Funny TechMan

2020-11-23 21:41:19 • عندك ١٢٠٠ دولار تريد تشتري بيهه بلي ستيشن ٥؟
شتسوي؟
١- تروح عله مكتب سياحه وسفر وتاخذ جوازك وياك وتكله اريد احجز عله فلاي دبي.. تجيك الفيزا بعد يومين تكلفك ويه التكت التو وي ٦١٨ دولار
٢ - تفوت عالنت تشوفلك فندق بدبي يكلفك ٤٠ دولار وعله شرط فندق مرتب ويمشي حال وتلكه دسكاونتات هوايه... تحجزه ليوم واحد
٣- تاخذ كريم لمطار بغداد يكلفك احتمال ١٠ دولارات وتاخذ سياره بالمطار جمسي تكلفك ١٠ الاف يعني ٨ دولارات
٤- تنزل بدبي تطلع تكسي تروح لمول دبي راسا لان اكيد جوعان انت... تروح لمطعم اسمه تكساس تاكل يمه ستيك لحم ب٥٠ دولار بحياتك ما ماكل مثله
٥- تطلع من المطعم تفرفر بالمول وتروح يم برج خليفه تتفرج عالنافوره وبعدين تتعب من الفر ترَوح لسوني تاخذ منهم بلي ستيشن ٥ ابو السيدي ب٥٠٠ دولار
٦- ترجع للفندق بتكسي يكلفك ١٠ دولار المفروض، تاخذ غرفتك وتسال ابو الرسبشن شنو باسوورد النت بالغرفه علمود تحدث البلي وتنزل العاب الفور مالاتك ماطول نتهم سريع
٧ - متنام تبقه بس تلعب وتستغل النت لثاني يوم تاخذ تكسي للمطار هم ب١٠ دولار لازم... تنام بالطياره اكيد وترجع توصل لمطار بغداد بساعتين تقريبا
٨- تصعد كيا لعباس بن فرناس تكلفك ١٠ الاف يعني ٨ دولار وتطب بغداد
*مجموع المصاريف فوك هي ١٢٥٤ دولار يعني تداينلك حمر ٣ من الوالد فوك ال١٢٠٠ مالاتك
* اذا عندك صديق يجي وياك يتقاسم وياك التكاسي والفندق يطلع حسابك اقل من ١٢٠٠
*اذا تريد تاكل فلافل بدال الستيك او تاخذ لفه بيض وياك من بغداد مصاريفك تصير ١٢٠٠ دولار و٥٠٠٠ عراقي
*ترجع لبغداد منزل كل الالعاب ومحدث البلي، شايف دبي، عندك ضمان من سوني، ما مقطوط غير بس بالتكسي مال مطار
* يجوز ما ياخذون منك دولار بدبي فتصرف بالمطار بس ١٠٠ دولار وتصرف الباقيات من المول جوه الكع اكو صيرفه
*فلاي دبي ما ينطون اكل بلاش مو تجي تكول ما كلي بعدين
وتحياتي... باز کردن / نظر دهید

2020-11-23 12:31:33 شباب رجاءاً لحد يمنع اعلانات اليوتيوب لان من تمنع الاعلان راح تقلل ربح اليوتيوبر هو كاعد يتعب حتى يحصل كم فلس من اليوتيوب اني اشوف الاعلان للاخير و اذا مزاجي عدل حتى ادخل للاعلان اشوف شبي و اخرج مو صعبه بس خطيه اليوتيوبر ما اريد اضره
*ما عندي اي قناة باليوتيوب الموضوع انساني مو ترويجي باز کردن / نظر دهید

2020-11-22 16:42:02 وزارة التربية لا تخلي رحمة الله تنزل ولا تخلي ناس تشتغل
نتائج مايعرفون وين ارفعوهن .
وزارة شكبرها مابيها واحد يفتهم.
تحس عبودي ابن الدوره لازم الوزارة ههههههههههههه باز کردن / نظر دهید

2020-11-20 14:16:51 صراحة ما احب احجي بهيجي مواضيع
بس هسة بسبب كمية الرسائل الي جتني على البوست مال شهادة Ahmed AlGhaleb - احمد الغالب على ال CEH v11
يا جماعة الخير , اي شهادة الانسان ياخذها ياخذها لنفسة و علمود يطور نفسة و يطور السي في مالتة الي هوة بالاخير يمثل الكارير مالتك
اعرف ناس ما عدها شهادة و شايلة عقل و معلومات بمجال امن المعلومات و بدون شهادة
و ايضاً اعرف العكس
تعقيباً على البوست , اول شي مبروك على الشهادة
ثانياً , عندي كم سؤال للصفحات الي نشرت البوست
شلون عرفتو اول عراقي اخذها ؟ معقولة مخترفين اي سي كونسل و تعرفون شكم عراقي ماخذها ؟
وين الشهادة و رقم الشهادة , شسوي بصورة احمد الغالب شايفها و اعرفها
اريد صورة الشهادة , طبعا مو لغرض التدقيق لا اكيد لا , بس لغرض التوثيق
ثالثاً , انت تعرفون هاي شهادة مال شنو ؟ ترة هية المرحلة الاولى للي يريدون يطبون بمجال امن المعلومات
رابعاً , هوة اخذها , انتو شبيكم ؟ ترة اكو ولد و شباب حلوين مثل عبدالله حسام , ستار,حسين, حسن, و القائمة تطول عدهم انجازات اهم من شهادة ممكن كلش زين تشتري الاسئلة مالتها و هذا الي متعارف عليه و طلع النا حاصلين ع شهادات خبرة من شركات و تتخيلهم عباقرة و همة هب بياض
خامساً, دارو اموركم بالكتمان
كلمن يسولف , يعني ما عندة غير السوالف ,
و اكرر , مبروك لاحمد الغالب على الشهادة , بس ان شاء الله اذا عندك مجال فد يوم لايف صغير فيس بوك و مستعد اني استضيفك و تحجيلنا ع التحديث الي صار ع v11 و يستفادون الناس منك بما انه انت تحب تخدم المجتمع
كل التوفيق باز کردن / نظر دهید

2020-11-14 12:36:21 لكثرة ما شفته من (خرط + خرافات) من المنشورات التي تتكلم عن ML
كمت استحي اسولف وية احد عليها اذا انفتح الموضوع باز کردن / نظر دهید

2020-11-11 21:43:57 اني من الناس الي ما احب العاب الاونلاين
بس لعبة Brawlhalla اخذت قلبي وشعري وسناني
اللعبة متوفرة عله كل المنصات .... pc, ps4 اكسبوكس, سويج, وحته الفون
جربوه ودعولي باز کردن / نظر دهید

2020-11-10 22:50:43 خلي احجيلكم شويه عله مءتمر ابل
ولو اني ما احبهم
ابل قللت الاسعار عن العام ب 500$ اقل بسبب المعالج الجديد M1 .. يعني صارت مواصفاتها اعلى حسب كلامهم وارخص ب 500$ عن الاصدارات السابقة الي بيها معالج انتل ..
كل تطبيقات ال iOS راح تنزل بالستور بشكل مباشر على الاجهزة الي تعمل بمعالج apple silicon
حاليا دزو اشعار عال appstore connect اذا تريد تلغي دعمل الماك لتطبيقات ال iOS او تبقيه
سعر جهاز ماك ميني الجديد يبدأ من 699$، وهو أقل بـ100$ من السعر الابتدائي للجيل السابق باز کردن / نظر دهید

2020-11-10 19:05:54 اكو مكاتب داتنطي جزء من راتب الموظف الي يسحب يمهم وبلمقابيل تاخذ البطاقه والباسورد حتى من ينصرف راتب تستقطع وتضمن حقها
المن مسوين نظام دفع الكتروني والدعايات مال حماية اموالك والشوارع مليانه اعلامات توطين رواتب باز کردن / نظر دهید

2020-11-10 18:24:39 امس جربت لعبة The Legend of Zelda: Breath of the Wild
صراحة لعبة مصممت ب ابداع
بس الهدوء الي بيه مخيف
عالم صامت مدري ليش باز کردن / نظر دهید

2020-11-09 18:38:40 طبعاً سيرفرات Nintendo Switch
تعيسة كلش
تحس Nintendo متءخرة كلش من ناحية النتورك عن المنافسين
حته الويفاي زبالة
خو الاونلاين شحجيلكم باز کردن / نظر دهید