قوم امشي أقرا

2021-02-15 01:01:30 مساء الخير
زى ما عارفين في حاجات كتيرة جايطة والناس بتجوط مع الحاجات لشنو الله أعلم،المهم لازم تعرفوا انو مهما كان حاصل ما عندو علاقة بأهدافكم وإنو البتصلوا ليهو بكون بإرادتكم انتو ما بإرادة الظروف وإنو قرايتكم بتظهر رهااابتكم والله بتبقيكم رهيبين ..أي زول داير يبقي رهيب ما عليهو إلا يقرأ
تابعوا وسط الزحمه والجوطة وبتصلوا لكل مبتغي بإذن الله بس ما تقيفوا
#قوم امشي أقرأ باز کردن / نظر دهید

2021-02-14 23:02:50 ممكن تفك الزفت دا وتمشي تشوف قرايتك بي وين؟ باز کردن / نظر دهید

2021-02-14 12:28:32 سمعت ان جدول الاسبوع الجديد الحيبدا بكرا مليان هندسات اعملو تاق لي ناس هندسة باز کردن / نظر دهید

2021-02-14 07:55:26 ربا ...
يا ربا ..
ما كفاك نوم واكل ولعب بالتلفون .
ياربا يلا يلا يلا قومي اقري .
ربا قومي امشي اقري .
ربا قومي امشي اقري ربا قوني امشي اقري . باز کردن / نظر دهید

2021-02-13 23:55:59 باز کردن / نظر دهید

2021-02-13 23:55:56 يهتم مهندسو الطيران بالتطوير في المجال الجوي من حيث تصميم المطارات وتقنيات الملاحة، وكذلك تخطيط المطارات !! كيف الكلام دة ؟؟

متحدثنا في Uniguide Event عن هندسة الطيران باشمهندس محمد الفاتح أبكر اتكلم لينا عن المجال الرهيب دة فكان مختصر كلامو :

الطيران من التخصصات النادرة أو الما معروفة عند اغلب الناس في السودان .

بداية الطيران كان لما حاول عالم الفلك العربي ( عباس بن فرناس ) انو يطير فصنع اجنحة وركب في تلة عالية وطار ولكن واجه مشكلة في الهبوط فوقع ومات

وعام 1903 تمكن الأخوان رايت انو يصنعو أول طائرة تطير في التاريخ .

وابتدأ علم الطيران في التطور وتم اضافة تخصص في الجامعات سموهو بي (هندسة الطائرات) بيدرس كيفية تصميم وإنشاء الطائرات .

تخصصات هندسة الطيران
1- ميكانيكا الطائرات ودة بينقسم ل:
أ/ محركات الطائرات
ب/ التحكم والاستقرار
ج/ الديناميكا الهوائية
د/ الهياكل والتصميم

2- الكترونيات الطائرات ودة بيتقسم ل:
أ/ الاتصالات والرادار
ب/ العدادات
ج/ الملاحة الجوية

المهام وسوق العمل :
خارج السودان :-

1- تصميم وتصنيع الطائرات
2- تصميم وتصنيع مكوك وسفن الفضاء
3- صيانة الطائرات في المطارات

المهام وسوق العمل داخل السودان :-

1- صيانة الطائرات داخل المطارات.
2- صيانة الطائرات الحربية والهيلكوبترات.

فكل الشكر ليك يا باشمهندس أولاً لأنك كنتَ حريص على الزمن وحضرته أول واحد من المتحدثين وكمان على تواضعك ما قصرته ساعدتنا في باقي التجهيزات انت إنسان لطيف وتعاملك راقي وابتسامتك الجميلة زرعت في التيم كلو طاقة كبيرة ف بالجد سُعدنا بالتعامل معاك وإن شاء الله ما آخر تعامل وأسرة قوم أمشي أقرا بتحبك ونتمنى ليك دوام التوفيق . باز کردن / نظر دهید

2021-02-13 21:32:45 باز کردن / نظر دهید

2021-02-13 21:32:41 حاولت بقدر الإمكان اتكلم عن تخصص العمارة و لو كانت تغطيتها و تغطية مفاهيمها بصورة كاملة شبه مستحيل.
اتكلمت عن مفهوم العمارة و دراستها بشكل عام و قدر كيف هو شامل لتفاصيل كتيرة شديد الناس ما بتاخد بالها منها و ما بتكون عارفاها، بالاضافة لشكل الدراسة بصورة عامة و متطلباتها سواء كان في شخصية الزول العايز يدرسها او المتطلبات المادية ليها.
اتكلمت برضو عن مجموعة التخصصات و ال Career Shift اللي بتتيح ليك كلية العمارة انك تشتغل فيهم بكمية المهارات البتطلع بيهم منها، و أخيراً حاولت باختصار اتكلم عن شكل سوق العمل بالنسبة للتخصص.
في النهاية بس حابة اقول انو الايفينت دة كان مبادرة جميلة جداً من المنظمة و فعلاً أنا متأكدة انو حيكون شكّل فارق لكتير من الطلاب اللي حضروه و ساعدهم في تحديد قرارهم بالإضافة لانو اقدر اقول انو ما أعتقد في زول ما طلع بمعلومة جديدة سواء أكان من الحضور أو المتحدثين كمان.
وشكراً

كان هذا حديث مختصر من كتابة متحدثتنا في Uniguide Event المهندسة آلاء عوض الله محمد حيث حاولت أن تختصر لكم حديثها في ال Event عن تخصص الهندسة والعمارة ونشكرك يا الاء على تواجدك اللطيف معنا في ذلك اليوم ولأنك كنتِ جزءاً من تشكيل ذلك الفارق و أسرة قوم امشي أقرا بتحبك ونتمنى لك دوام التوفيق . باز کردن / نظر دهید

2021-02-13 18:35:18 عندما تسائل الحضور في Uniguide Event عن كيفية اختيار تخصصهم الجامعي كانت متحدثتنا مآب خالد موجودة لترشدهم إلى الطريق الصحيح

فقد تناولت في حديثها النقاط التالية :

-أهمية اختيار التخصص الصحيح
-إحصائيات عن اختيار التخصص الجامعي و علاقته و بالوظيفه مستقبلاً
-أسباب اختيار التخصص الخاطئ مدعمة بإحصائيات للشباب الذين يغيرون تخصصاتهم أثناء الجامعة .
-معادلة الاختيار الناجح للتخصص حسب:
١.الرغبات و الميول
٢. القدرات (وطرق تحديد نوع الذكاء للفرد حسب نظريه غاردنر )
٣.الفرص المتاحة للتخصص
- تخصصات ومجالات المستقبل : التخصصات النادرة الآن ولها مستقبل مبهر حسب إحصائيات المنتدى الاقتصادي العالمي و إحصائيات جامعية أمريكية لعام ٢٠٢٠

شكراً مآب خالد لأنك خصصتي لينا جزء من زمنك رغم إنك كنتي شغالة جامعة ومحاضرات وتعبانة إلا أنك أسرعتي عشان تُلبي ندائنا أسرة قوم امشي أقرا بتحبك شديد وبنتمنى ليك دوام التوفيق . باز کردن / نظر دهید

2021-02-13 10:52:58 ناس الشهادة جاهزين!؟
مفاجاتنا قربت
خليكم قراب..
وصلوها لكل الممتحنين
#تيم_الشهادة_السودانية
#قوم_أمشي_أقرا
#تعليمك_لحد_عندك باز کردن / نظر دهید