في ليله من ليال صفر وبخربه الشام ذكرت مولاتي رقيه عمها الحسن ع | الشاعر حيدر الحلفي

في ليله من ليال صفر وبخربه الشام ذكرت مولاتي رقيه عمها الحسن ع واردت ان تعرف مصيبته فدار بينها وبين عمتها ام المصائب زينب ع هذا الحوار

ليل الخرابة اطويل .. مايگضي بس ابشجن
إحچيلي عمه شلون..ودعتي عمي الحسن
ياسم جرع . يمَن وگع
عمي الحسن

آنه رقية وقصتة عمي أريد اسمع
ماشفتة بس عمه اسمعت بيه الكرم ينبع
عمي الگمر يشبه صدگ عمي الحسن يطلع
بحلامي بلكت أنظرة ومن عنده شوف اشبع

حلم حلم حلم .. عمي اگعد ابحضنه الحلو
حلم حلم حلم .. يشبگني لو شبگة أبو
حلم حلم حلم .. اغفة ابحنانة والدفو

كون الحسن بالطيف .. يحضني بجمل حضن
واشكيلة من النوگ .. طيحني فوگ المتن
خدي انصفع . يمَن وگع
عمي الحسن
_____________
إحچيلي عنه إمن انچتل عمه الأبو اشسوه
يعني أبوية منكسر ضهره اشكثر گوه
فارگ إبن أمه الحسن وعمي الكمر توه
الله اليساعد والدي ودع صدگ خوه

أخو أخو أخو .. ماظل لبو اليمة بعد
أخو أخو أخو .. إحسين اشكثر زينب فگد
أخو أخو أخو .. مايمه وايلم الجسد

وانتي يعمه شلون .. شفتي الحسن منطرح
شفتي البلايه اچفوف .. شفتي الوگع منذبح
چبده انشلع . يمَن وگع
عمي الحسن
+++++++++++
عمه الحسن شفتي عطش شفتي ذبل لونه
اثياب القديمه هم لبس عن لا يسلبونه
من ودع اخوانه اشكبر دمعاته بعيونه
بيناتكم لا خيل اجت صدره يرضونه

بچه بچه بچه عباس عمي عالحسن
بجه بجه بجه ودموعه فوگه ايگطرن
بجه بجه بجه وشفافه منه اتبللن

وحسين ابوي شصاح.ياخويه عني رحت
يا ابو جاسم بعد وكتك رحت من وكت
گلبه انصدع يمن وگع
++++++++
انتي بعد عمه اشكثر شفتي الم فكده
بذاك الطشت مو راسه بس جان الحسن جبده
راح الحسن بس المتن مامنضرب بعده
شده يعمه الينولي والماله اخو شده

سبي سبي سبي هيجي مصيره الماله اخو
سبي سبي سبي للطفله اذا ماضل ابو
سبي سبي سبي بالصحره لا خيمه اكو

هنياله كلمن مات..وعياله ماتنسبي
لا حرّگوله اخيام.. لاجمر لاح العبي
جدمه انلسع يمن؟وكع
++++++++++
هسه منو ايزور الحسن محد بقه ابكتره
هيجي وكت من كل سنه نتجمّع ابگبره
هسه العليله تمشي اله وتعثر الف عثره
واتگله اهلي ما اجو وسط الكلب جمره

رحل رحل رحل عني اخييك مارجع
رحل رحل رحل عني الخبر منه انكطع
رحل رحل رحل عمي الحسن كلبي انوجع

بس انه اجيت اليوم وحدي طحت عالگبر
لابقه بعيني دمع لابقه بروحي صبر
صوتي انگطع يمن وكع

حيدر الحلفي .. ثائر الربيعي