2023-05-20 22:49:24
معمول الحليب المحلى ..
كيلو طحين بضيف عليه ٥٠٠ غرام سمنة بحرارة الغرفة
ممكن اضافة ٤٠٠ غرام سمنة و١٠٠ زبدة لورباك
وممكن ٢٥٠ غرام سمنة و٢٥٠ غرام زبدة حسب رغبتكم ..
بضيف ملعقة صغيرة محلب مطحون ،
وملعقة صغيرة مو مليانة كتير مستكة مطحونة مع رشة سكر ،
بعجن الطحين بالسمنة والمحلب والمستكة لتصير عندي العجينة كريمية
بضيف ربع كوب ماء زهر ، وعلبة حليب محلى مكثف وزن ٣٩٥ غرام ،،
بقلب العجينة تقليب من تحت لفوق حتى تتشرب كل كمية الحليب ،
بغلفها منيح مايدخلها الهوا وبدخلها التلاجة ترتاح من ساعة لساعتين ،
بحضر الحشوة : بيلزمني كيلو تمر مطحون بضيفله
ربع كوب ماء ، ملعقة كبيرة مليانة سمنة ،
ملعقة صغيرة هيل مطحون ، نصف ملعقة صغيرة قرفة ناعمة ، بعجن التمر منيح مع باقي المكونات
وبكور العجينة كرات صغيرة ليسهل علي الحشي ،
باخد قسم من العجينة وبرجع الباقي للتلاجة
بعجنها كويس وباخد كورة منها بحشيها تمر وبسكرها وبشكلها اما بمنقاش المعمول واما بمكبس المعمول ،
بسخن الفرن من فوق وتحت وبدخل المعمول نار من فوق
يتحمر بعدين بحمره من تحت ، مع الانتباه الشديد لانه بسرعة بياخد لون وبيتحمر بسبب وجود الحليب المحلى بالعجينة .
بالعافية عليكم
531 views19:49