الشاعر حيدر حسين الگرعاوي

2022-08-11 11:15:52 دفن الأجساد الطاهرة




أخذني وياك لأرض الغــاضرية

يعمــه ادفنــي ويـاهم سويــة

كون ادفنهم بعيني        شسوي بيهن سنيني

*

يالسجاد عمـه عليك حزنـــي

للطف لو رحت ويــاك أخذني

أراوي للكَمــر عبــاس متنــي

أكَله على الشتمنـي والضربنـي  

اريد أحچيلــه عن كل الجرالـي  

وأكَلـه شسوت بكَلبــي الليــالي

كل ساعة تبچينــي       شسوي بيهن سنيني

*

أروحــن يمهم وتخلص حيــاتي

بلكـــن الله يرحمنــي بممـــاتــي        

ولا  رد للسبـــي ولوعة بنـــاتي

ولا أشوفن على الـهزل خواتــي  

كَبل سنيــن كون بكَبــري ميتــه   

ولا حركَ الخيــام بعينـــي شفتــه

 رايح تدفن حسينــي       شسوي بيهن سنيني

*  

شسـوي بدنيتـــي بعد الحبــايب

أمــــوت ولا أظلــن للنــــــوايب  

كَامــــن ياكــلن بيــه المصـــايب

مـو حكَــــي يعمــه من أعــــاتب  

كفيلي خاف مــا يدري انسبينـــه

كون بكَلبي سهم الصــاب عينـــه

من تروح ودينـــي        شسوي بيهن سنيني

*

كَلبـكَ كَلـــي جبت منين صبــــرة

مـن يدفن يعمــــه بأيــده عمـــرة  

أبــوك حسين وين تخلــــي نحرة   

على كيفك تـــره مكســور صـدرة

مو بالكَبر عمـــه بروحــي نزلــــه

زينب سنــــه ونــص وتموت كَلــه     

أجيلة خل يتانينـــي        شسوي بيهن سنيني

*  

أودعــــهم يعمـــه ارجـــوك تانـــي  

أريـدن وي أبـــو فاضـــل ثوانــــي  

أريد أحچيله عن دهـري السبـــاني   

أخذها الموت أخوتــي وما خذانــي  

موش العَلم كــون الطـــاح حيلـــي

ردت موتـــي شكثر كَبلــه يجيلـــي   

يربي لا تخلينــــي       شسوي بيهن سنيني

*

روحــــي أنطيــــها اذا ردو أليـــة

شيرجعــه الينــدفن تحت الوطيــة

كَلـــهم لــــو رحــت زينب سبيـــة

يعمـــه منيــن اجتنــــي الغاضرية  

عـــايش ألمـــن المــــيت حبيبــــه

التحضنــــه المكَبرة هذا شيجيبـــه

الزمن راح شيراويني       شسوي بيهن سنيني

*

حيدر حسين الكَرعاوي


https://t.me/HaiderHaider313HH باز کردن / نظر دهید

2022-08-11 00:33:07 باز کردن / نظر دهید

2022-08-10 22:03:08 دفن الأجساد الطاهرة ..زينب




أخذني وياك حتى أدفنهم بعمري

يم عباس مات على النهر صبري

         **

أخذني وياك حَضرت بدليلي كَبور

تشيل أرواحهم كلها وحزن عاشور

ألمن عايش اليكَضي العمر مقهور

ألمن باچر أمشي اوين ما ادري

**  

أخذني وياك عندي بكَد حزنهم شوكَ

يعمــه شچم مُخيم بالكَلب محروك

أحــس الموت من سنيني كَام يبوكَ

يابس دمــي بيــه ومختنكَ عمـري

**  

أخذني ويــاك بلكن ينكَطــع ونــي

يمهم بلكي أمـوت وينتهـي حزنـي

المصايب كَامن بروحي مُدن تبني

دمعي والقهر رافكَني من زغـري

**

بلكن الله يقسملي وأمــوت هناك

وما أرجع يعمـــه للسبي ويـــاك

مروتك عمه أخذني للنهر أنخـاك  

يم عباس حتى أحچيله عن خدري

**

هاي أحلى أمنية ويمهم يدفنوني

شصاير بيه من راحــو يشوفوني

أشوفنهم قبـــل لا يعمـن عيونـــي

بغير الموت لتظن ينجبر كسـري

**

ألمــن ظالة وأحبـــابي ما ترجـع

كَلبــي من القهر كلساعة يتكَطــع

بلكن روحي يمهم لو رحت تطلع

نار عيوني بيهن مو دمع تجـري

**

لو محتركَه يوم الحركَـو خيامــي

ولا اعيشن مصابي ولوعة أيتامي

أموتن كون يمهم وأدفــن أيامــي

اوي عباس بالطف ينحفر كَبــري

**

أعيش شلون واني احبابي مدفونه

بالدنيا شيســوي الفــاركَ عيونــه

هيـــچ وعمري ويــاهم يدفنونـــه

ولا اردن سبيـة وارجــع اليســري

**

حيدر حسين الكَرعاوي



https://t.me/HaiderHaider313HH باز کردن / نظر دهید

2022-08-10 06:09:03 دفن الأجساد




بالعــالم هــاي أول مـــــرة

أسمــع وآحد يدفن عُمــــرة

كَلبـــك يالسجــــاد شُكبــــرة

**

يالماشاف مثلك نبي ولا مُرسل

يالسجاد مدري شلــون تتحمــل

من يقبل خواته تروح عالِهزل

أول شخص بعد الطف قرة المقتل

دلالك چم مــرة تكَطـــع

منيلومك لو روحك تطلع

هوه حسين شظل بصدرة

**

مصيبة ماكو بالدنيا مثل عاشور

يمك كَطعو شكَد بالطفوف نحور

الدِفن غالي يظل طول العمرمقهور

بالطف شكثـر بيدك حفرت كَبــــور

يالدافن بيدك چم غالـي

حزنك راح يظل للتالــي

لا مرقد لسه ولا حضرة

**

مدري شلون بالعاشر بُقتلك روح

چم مسبية عندك سيدي ومذبـوح

من دون البشر كَلبــك يدكَ جروح

الفواطم من بعد عباس وين تروح

من حركَو بالطف أخيمهه  

واحد كل ساعــة يشَتمهه

يسّبــون عليمن بالـزهرة

**

لو نجمـع قهر وهموم كل النـــاس

بحزنك ما يعــادل مصرع العبــاس

چَويَت نـار چـــانت بيهن الأنفــاس

بصبرك سيدي كل صبر ما ينقاس

لو يعقوب ويــاكم حاضـــر

ويوسف صدرة يدوسه الحافر

وبالعـــاشر يوكَـــع من مُهره

**

رِجَعت من الدفن ودمــوعك تهلهه

رقيـــة عن أبوها شرايــــح تكَلهه

الطف عَمـــــتك چــم مَرة كاتلـــهه

زينب شَيبـــت من راح كافلــــهه

تدفن مدري شلون أحبابك

للمحشر ما ننسه مصــابك

مظلومـــة لهاليوم العتـــرة

**

مصايبكم مثلهـــه ما جرت لليــوم

من المـاي عبدالله أنذبــح محروم

ماكو مثل أبو اليمــه بشر مظلــوم

على صدرة الخيل تعثر سيدي وتكَوم

غايب وين علينـه المهدي

بيا ثـــار يطالب من يبـدي

يالسجـــاد شكَد ننتظـــرة

**

حيدر حسين الكَرعاوي

 https://t.me/HaiderHaider313HH باز کردن / نظر دهید

2022-08-08 09:45:37 باز کردن / نظر دهید

2022-08-08 09:45:32 الرضيع



شكبرها النبله البنَحرك

أطول يـّمه من عمــرك

عسن كون أنكَطع نحري        يعبدالله أخـذ عمري

*******

يا يمــه الولــد ما ينشبـع منه

من يغيب وجهك بيمـن أتهنــه

جنـت مهدك أبـد ما أبتعد عنـه

كون بسهم نحرك وجهي ألطمنه

يبعــدالله شينسيني       بعد ما أشوفك بعيني

أموتن يالولد تدري       يعبدالله أخـذ عمري

*******

أتاني سـاعة ساعــة يالولد تكبر

أغمض عيني عنك لحظة ما أكَدر

بحضني يالــولد أشتــاكَلك أكــثر  

ما ترحم ييمـــه كَلبـــي المَــرمَـر  

الُأم يبنــي شيهودها         أبنها أغلـى ما عدها

يبني ردتـــك لكبــري       يعبــدالله أخـذ عمـري

*******  

أنسـه همومي كلها والقهر والهم

بحضنـي من أشوفك يمه تتبسم

النهار بعينـي عبدالله انكَلب أظلم

يبني المـــاي من يتبــده ما يلتم

جنت تضحكلي من غبشه      ييمــه تمَوت الوحشه

راح وياك كل صبــري      يعبــدالله أخـذ عمري

*******  

حضني شكَــد يحبك ليش خليتــه  

شكثر ناداك كَلبـي وأنت ما جيته

بس القــهر يبنــي عليـه وديتـــه  

كلشـي بروحي يمــه عليك بجيته

شيشيلك يبني من بالي      تِمَـوت فركَـة الغالي

سهمك ما أجه بصدري      يعبدالله أخـذ عمري

******      

خلصت روحي يبني وما خلص حزني

جــم يعقــوب ينحب لو سمــع ونــي

كل ســاعة أموتن من غبـــت عنــي

يعبــد الله الليـــالــي شكـــثر بجنـــي

أبجـي ودمعي يبجيلي       امـوت ويــاك أدعيلـي

بعد ما ينجبر كســري       يعبدالله أخـذ عمــري

*******

ست أشهر ييمــه أشفت من عمرك  

يبنــي شكَده هــوه وينكَطـــع نحرك

أرجع خلــي آخر مرة أشم صـــدرك

أخــاف عليــك موحش يالولد كَبرك

أندفن يمك حلم عندي       وأحضن خـدك بخدي

أتاني يبني من زغري       يعبدالله أخـذ عمري

*******

حيدر حسين الكرعاوي     

  باز کردن / نظر دهید

2022-08-08 07:28:57 يا نبي بهالدنيا شال أحزاني
باجـر يذبحــون كل أخوانـــي
يا زينب يا زينب يا زينب يا زينب
********
ربي مــا تاخذها روحــي الليلة
راح يبچيلـي الحزن وأبچيـــلة
الخيـم باچر يطفــن على العيلة
يا حسين ألمــن أصيرن آنــي
********
ربي أخــذ عمري ولا بالعــاشر
حسين كلساعة يسحكَه الحــافر
الله لا خلانـــي كــــون لبــــاچر
وميتـه عبــاس الصبــح يلكَاني
********
ربـــي ما أتحمـــل وتدرينــــي
يطيح عباس وأشوفة بعينـــي
يركض عليــة الشمــر يسبيني
أوكَع شجـــم مـرة اذا جرانــي
********
ربي صبرك خاف أشوف خيامي
أظــل وحــدي وتحتـركَ جدامي
من يــرد الســــوط عن أيامـــي
آنه چــم محنه الزمن راوانـــي
********
شحچي ما ادري ويروحي الخايفة
يخوتـــي لا طالــعة ولا شــــايفة
بين كــل الزلـــم بـــاچر وآكفـــة
هذا الــــــــوداع شكــثر بچـــاني
********
باچـــــر يذّبحـولي شچم غالــي
عالرمح والروس تبچي لحــالي
چم مصيبــة راح أشيــل ابالــي
لبـــــاچر الله كـــون لا خلانــي
********
وين زينـــب باچــر تضيعونهــا
الشمس تحركَ والسياط أمتونها
يمتــــه ما لاكَلّــهم يضربونــها
شكَد أصيــح وما تجــي وليــاني
********
أركض ابين الجـــثث وأخيـامك
من الحـوافر طالعـات اعظــامك
بكَلـب زينب كـون كل أسهــامك
يا حســـين وينكَطـــع شريــاني
********
كـون اموت وياكم ألمن رايحة
كون وي جاسم والأكبر طايحة
طول زينب أي بشــرما لامحـة
عالـــهزل چم ديـــرة تتلكَانــي
********
حيدر حسين الكَرعاوي باز کردن / نظر دهید

2022-08-07 11:42:56 علي الأكبر
وكأن اشبههم وجهاً برسول الله


يا علي يوليدي يمه وجهك عيدي
******
بالـي يمــك وانت كلشــي ابالي
يمـــه ما ينحمــل موت الغالــي
النــــار يحركَهــا جمــر دلالــــي
ألـــف مرة لــو متت هنيـــــالي
وجهي ألطمه بأيدي يمه وجهك عيدي
******
يبني مو دمعـــات حركَــن عيني
بيــدي من امسحـــهن تجوينــي
مـدري ألمـــن بعـــدك تخلينــــي
إدعــي من الله صبـــر ينطينـــي
بدي باچـــر كَيدي يمه وجهك عيدي
******
آنــــه ألمـــن يالولـــــد ربيتـــك
سنين من عمري شلت وأنطيتك
شكَد أحَســـب وأشــكر تانيتــــك
وحــــدك لحظــــات ما خليتــــك
تمشــي وي وريــدي يمه وجهك عيدي
******
تروح امـــــك وين متعوفـــــها
تمــوت راح وراح ييبس شوفهـا
يالچنـــت كلســا تبوس چفوفــها
يشيب راسك يمــه من تشوفهــا
روحي بســچ هيدي يمه وجهك عيدي
******
من يجـــن الليل ياخذ حيــــلي
الله ليـراوي العــــالم ليلــــي
قاســي بس كَــام شكثر يبجيلي
عليــك الله كون أموت أدعيلــي
يا مصــايب زيدي يمه وجهك عيدي
******
يالچنت عالنـــاس بيك أتبــاها
أحلــى من يوسف ولد أنطـــاها
ليش أمــك يالـــولد تنســــــاها
تروح وتعــوف القهــر ويـــاها
هالبقيت وحيــــدي يمه وجهك عيدي
******
بروحـــي يوميــه أسوي قراية
والمصـايب والحـــزن مشــــاية
يلطـــم عليــــك الدمـــع ويـــايه
حيلــي ميت والجــــروح هوايــة
وآنه يبنـي شبيدي يمه وجهك عيدي
******
حيدر حسين الكَرعاوي باز کردن / نظر دهید