#ليالي_السبي_محرم_الحرام ((طال الدرب)) طال الدرب طال وتعبتني | قصائد منبريه مكتوبة2

#ليالي_السبي_محرم_الحرام
((طال الدرب))

طال الدرب طال
وتعبتني الحبال
وگبالي چتال .. هاي الهضيمة

دلالي مجروح
وشيطلع الروح
درب اليسر نوح .. شيحمله ضيمة

من عفت اخوتي عالنهر
خلولي كسران الظهر
ودمعي عله خدودي مطر .. وصرت الغريبة

وين امشي .. وين اكعد .. جلمة اسمع .. يالغريبة
هذا حالي .. عكب اخوتي .. كلبي مابطل .. نحيبة

اه يزينب اه يزينب اه يزينب
"""""""""""""""""""""""""""""""""
بجيت ظعنه
يرفرف علمنه
ويه الكفلنه .. دربي شحلاته

ذيج الليالي
مرت ابالي
بصفي الغوالي .. خدري شغلاته

يا جيتي بذاك الظعن
من اذكرتها گلبي حن
بس دار وياي الزمن .. وصرت الغريبة

بذاك ليلي .. ويه كفيلي .. گمرة جان .. وماكو ظلمه
هسه عكبه .. عيني تربه .. لرمح راسه .. والله هضمه
""""""""""""""""""""""""""""""""
بظعن الغوالي
يعزون حالي
كلهااا تبرالي .. لو حشمتهم

بدر العشيرة
وشيخ العشيرة
يسموني أميرة .. واغفه عله حسهم

ما بين اخوتي مدللة
وما صادفتني مشكله
لحد ما وصلت لكربله .. وصرت الغريبة

بذاك ظعني ..طافي حزني .. لأن أمشي .. بفي اخوتي
جان الاكبر .. جان جاسم  ..الكل يفزعون .. عله صوتي
"""""""""""""""""""""""""""""""""
من جينه خدّر
والدمع ما در
و كلشي تغير .. لمن وصلنه

ذيچ العلاوي
شبعت نعاوي
وصيواني داوي .. بالهيمه ضعنه

والنوگ هم تغيرت
بلا هودج الهزلة اجت
و أسمي تغير ما ثبت .. وصرت الغريبة

خيامي طاحت..سكينه ناحت.رقيةضاعت..بالبراري
يوم عاشر .. كلبي كاسر .. وابو الباقر .. شغل بااالي
""""""""""""""""""""""""""""""""""
تبچي الفواطم
عگب الهواشم
ظل ظعني صايم .. ما شربونه

حيرة وغرايب
چم طفله اراقب
دلالي شايب .. من طاح اخونه

چم طفل بالرگضه انسحگ
وگلبي ويه الخيام احترگ
والجمر بجدامي انطبگ .. وصرت الغريبة

الخيل اجتنه ..  وطشرتنه .. كلنه  صحنه .. وااحسينااه
و مستحانه  .. عثرانه .. الخدر امانه .. وصحنه ويلاااه
""""""""""""""""""""""""""""""""""
حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4