكن الباقيات كذالك توكع بيدهم
و اذا سويت لكل حساب بسورد راح تواجه مشكلت النسيان
لذالك ينصح بستخدام لكل حسااب بسورد مع الاستعانة ب برامج حفض كلمات السر
وبما انو احنه نحجي عله مشكلة نسيان كلمات السر انصحكم ب برنامجي البسيط taina لحفض و ادارت كلمات السر
يله بيباي
نلتقي وياكم ب بوست جديد
469 viewsAli Miracle, 04:35
F
