Get Mystery Box with random crypto!

(( بحصيره)) رجعت من الدفن عمه دفـنـت الـوالـد بـدمـه بحصيره | قصائد منبريه مكتوبة2

(( بحصيره))

رجعت من الدفن عمه
دفـنـت الـوالـد بـدمـه
بحصيره لملمت جسمه
لـو مـو هيجي شيلمـه
""""""""""""""""""""""""
يـاعمه حـيرة بدفنته هم زيـن مـا شفتيهـا
لو واگفه بذاك الوكت چا والله متي عليهـا
بكل كربله مطشر تـره واعضائه ألملم بيهـا
هنا چفه وهناك الصبع جروحه الرمل ماليها

حيـرة بدفتنه احتاريت .. مـاشـفـت مـيـت مثلـه
چم وصله صاير بالگاع .. كل ساعه احصل وصله

وشفتله بكل كتـر ثلمه
بحصيره لملمت جسمه
لـو مـو هيـجـي شيلمه
""""""""""""""""""""""""""
بهالوادي ياعمه شحصل عرش الله امطشرينه
و حـسـينـج الكـلـش حـلـو لـو واكفه تضيعينه
صـدره شـكـثر داسـه الفـرس بالكاع امساوينه
مـو خـاتـمـه بـس انـسـلب والخنصـر امسلبينه

تسعة اصـابـع ضـلـن .. دورتـه مـاكـو العـاشـر
مدري اندفن جوه الكاع .. مدري خذآه ياحافر

نـعـمـة وداسـو النعـمـة
بحصيره لملمت جسمه
لـو مـو هيـجـي شيلمه
"""""""""""""""""""""""""
ويـاي لمّتـه الغرب مـا بيهم مـن اهـلـي شـلـون
فزعتلي بس اهل القـرى لجنـازتـه صـارو عـون
بالعجـل تشييعه صـبـح وتغسيله دمعات عيون
ظل ثلث تيام بنزف جوه الشمس شي يغسلون

شيغسله الكله جروح .. والشمس يبست جرحه
انهضمو وياي الدفنوه .. يكسر گلب الـي يلمحه

عـيـنـي لـحـالـتـه تعمه
بحصيرة لملمت جسمه
لو مـو هيجـي شيلـمـه
"""""""""""""""""""""""""""
يـاعمـة چـم موتـه شهگت ذاك الدفن أذآنـي
من جمعت جسمه رجعت لميت يمه اخواني
عبدالله والأكبر سوه واحـد صفه عله الثانـي
لـميـتـهـم يـمـه وذر والـحـيــل مــا شــالانـي

دفنـه مـرد گلبـي هواي .. والسلب بثوبـه شـراد
هوا شبقه بثوب حسين .. الحافر علي رايح رآد
ولـمـيـت اخـوتي يـمـه
بحصيرة لملمت جسمه
لو مـو هيجـي شيلـمـه
""""""""""""""""""""""""""""""
دلالج ادري عله الگمر ياعـمـه مثـل الجمـره
خايف تسمعن القهر تموتيـن والله بحـسـره
مـن الـبـواتر والـطـعـن لميتلـه اشچم وذره
صـار اليخط طولـه بمهر كـلـش زغيّـر گبـره

عذرني بس هذا الصار .. ياعمه الله يعينچ
هيج دفنتهم ولفيت .. هالخبر بين وبينچ

ادري تجرحـچ الكـلـمـه
بحصيرة لملمت جسمه
لـو مـو هيـجـي شيلمـه
"""""""""""""""""""""""""""""""
حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4