الشام عثره والعثر بالـــــــــشام حگه مالگــــت حاجوز بالطف بعد زينـــــــب وين تلگه تندفع بالسوگ مـــــــــو كلمن تره ولا تلوگ الطيــــحه للي امخدره شنهي وسط ابيوتهم توگف مره والضعن مابيــــــــه حمايه عالرماح وشــــــــي سبايه النوگ مكشــــوفه وهزيله لاله چلمــــــــه ولاله رايه الناس بلوه لا رهــــــــــم وياها ساده صارت اخلاف ابو فاضل كلهه عالنســـــــوان قاده كلشي فتّح عينه من طب الضعن تعبن امن الشوف وحچـاية هذن مالت الحيطان گــــــــد ماينتچن عالسطوح الناس تشـــمر بچفهه تشگف ياهي تعبر ترسو احجار المــــــدينه ياهو عالنســـــوان يستر؟ الماتو اهله ينهضم بحچـــــــايه عنهم شلون زيــــــنب وي اهلهه ماكو واحـــــــد ماشتمهم تعبر الچلمه عليهه ابگـــــــد رمح تحترگ وي روحــهه اشما تنجرح كون عالعلويه مايطـــــــلع صبح هوه ليـــــــــل وبالخرابه بس علينه اهون اصوابه لو نهار اســــــمع شتايم لو رقيه اتصـــــــيح بابا والله كلفه عيني ماشافـــــت مصيبه زينــب اتطب اويه اهـلهه وتطلع من الطـــف غريبه فرهدوها ابديره كلــــــشي اتسلبه طلعت ابطرگ العبـــــــايه المتربه راحت وماتدري ويــــــــن امغربه اليچــــــهب الدخان يعمه ركضت النـــــسوان زحمه الماتحرگـه الخيمه بالطف يحترگ بالشــــــــــام دمه عطشوها مره يم المـــــــاي عطشت ومره بالشام ابقصـــــرهم وگّفــــــــوها اهواي تعبت ماكو اكبر من مصـــــــايب كربله بس مصاب الشام حيل ايريد اله شنهي گلبه اليلتـــقي ابكاتل هله هذا ديوان المــــــــــــنيه ماهو گــــــــدر الهاشميه الشام موّت زينب اشگد والقصر مــــــــوّت رقيه خادم القصيده شاكر الصيمري قنوات مؤسسة فاطميون قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4 183 viewsملا ابو امير الفاطمي, 10:27
