مولاي احبك والعشك معنا دمع ناتج جرح امسافر اشوفك سيدي ماخذ متاعك بس رمح دمعة غرامي مبهمة ومن احجي بسمك تتضح احبك حب بداياتي انتشي من اجري دمعاتي وسولفلك علة اضعونك ووضي بدمعة جلماتي الحب يخلق دمع عيني علة ادروبك يدليني دخيلك من هوة غيرك العشك مفهومة بحسيني من زغري وأول ايامي حبك غاية كل احلامي ابعد بس ارجع ابجيلك من اندب مولاي الضامي _______________ أسري بجروحي سيدي مسرة الضعن يم نينوة بوادي البواجي يلتقن جرحي ودمعتي وحب سوة يشهدلة كلبي لا حبيب ولا غريب الا هوة ابغربتك تعثر اجروحي يمك أمنت روحي لا تعتقني من حبك عابد سلمت نوحي مصداق العشك كلمة حب احسين ابو اليمة أجهر حبك وأعلن لازم أحجي بالنعمة أبنعمة حبك أشكر ساجد بلطافك ما أحصي اشما اعد تغمرني الكطرة من احسانك شكراً يا محبوبي الواحد _________________ يا كلبي بالك تنغلب تهوة وتحب غير الحسين بابك تسدة ابكل وجه ما ينطي الك دمعة وونين ياكلبي حيلك والمودة انذرها يم راعي الحنين يكلبي بالك اتخونة عمرك تبقة ممنونة خيري ونعمتي ودمعي من اعيونة لعيونة كبرني ابفضل جودة الة دمعاتي مريودة المشاعر يمة مرهونة بحبة تبقة معكودة أشما أقبل يفتح ذرعانة يتبسم شفة وعطشانة شنطينة وكل هاي الرحمة ما نسوة وخيمات انطانة _____________ حبي اعلة كد كلبي ابفطرتي والمهم محسوب احب هب بيه ريح امخيمه عطرة حرك لمن يهب أتعرة من ثوب العقل من استمع بي منسلب الحب مابي درب رجعة علة اخيامة احترك شمعة ودور عل يبجيني أطيح الطيحتة دمعة ابأثر دمعاتي أمشيلة ابكل حالاتي أبجيلة بس لا تنشف اعيوني يمه دمعتي ادخيلة أدخيلك لا تنشف دمعاتي من احزانك طهر ذاتي المرضاتك خليهة اجروحي ما رايد جرحي المرضاتي _________________ جعفر صادق الساعدي، قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4 150 viewsملا ابو امير الفاطمي, 10:27
