الشاعر حيدر حسين الگرعاوي

2022-08-24 09:01:12 ييمه ألمن عفتني يجاسم ضيعتني
****
هــم بيوم يمــه قصرت ويـــــــاك
صحت فد يوم كَلبــي والكَلب ما جاك
وين تروح يمـــك روحي احسها هناك
ثلث ميت عمـــر لو اعيش ما أنســاك
المصيبة منين أجتني يجـــاسم ضيعتني
****

شكثر ربيت يبنـــي وأنتظر تكبــر
احبـــك من تتعبنـــي بعد أكثــــر
طول الليــــل أظـــل يم المهد أفتـــر
اجمل شــي بعمري ويـاك من أسهر
ليالي ساهرتنـــي يجاسم ضيـعتني
****
حتـــى وآني ما مرتاحلــه اضحكلك
العمـــر كله اذا هـــز بيك مــا املك
أتمــرض واطيبــن لمـــن اوصــلك
أشتمــــك اذا مــا شـــوف وانـــدلك
بوداعك شيبتنـــي يجاسم ضيـــعتني
****
يجاسم شنســــه منك وأنت كل دنيــاي
السعادة احلامي روحي والهوى والماي
ييمــه وين ما اعيشـــن تعيش ويــاي
أنت بحضنــي واحتاجك بعدنــــي هواي
حياتــي فاركَتنــي يجاسم ضيعتنــي
****
العمر خنكَه ييمـــه وشوفتـــك نسمه
الهوى يمر بيك جـــاسم أله أشتمــه
عيونــي من البواچي لو رحت تعمــه
أشــوف الدنيـا من هسه كَمت ظلمـه
الكَلب يمـــك يعتني يجاسم ضيــعتني
****
زمانـــي الراح يرجــع أيست منه
الحمـــــد لله اذا ليلــــي أنامنــــــه
ييــــــمه المــات ابنها شلــون تتهنه
طولك يمـــه اريــد بروحــــي ادفننه
لكَبرك ما خذتنـــي يجاسم ضيــعتني
****
حيدر حسين الكَرعاوي



https://t.me/HaiderHaider313HH باز کردن / نظر دهید

2022-08-24 09:01:07 باز کردن / نظر دهید

2022-08-23 00:07:12 والله يالسجاد نبقه على العهد
تموت كلها وحبكم يظل للأبد
  
يا مسموم         يا مسموم
          *
أنت ألك بكَلبــــونه كَبــه وصحن
يشهـد بحبنـــه يمــولاي الزمـن
سيـــدي شكَد مرت علينــه فتن
هذا يوميــــة يذبحونـــه البــــلد
*
والله مــا عفنـــاك كل هاي السنين
مثـــل عــابس احنه بيــك مجننين
ما يموت الحب اذا حب عن يقيــن
عشـــكَ اكثر من قبــل عدنــــه بعد
          *
شلون ننسه سيدي الطف والجـرة
من ابوك حسيــن كَطـــعو منــحرة
ماكو بالدنيــــا مثــل زينب مــــرة  
بروحهــا لســـه المُخيـــم ما خُمد
          *
شلون ننســه من وكَع راعي العلم
وَجت علـــى أيتـــامكم كل الخـــيم
ميـــت انت ولســــه كَلبك بــي ألم
وجمر ثــارك يدوي بينــه وما برد
         *  
سيــدي يكرهونك أزيـد من قَبـــل
اليعشـــكَ أهــل البيت لازم ينـقتل
لســـه يحكـــم بالسعـــودية نَــــذل
عدهم السفيــاني للمــهدي استـعد
          *  
وبرغـــم كل المجــــازر والدمـــاء
قِبــــــله يالسجـــاد صارت كربلاء
أمنيتنـــــه يمــــك نقيـــم العـــــزاء
وعالسبـــاية الناعــي يقره لو صعد
          *  
والله لــو تقبــــل مراجعنــه نجيك
ونبنــي أكبـــر كَبه بالعـــالم عليك
العـــــراق يريـد كلـــه يعتنيــــــــك
بحبكـــم انجن الرضيـــــع البالمهد
         *  
سيدي يوميــــة داعشـــــهم يـــرد   
وعلــــــي يذبحونه اذا مــــا نتحد
السيد السيستــــاني سوالك حشـــد
هواي همــه واحنه اقــل منهم عدد
          *  
يمتـــه أبو صـــالح يجينــه برايته
هواي يالسجـــــاد طــــالت غيبته
يمته نمشـــي وياه لزينب عمـــته
يا صبـــر كَلبك يمهدي المــاله حد
          *  
 حيدر حسين الكَرعاوي




https://t.me/HaiderHaider313HH باز کردن / نظر دهید

2022-08-22 11:53:01 في الأمام السجاد ع






ماكو بالدنيا بمصابك     يا نبي شايل عذابك
لا ضريح ولا منارة     ولسه ممنوعة الزيارة
***
مــدري يالسجاد أبــدي بيا مصيبة
بذَبح أبوك بسحكَة ظلوعة السلبية
بالخيم لـو من سبــو أختـه الغريبة
أنت مــو بس محنتك كلك عجيبـــة  
يالحياتك كلها مأتم      بكَلبك يشب چم مخيم
صبرك احتل الصدارة      ولسه ممنوعة الزيارة
***
چـم كَلــــب يـــرادلك بالغـــــاضرية
چم مصبية يشيــل كَلبك چم رزيــة
چــم حبيب المنذبــح فوكَ الوطيــة  
چم أخت فوكَ الهزل راحت سبيـــة
من رحت وي السباية       چـم رمح شـايلة آيـة
كَلبك تشب لسه نارة       ولسه ممنوعة الزيارة
***
موقفــك يا سيدي يهد الرواســـي
القدر چان وياك بالطف حيل قاسي
شفت حركَ خيامك وعشت المآُسي
بس حچولي عنه شيب منه راسي
جسم أبوك شلون صاير    ركضت بصدرة الحوافر
ظلت اعيــالة حيـــــارة       ولسه ممنوعة الزيارة
***   
آنــه أتحده الجبـــال تشيل صبـــرك
أثــر من السلسلة لسـه على نحرك  
فوكَ كل العشته بالسم يكَضي عمرك  
لسه كَلـــي بيــا ذنب مهدوم كَبـــرك  
الله يلعن هالعصـــابة        ينزل عليهم عذابــة
عدهــم ويالله جســارة      ولسه ممنوعة الزيارة
***
سيدي نفــس الحقد لا يمكن أزيــد
ينذبــح هســـه اذا يرجــــع محمد؟
بمكه ابن مرجانه يحكم والشمر رد
داعــش الطب العراق عليهــا يشهد
والله لومـا المرجعية       هم ترد الغاضـــرية
چم نحر دمه تجارة      ولسه ممنوعة الزيارة
***
سيدي العالم بأســرة علينه حــاقد
أحنـه من دون البشر يذبحنه رايـد
         أمنيتـــــهم تنهــدم كــــل المـــراقد
عالوطن طـول العمر نبقــه نجــاهد  
ويالحشد وي المراجع       نبقه عالمذهب ندافـع
المهدي ياخذ يمته ثارة      ولسه ممنوعة الزيارة
***  
لشوكت ما ندري يبقه المهدي غايب
مو دمع دم يجرن عيـــون الحبـــايب
الدنيـــا ما بيهـا بعد غير المصـــايب  
باللطــم يمتــه نجيــلك والمـــواكب  
يمته أبو صالح يجينه      طالت الغيبــة علينه
والفرج طــال انتظـارة       ولسه ممنوعة الزيارة
***  
حيدر حسين الكَرعاوي
 



https://t.me/HaiderHaider313HH باز کردن / نظر دهید

2022-08-21 15:45:49 باز کردن / نظر دهید

2022-08-21 15:44:53 في الأمام السجاد عليه السلام....



يا سادس أنوار العــترة
كَلبك محد يوصل صبرة
**
أول مرة أحتــار شأكتب
يالكَلبك كل ساعة يشيب
يكَولون تبالغ چين تحب؟
والمثلك أي شيعي نكفرة
**
والُقــرآن شكَد قارينـــه
هيـچ بصَبرك ما مربينه
لو ذبحو أيوب حسينـــه
رأساً مـات من أول نظرة
**
كَلبــك يا موقف يتحمــــل
ما شايف مثلك أي مُرســـل
أنطيني آية تسولف عالِهزل
أواحد تركض خيـل بصدرة
**
يعقوب شكَد كَلبـه تكَطــع
وباچر يدري يوسف يرجع  
لا شايف طف ولا مصــرع
چا لو شــايف كَطعو نحرة
**
مَعلول أنت بهاي الحالة
من هِجمت كل الخيـــالة
راسك شيب مدري شمالة
من حركَوهه خيام الزهرة
**
الله يالسجــــــــاد يعينـــك
چم مذبــوح الشفتــه بعينك
مدري شلون إدفَنت حسينك
ومطشر جسمه على الغبرة
**
من علتك توكَف مــا تكَدر
بيدك شلت شلـــون الأكبر
لو مرمر هم چـــان تفطــر
شنَزَلَك عبــــاس بكَبـــرة
**
محد مثلك نــار دموعــــة
مت ولسه بروحك لوعـــة
بيدك من لَميت ظلوعــــــة
هم شفت بجسمه شچم طبرة
**
كَالـــو دافن ويــاه طفلــة
زغير حتـى النسمــة تكتله
أطــول من عبدالله النبلــــة
يذبحونه وست أشهرعمرة
**
يالحتـى دموعك تبچيـــلك
مدري شلون يخَلص ليــلك
ياهــــو الأكثر هدم حيـــلك
لســــا لا مرقد لا حضـــرة
**
حيدر حسين الكَرعاوي



https://t.me/HaiderHaider313HH باز کردن / نظر دهید

2022-08-21 15:44:35 باز کردن / نظر دهید

2022-08-20 07:30:38 شوط كربلائي ...


يحسين أرتبطنه وياك     بالدم بالنفس بالدين
 الرميثي كَالها لصدام  واحنه على العهدباقين
*
يحسين أرتبطنه ويــاك        لومـــا نرتبط ضعنة
بس وياك شفنه الموت      هواي أجمل من الجنة
لو ما انت چا ما صار      يسوة الدنيــا موطنـــة
شفته الطاغية صدام      حكمنه شكَد عليك اعدام
واحنه سيدي بكل عام      صحنـــه بيك آمنــــه
ونموت أكثر على حسين
*
يحسين بضمــــائرنه        ما خلتــهم ينـــامون
سجنو ذبَحونه عليــك      محد يمنــع المجنـــون
شكَد چان اللطم ممنوع       وغصباً چانو يلطمون
حبـــك هـــذا منبيــــعة       تنطي نحورها الشيعة
محد غيـــرك أنطيعـــة      ولــو هسه يرد عاشور
نصير جيوش مو سبعين
*
الشعــائر ما تركنـــاها      لو مو ألف مرة نموت
لو نتفــــجر بحبــــك      ويوميــة يجـي طاغوت
كَالـــو لازم تموتون      واحنه على المناية نفوت
يالمـــاكو بمثل حبــك      ودينــه لوطـــن كَلبــك
يزورك بالعرش ربـك        والي يزورة حتى الله
منين نجيب مثله منين
*
أحنـــه بلايـة عاشورك      يمكن للصنـم نرجع
نكفر حتــى بالأســلام       ومدري ليا وثن نركع
العالم جاهليــة يصــير        وكل قرآن ما نسمـع
ياصاحب فضل عالكون     ننسه حسين كَلي شلون
قـهر خليهم يموتون       أكثـــر واحــد يحبـــك    
الله بهــــاي متيقنـــــين
*
ما شفنــه نبــي مثلك        قـــدم للذبـــح نحـــرة
يا مُرســــل يبو اليمه       الخيــل تهشــم بصدرة
ما ظــل حيز أبجسمــك      طبــرة اطيــح عالطبرة
لله شكــَد عشــكَ شايل      يدري بيـــك تستـــاهل
خلقلك الله أبو فــــاضل  ضحــه برايتــه بجـودة بعينــه بروحــه والچفين
*
يجوز الدنيا تغــرينه       يجوز الوضــع يتغير
وحكَ زينب عشكَنه يزود       ونحبــــك بعـد أكثــر
نموت بكل سهولة عليك     بس ننســـاك مـا نكَدر
ألف هنيـــاله اليخدمــك       فدوة أعمــارنه لدمك
بلكي علينه ترضه أمك      والفاطمة ترضه عليِ
هذا يفـــــوز بالـــــدارين
*
صح بعض اليحبـــونك      غرهم سيــدي الدولار
وصح بعض السياسيين      صــارو عالتشيُع عـار
وبعضهم ينشرة وينباع   عقول هواي عدنه أزغار
مثل عابس نمـوت عليك     كلســاعة نحر ننطيك
بيمن سيــدي نوافيـــك       ألنــه أنطيــت عبدالله
ألـكم سيـــدي شمنطيــــن  
*
حيدر حسين الكَرعاوي


https://t.me/HaiderHaider313HH باز کردن / نظر دهید