محرررم 1444 هـ ( القاسم ع ) حرام يوليدي . تروح من ايدي . ابيو | الشاعر حيدر الحلفي
محرررم 1444 هـ ( القاسم ع )
حرام يوليدي . تروح من ايدي . ابيوم العرس يبني حرام
يحيف ماشوفك . تشيل بچفوفك . حنة وتطوف اعله الخيام
عتب عتب .. وي دنيتي الهضمتني
عتب عتب .. ابيوم العرس عذبتني
عتب عتب .. من زفتك حرمتني
عتب عتب
تعب تعب .. دلالي بمداراتك
تعب تعب .. حد ماشفت ضحكاتك
تعب تعب .. من انظرت دمعاتك
تعب تعب
حبيبي العرس ماشافة حبيبي
أعيش شلون بخلافة حبيبي
يغير حزنة أوصافة حبيبي
يريت للقاسم . تصيح هالوادم . مبروك عرسك بالطفوف
يريت گدامي . أشوف جسامي . ينزَف وارد ضحكاتة اشوف
__
سهر سهر .. ليلي انگضة اوية اوليدي
سهر سهر .. واعيوني طاحن بيدي
سهر سهر .. ما نمت لجل اوحيدي
سهر سهر
غفة غفة .. كل عمرة بين احضاني
غفة غفة .. ابراحة ويشم برداني
غفة غفة .. اشگد شبگتة ذرعاني
غفة غفة
دلالي اسنين ما ينسة دلالي
حلمت ايصيحلي يمى تعالي
زفافي اليوم وايريحلي بالي
أريد يندهلي . ويگوم ايگلي . يمى عرس جاسم قريب
واعيش أفراحة . واشيل اجراحة . إبني وجرح گلبة يطيب
__
حلم حلم .. ثوب العرس أشريلة
حلم حلم .. جاسم أزفة الليلة
حلم حلم .. ياس او ورد أهديلة
حلم حلم
ردت ردت .. بالخيمة احط صينيتة
ردت ردت .. أكتب على چفيتة
ردت ردت .. إبن الحسن زفيتة
ردت ردت
خيامة اورود مفروشة خيامة
وازفة اگبال عماتة او عمامة
ويشيل إحسين صينيتة أمامة
بقيت أتمنة . أشوف يتهنة . جاسم ولو ساعة زمان
أريد أفرحلة . واشوف البدلة . لابسها يمي ابهالمكان
__
كبر كبر .. بس ما يحس ابراحة
كبر كبر .. بين الحزن واجراحة
كبر كبر .. ما مره عاش افراحة
كبر كبر
يصد يصد .. زفة شباب ابعمرة
يصد يصد .. فرحانة ما متحيرة
يصد يصد .. ويبچي اعله حالة ويقره
يصد يصد
اذكريني من تمر زفة اذكريني
ييمى او حنة ما شافت إديني
انه ابحسرات مگضية سنيني
شباب زفوها . ابورود طشوها . بس آنه مو مثل الشباب
زغير وامشيب . يناس متعذب . والفرحة ما دگتلي باب
__
طلع طلع .. من الخيم للحومة
طلع طلع .. وثوب الزفاف اهدومة
طلع طلع .. چيه زفتة ما مقسومة
طلع طلع
وگع وگع .. فوگ التراب اگبالي
وگع وگع .. واتعثرت بخيالي
وگع وگع .. واصرخ تركني الغالي
وگع وگع
اركضتلة ودمعي سابگني اركضتلة
وتبده الحيل بالگوه اوصلتلة
بعد دنياي ما تسوى گلتلة
حرام لبعمرة . يسيل دم نحرة . ويتطشر ابين الرمال
التراب سد عينة . وجروح خدينة . تحفر دليلي ودمعي سال
حيدر الحلفي
