مفتي رضوان الله فيضاني

2022-11-18 09:41:20 زه د کمپنۍ کاریګر یم

مصر کې یوې دیني مدرسې په یوه ځانګړې موضوع یو محاضر او استاد وغوښت، نو د محمد السمالوطي په نوم استاد یې ورولیږه، نوموړی په یوه باندنۍ کمپنۍ کې کاریګر و، السمالوطي چې په ټاکلي وخت هلته ورسید ویې لیدل چې شاګردانو پر تخته لیکلي : زموږ د نن ورځي ویناوال استاد، فضیلة الشیخ محمد السمالوطي دی! ده چې دا لیکل ولیدل وشرمیدی او له اوریدونکو سره کېناست!
شاګردانو هغه نه پېژاند، څه ځنډ وروسته د استاد ځڼډیدا ته اندېښمن شول، نو السمالوطي پورته شو او هغوی ته یې وویل: استاد به شاید د څه عذر له امله ناوخته شوی یي، موږ او تاسو کې دې څوک پورته شي او له خدای ورکړي علم سره سم دې وینا وکړي، شاګردانو ټولو ورته وویل چې ته وغږیږه، ده چې په زړه پورې عالمانه وینا پیل کړه شاګردان او ټول حاضرین ورته غوږ غوږ شول او فضیلة الشیخ السمالوطي یې هېر شو.
له یوه ساعت وروسته یې د خبرو په ترڅ کې شاګردانو ته وویل چې زه السمالوطي یم، خو کله مې چې پر تخته زما له نوم سره القاب ولیدل زړه مې په درزیدا شو چې زه او دا القاب!! لطفا ما وبښئ! زه فضیلة الشیخ وغیره نه یم، زه د یوې کمپنۍ کاریګر یم.

پایله: کیسه دلچسپه او روښانه ده، مشایخ کرامو ته ناصحانه الفاظ لیکل بې ادبي راته ښکاري، الله دې پر موږ رحم وکړي ...
Hamid Afghan باز کردن / نظر دهید

2022-11-17 21:07:03 ‏د رسول ﷲ ﷺ مهرباني

د مشرکانو یوه سړي رسول ﷲ ﷺ، ته لاړې ورتو کړې! رسول الله ورته وویل: که درباندې لاس بری شوم؛ خامخا به دې وژنم، څه وخت وروسته دا سړی رسول الله ته لاس تړلی راوستل شو د رسول الله لوڅه توره په لاس کې ویې فرمایل: ما ته یې رانږدې کړئ ‏چې ورنږدې یې کړ هغه ورته وویل: ما مه وژنه، ځکه زه شاهدي وایم چې له الله پرته بل خدای د عبادت وړ نشته او ته د الله رسول یې.(أشهد أن لا إله إلا ﷲ وأنك رسول ﷲ)، نو رسول ﷲ ﷺ توره په پوښ دننه کړه او صحابه کرامو ته یې وفرمایل خوشی یې کړئ، زه الله د لمونځ کوونکو له وژلو منعه کړی یم.
‏سنن سعيد بن منصور (٢٦٦٧) باز کردن / نظر دهید

2022-11-16 06:56:38 باز کردن / نظر دهید

2022-11-15 16:44:54 یوه ترکي شتمن (خیرالدین افندي) د عثماني خلافت په دوره کې دوه کیلو انګور واخیستل، نوکر ته یې ورکړل چې کور ته یې یوسي او دی خپل دفتر ته لاړ.
د شپې چې کور ته وګرځېد او لږ دمه شو، ښځې ته یې وویل:
ــ له هغو انګورو خو لږ راوړئ.
ــ هغه مونږ وخوړل، نشته دي.
سړی پاڅېد، له کوره ووت، ښځې نعرې پسې ووهلې
خو دی نېغ لاړ، رهنما ته ورغی او له هغه سره یې یوه ټوټه ځمکه سودا کړه. تر هغې وروسته ولاړ د یوه شرکت سره یې خبره وکړه چې په دې ځمکه جومات راته جوړ کړئ او همدا شېبه کار پرې پیل کړئ. کار پیل شو او شتمن بېرته کور ته وکرځېد؛ ښځه پوښتنه ترې کوي چېرته تللی وې؟
شتمن ورته وایي: اوس که مړ شم نو راحت به وم، دا چې ژوندی یم او ستاسې ترمنځ یم، د انګورو په دانه کې مو هېر یم، چې مړ شم او له منځ مو وتلی وم،
بیابه کله دریاد شم چې صدقه راپسې وکړئ …

تر دې دمه د دې جومات څلور سوه کاله کېږي چې اباد شوی دی او دا صدقه جاریه یې د انګورو له دانې نصیب شوه، دا جومات په اسطنبول کې دی، د دوه سوو لمونځ کونکو ظرفیت لري او نوم یې دی (sanki üzüm yedim)
ژباړه : لکه انګور مې چې خوړلی وي.

باقي نو نتیجه تاسې خپله ترې واخلئ.
Abdul Salam Wazirwall

باز کردن / نظر دهید

2022-11-12 17:42:05 ‏څومره ښه وختونه وو !!!
هر چا به له یو بل سره په غزا او د دښمن په ختمولو کې سیالي کوله، هره شیبه به یې د شهادت یا زندان شېبې شمارلې، اخلاص، تقوا او خدای ته نږدیوالي کې یو له بل د وړاندیوالي هڅه وه.
خدایه د دفتر او موټر مینه مو له زړه وباسه او اوس هم د نظام د ساتنې او پرمختګ مینه راکړه.
#منقول باز کردن / نظر دهید