محررررم 1444 هـ طوعة ومسلم ع هلا بالضيف .. صاحت هلهلت طوعة هل | الشاعر حيدر الحلفي
محررررم 1444 هـ طوعة ومسلم ع
هلا بالضيف .. صاحت هلهلت طوعة
هلا بالضيف .. ومسحت بالهلا ادموعه
گاصد أعرف امنين . وجايب ريحة إحسين
هلا بالضيف . هلا بالضيف
هلا ومية هلا ابمسلم . إدخل نورت بيتك
عربية وچبيرة گوم . هيچ آنه تلگيتك
أشمن بيك عطر إحسين . من ابعيد شميتك
شنهو الماي ماي العين . لو تقبل انه انطيتك
هلا بالجاي .. وجايب ريحة احسينة
هلا بالجاي .. مبخوتة ويمر بينة
والله امچانك العين . وجايب ريحة إحسين
هلا بالضيف . هلا بالضيف
____
هلا ابجيتك يبخت إحسين . هلا بالگاصد اعلية
مبخوتة اشكثر والله . وتشرب مني لمية
امعزبتك انه ابهاليوم . وانه گد ال اعزوبية
سخية وافتحت هالدار . لجلك لني عربية
أفرح دوم .. بيه اشما تمر بية
أفرح دوم .. طبعي كربلائية
أعزبك لو چنت وين . وجايب ريحة إحسين
هلا بالضيف . هلا بالضيف
___
ايحبني اشگد إلهي ادريت . ومسلم لنه خطاري
راعي البيت إنته اليوم . اتفضل إگعد ابداري
بيك الجار لو يدرون . چا حسدوني كل جاري
امضيفتلي عزيز إحسين . بيك ارتفعت اقداري
هلا بالشال .. غيرة راس ابو فاضل
هلا بالشال .. سيفه ابگصة العايل
هلا بالشال سيفين . وجايب ريحة إحسين
هلا بالضيف . هلا بالضيف
__
هنيالي اشكثر والله . ابيتي إحسين طب عطره
يعني الداري راح انشوف . تدخل فاطمة الزهرة
أتمنة الزچية اهنا . تشرب مني بس گطره
ليضيف سفير إحسين . باچر يرتفع قدره
بعلة الصوت .. صلت عالنبي او آله
بعلة الصوت .. صاحت بيتي هنيالة
طفت بالروح نارين . وجايب ريحة إحسين
هلا بالضيف . هلا بالضيف
__
مو گد المقام الدار . مقامك بالقصر إنته
إشرب مايك او إرتاح . وضوگ الزاد الك جبته
زاير جايني إمن إحسين . هلا ومية هلا ابجيته
ريحان او ورد طشيت . بيتي الأجلك افرشته
إطلب گول .. خادمتك انه ادخيلك
إطلب گول .. ما ردك واللبيلك
ظل مو يوم يومين . وجايب ريحة إحسين
هلا بالضيف . هلا بالضيف
____
بيتك هذا يا مسلم . اشما مريت بالكوفة
مفتوح الگلب والباب . يمتى ماتجي اتشوفة
وحگ راية گمر عدنان . وحگ عباس واچفوفة
آنه الجايني إمن إحسين . لا والله ما عوفة
بيتك هذ .. إدخل لا لتسأذن
بيتك هذ .. صلي اشما ردت أذن
صليلك ركعتين . وجايب ريحة إحسين
هلا بالضيف . هلا بالضيف
حيدر الحلفي
